Vera - 01.04.1984, Page 2

A undanförnum árum hefur átt sér staö byltingar-
kennd þróun á sviði tölvutækni og sjálfvirkni. Ljóst
er að sú þróun á eftir að hafa gífurlegar þjóðfélags-
breytingar í för með sér, þjóðfélagsbreytingar sem
enn verður ekki séð fyrir endan á. Vinna alls þorra
fólks mun taka miklum stakkaskiptum, ný störf
verða til, önnur leggjast af.
í skrifstofu- og þjónustugreinum þar sem konur
eru í miklum meirihluta gætir áhrifanna mest um
þessar mundir og er því einnig spáð að svo muni
verða í nánustu framtíð.
Rnnsóknir, erlendis, þar sem tölvuvæðing er
lengra á veg komin en hér, hafa sýnt að konur hafa
orðið hart úti í kjölfar hennar, ekki einungis hvað
varðar starfsöryggi, heldur hefur einnig komið í Ijós
að tölvuvæðing hefur fest enn frekar í sessi hina
hefðbundnu verkaskiptingu kynjanna.
Ennfremur hafa nú nýlega borist fréttir af því að
vinna við tölvuskerma geti valdið fósturskemmdum
eða fósturláti hjá konum og munu nú í gangi erlendis
nokkuð víðtækar rannsóknir hvað þetta varðar.
Af framansögðu má sjá að hér er um að ræða mál
sem skiptir konur miklu og því mikilvægt að þær eigi
þátt í skipulagningu og ákvarðanatöku á þessu sviði.
I Ijósi þessa vekur það vægast sagt furðu að sá
starfshópur sem skipaður var s.l. haust af félags-
málaráðherra til þess aö gera könnun á áhrifum nýrr-
ar tækni á íslenska atvinnuvegi skuli einungis skip-
aður körlum.
Könnun á íslenskum vinnumarkaði sýnir svo ekki
verður um villst að kjör kvenna í skrifstofu- og þjón-
ustugreinum hafa farið versnandi miðað við kjör
karla, undanfarin ár. Það virðist því einsýnt að konur
geta ekki treyst á forsjá atvinnurekenda eða verka-
lýðsforystu hvað varðar nauðsynlegar aðgerðir í
þessum málum.
Konur verða því enn sem fyrr að taka málin í sínar
hendur og standa sameiginlega að stefnumótun og
kröfugerð í þessum efnum. Þær verða að leita leiða
til þess að nota tölvuvæðingu í eigin þágu, út frá eig-
in forsendum og gildismati og snúa við þeirri þróun
að félagsleg og efnahagsleg staða kvenna í íslensku
þjóðfélagi fari versnandi ár frá ári.
Sigurbjörg Aðalsteinsdóttir.
VERA
2/1984 APRÍL
Útgefandi:
Kvennaframboðiö í Reykjavík
Sími 22188 og 21500
Ritnefnd:
Guörún Jónsdóttir
Helga Haraldsdóttir
Helga Thorberg
Ingibjörg Sólrún Gísladóttir
Magdalena Schram
Sigríöur Fanney Ingimarsdóttir
Auk þess unnu að þessu blaði:
Salvör Gissurardóttir
Sonja Jónsdóttir
Sigurbjörg Aöalsteinsdóttir
Forsíða:
Valdís Óskarsdóttir
Útlit:
Solla, Gerla, Helga, Malla
Ábyrgaöarmaöur:
Ingibjörg Sólrún Gísladóttir
Auglýsingar og dreifing:
Guörún Alfreösdóttir
Setning og filmuvinna:
Prentþjónustan hf.
Prentun:
Solnaprent
Ath. Greinar í Veru eru birtar á ábyrgö höfunda
og eru ekki endilega stefna Kvennaframboðs-
ins í Reykjavík.
Áskriftasímar:
21500 og 22188