Vera - 01.12.1991, Blaðsíða 16

Vera - 01.12.1991, Blaðsíða 16
L NU VILJUM VIÐ FARA AÐ ÁDA &! JORNA Kvennalístinn á aö- eins einn borgar- fulltrúa, en fulltrúar listans sitja í níu nefndum og ráðum á vegum borgarinnar. Borgarmálahópur Kvennalistans hittist á briðjudögum klukkan 16.30 ó Laugavegi 17. Fundirnir eru opnir öllum Kvenna- listakonum og VERA lelt inn til aö forvitnast um störf hópsins. Hvaðgetureinkona gert í borgarstjórn? Elín: Við eigum í raun miklu meira en einn fulltrúa inni í borgarkerfinu þvi að við erum með fulltrúa í níu nefndum og ráðum á vegum borgarinnar, bæði aðal- og varafulltrúa. Þessar konur eru mjög virkar í kerfinu á okkar vegum. Hins vegar erum við ekki með nema einn fulltrúa í borgarstjórn og það er allt of lítið, það er mála sannast. Mér finnst afar erfitt að vera ein í borgar- stjórn. Borgarstjórn er flókið fyrirbæri. Það þarf að setja sig inn í öll mál og störf allra nefnda. Á fundinum í borgarráði í dag voru 70 mál á dagskrá, þar af 13 fundargerðir. Ég þarf að setja mig inn í allar þessar fundargerðir og fylgjast vel með hvað er að gerast í hverri nefnd fyrir sig auk þess sem ýmislegt annað kemur uppá á þessum fundum. Það má ekki taka nema þrisvar til máls undir hverjum lið í borgarstjórn og maður þarf að vera ansi snöggur að taka við sér og vera mjög vel vakandi til þess að geta tjáð sig um öll málin og svara síðan, bóka og jafnvel koma með tillögur á stundinni. Það væri mikill munur að hafa annan fulltrúa til að skipta ábyrgð og vinnu. Guðrún: Málin gerast alveg ótrúlega hratt í borgarstjórn. Ég hef farið í tvigang inn til vara, Elín ég dáist að þér að vera að berjast inni í þessari borgarstjórn. Ég missi bara móðinn, ég missi mat- arlyst, ég missi andagift, nei í alvöru þetta er svo óþolandi. Mað- ur þarf í rauninni áfallameðferð eftir að hafa verið þar inni. Ég upplifði geysilega sterkt þessar blokkir minnihluti-meirihluti, en þær eru ekki eins áberandi í borgarráði. Þegar í borgarstjórn er komið er svo mikið form á öllu og maður skynjar það að þó svo að minnihlutinn sé oft með mjög góð mál þá er búið að taka afstöðu gegn þeim. Þetta eru mjög sér- kennileg og ólýðræðisleg vinnu- brögð. Ég var svo mikið barn að ég gerði mér enga grein fyrir því hvernig þetta var í raun og veru. Það eru fordæmi fyrir þverpóli- Uskri samstöðu um hin og þessi mál á Alþingi, en það er óþekkt í borgarstjóm. Eina málið er Aust- urstræti, þá riðlaðist allt - enda var gaman að fylgjast með því máli! Ég vil þó taka það fram að það hefur gengið á margan hátt mjög vel að starfa með Sjálfstæðis- flokknum og öðrum flokkum í nefndum, það hefur ekki verið neitt vandamál. Margrét: Reynsla okkar er misjöfn eftir nefndum. Ég er í umferðarnefnd og nýlega bað t.d. foreldrafélag um að slysagildru yrði rutt úr vegi. Ég bar fram þá tillögu að settar yrðu grindur þannig að ekki væri hægt að aka upp á gangstéttina. Þetta var fellt með þeim orðum að það væru aðrir staðir í bænum jafn hættu- legir! Þetta er einkennandi fyrir forgangsröðun mála. Sjónarmið gangandi vegfarenda er ekki ofar- lega á óskalistanum. Ég er ósátt við þennan hugsunarhátt. Elín Vigdís: Ég sit í barnavernd- arnefnd og ég dáist að starfsfólki félagsmálastofnunar. Þetta fólk vinnur svo gott starf, en álagið er gríðarlegt því að það vantar svo fleira fólk. Við i barnaverndar- nefnd fengum það í gegn að stöðugildum hefur verið fjölgað. En það er ekki hægt að ráða í þau vegna þess hve launin eru lág. Auk þess vantar dagheimilispláss fyrir þá félagsráðgjafa sem gætu komið í þessa vinnu. Af þessu leiðir að málin þurfa að vera orðin mjög alvarleg til að hægt sé að taka á þeim - því að þau eru svo mörg en starfsfólkið svo fátt. Það vantar t.d. heimili fyrir unglinga sem eiga ekki í nein hús að venda. Hér er töluverður hópur af unglingum sem kallast í dag- legu tali óalandi og óferjandi. Það er ekki hægt að hafa þessa krakka í þerapískri vinnslu í unglinga- heimilisbatteríinu, þar sem þau geta farið ef þau eru ekki tilbúin til samvinnu. Þetta heimili þyrfti því að vera lokað. Mér finnst þetta vera eitt af brýnustu málunum. Guðrún: Mér finnst það hræðileg tilfinning að geta setið uppi með það að hafa eyðilagt mál með því að bera það upp. Segjum svo að minnihlutahópur úti í bæ biðji okkur um að leggja ákveðið mál fyrir, þá liggur við að maður verði að vera heiðarlegur og segja við- komandi að tala við einhvern í Sjálfstæðisflokknum og svo skul- um við styðja málið. Elín: Borgarráðið hefur skánað mikið síðan Davíð hætti, þar sem nú ríkja þar lýðræðislegri vinnu- brögð en áður. Nú var fundinum að ljúka klukkan hálf fimm, það segir mér fyrst og fremst það að nýi borgarstjórinn gefur fólki meira svigrúm til að tjá sig. Nú er meiri almenn umræða um ýmis- legt sem var nánast óþekkt fyrir- bæri áður. Á síðasta fundi borgar- stjórnar kom Framsóknarflokk- urinn t.d. með tillögu varðandi Sorpu og í dag mætti fram- kvæmdastjóri Sorpu á fund í 4 16

x

Vera

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vera
https://timarit.is/publication/858

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.