Vera - 01.12.1991, Blaðsíða 22

Vera - 01.12.1991, Blaðsíða 22
LISTRÆN LJOSMYNDUN breytnin og sá orðstír sem New York hefur sem listaborg virkaði spennandi á mig. Af skólum hér varð School of Visual Arts fyrir valinu. Ég sótti um og var samþykkt og er ákaflega ánægð með að hafa valið þennan skóla. Þrátt fyrir að maður læri allt um tækni- legar hliðar ljósmyndunar er áherslan fyrst og fremst á tjáningu, ljósmyndunina sem listrænan tjáningarmiðil. Á fyrsta ári eru nemendum sett fyrir ýmis verkefni til að þjálfa nýjar viddir í hugsun en eftir það eru gefnar algjörlega frjáls- ar hendur í sköpun svo maður verður að nota eigið ímyndun- arafl og sköpunarkraft. í gegn- um námið hef ég kynnst ýms- um sviðum greinarinnar og það hefur hjálpað mér að skerpa fókusinn, finna ná- kvæmlega hvar mitt áhugasvið liggur. Ég hef mestan áhuga á listljósmyndun. Að nota ljós- myndun sem listrænt tjáning- arform, jafnvel eins og mál- verk; draga upp mynd. Venju- legast vinn ég þannig að ég bý til mynd í huganum áður en ég tek sjálfa ljósmyndina. Hef ákveðna hugmynd í grófum dráttum og fikra mig svo áfram þegar ég er komin á staðinn. Ég nota fólk og læt það klæðast í allavega „múnderingar" og fyrir vikið verður það óþekkj- anlegt sem persónur. í raun bý ég til ákveðinn karakter, nota fólkið eins og leir sem ég móta. Ég klæði það og set í stellingar og hagræði bæði módelinu og lýsingu fram og til baka. í myndsköpun minni nota ég manneskjur, eina eða fleiri, til að tjá ákveðnar tilfinningar en það er ég sem ákveð hvaða tilfinningar. Ég hika ekki við að pina fólk þar til ég fæ fram rétt svipbrigði, réttar tilfinningar." Björgu hefur gengið alveg glymrandi vel og eru myndir hennar þegar orðnar vinsælar þó svo að hún hafi ekki lokið námi. Fyrir áeggjan og tilstuðl- an prófessora sinna sendi hún inn myndir í ljósmyndakeppni sem ber heitið „Best of College Photography 1991", þar sem um þrjátiu þúsund nemendur alls staðar að úr bandarískum lista- og framhaldsskólum taka þátt. Myndir Bjargar komust í úrslit og hún var ein örfárra sem hlaut heiðurs- viðurkenningu fyrir myndir sínar. Þær myndir sem hlutu viðurkenningu eða verðlaun birtust síðan i bók sem ber sama heiti og keppnin. í kjölfar úrslita keppninnar og útkomu bókarinnar hafa ýmis blöð og tímarit sýnt myndum Bjargar áhuga. Lista- og menningar- tímaritið „DIS" birti nýlega tvær mynda hennar og hið virta ljósmyndatímarit „Photo- graphers Forum", ásamt fleiri smærri tímaritum, hefur einnig falast eftir myndum hennar. Björgu hefur ennfrem- ur verið boðið að taka þátt í samsýningum hér í New York fylki. Auk þess fékk hún nýverið tilboð um að halda sýningu í frönsku menningar- stofnuninni í Kairo í Egypta- landi. Þar sem það er dágóður spotti frá New York til Kairo inni ég Björgu nánar eftir þessu. - Það var egypsk kona, sem er kvikmynda- framleiðandi, sem sá myndirnar mín- ar og hreifst af þeim. Hún sagði að þær myndu höfða sterkt til egypskrar menn- ingar. Sýningar- plássið í Kairo stendur mér til boða og aðrar hliðar málsins eru í athugun. HVER ER STAÐA KVENNA I UÓSMYNDUN? ER ÞETTA KARLAFAG, KVENNAFAG EÐA HAFA KONUR ÁTT EINS GREIÐAN AÐGANG OG KARLAR? - Þetta er algjört karlafag. Að visu er það að breytast en upp til hópa eru karlmenn ríkjandi. Það þarf ekki annað en líta á íslensk blöð þá kemur í ljós að karlmenn eru í yfirgnæfandi meirihluta í stéttinni, þótt hægt sé að finna eina og eina konu á stangli. ER SAMA STAÐAN UPPIA TENINGNUM HÉR í AMERÍKU? - Já, en hér eru breytingarnar miklu örari og konur eru að hasla sér völl í faginu. í frétta- ljósmyndun eru karlmenn enn í miklum meirihluta en þar er nauðsynlegt að geta hlaupið af stað hvenær sem er og karlmenn eiga jú miklu frekar heimangengt en konur. Konur leita eða laðast frekar að verkefnum sem þær geta einbeitt sér að heldur en að vera alltaf til- búnar með tösk- una og vaktar upp um miðja nótt og hlaupa ef eitthvað er að gerast. í list- ljósmyndun er hlutfall kynjanna orðið algjörlega jafnt. í námi er hlutfall karla og kvenna mjög áþekkt en þegar kemur að sýningum dóminera karlmenn hins vegar galleríin. Einfaldlega vegna þess að það eru mjög fáir ungir listamenn sem komast að til að sýna og ef við lítum tíu ár aftur í tímann þá voru karlmenn algjörlega ríkjandi. Heima á íslandi hafa margar konur farið út í ljós- myndanám en þær eru sorg- lega margar sem enda svo á því að fara að vinna við eitthvað algjörlega óskylt, því miður, hver svo sem ástæðan er. En svo virðist sem karlmenn séu frekar tilbúnir að berjast áfram, því þetta er barátta. Þeir virðast frekar reyna að fá vinnu við fagið og eru duglegri að ná í verkefni. Vonandi eiga allar þær konur sem eru núna að læra ljósmyndun eftir að skila sér. EIN KJARNASPURNING BJORG. ER HÆGT AÐ LÆRA AÐ TAKA GÓÐA UÓSMYND? - Ja, það er hægt að læra að taka góða ljósmynd. Maður lærir nú aðallega af mistök- unum, þau eru besti kennar- inn! Það er hægt að læra ljós- myndun en munurinn á góðri og slæmri ljósmynd er það sem þú hefur. Sumir hafa einfald- lega ekki „auga" af einhverri ástæðu. Það er ekki hægt að kenna fólki að hafa „auga", námið getur ekki kennt þér það heldur einungis hjálpað þér að þroska þetta „auga". Það er hægt að taka góða mynd á tiltölulega einfalda mynda- vél. Tækjadellan er frá karl- mönnum komin. Það er voða næs að hafa allskonar græjur og dótarí, mótora og fullt af myndavélum framan á sér, en myndin verður ekkert betri. Það er hins vegar heilinn eða hugvitið bakvið myndina sem skiptir máli, ekki búnaðurinn. NU UTSKRIFAST ÞU NÆSTAVOR, HVAÐ TEKUR ÞÁ VIÐ? - Mig langar til að halda sýningar í galleríum hér í New York. Það heillar mig mest. Ég held mér reyndar alltaf við jörðina með þvi að vinna fyrir islensk og amerísk blöð og tímarit. Ég hef gert töluvert af . . 22

x

Vera

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vera
https://timarit.is/publication/858

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.