Vera - 01.04.1993, Page 16

AFTURKIPPUR
DÆMI UM AFIURKIPPINN?
Þegar ákveöiö var aö taka
afturkippinn í kvennabar-
áttunni til umfjöllunar vildi
ritnefnd Veru leita dœma
hérlendis. Eftirfarandi tilvitn-
anir eru dœmi úr íslenskri
þjóömálaumrœöu. Eru þau
dœmi um afturkippinn í
kvennabaráttunni? Dœmi nú
hver fyrir sig.
BIRNA HREIÐARSDÓTTIR,
LÖGFRÆÐINGUR
Birna gegndi stöðu fram-
kvæmdastjóra Jafnréttisráðs
síðastliðið haust. Þá sagði hún á
landsfundi Kvenréttindafélags
íslands:
„Jafnréttisbaráttan hefur leitt
til tvöfalds vinnuálags kvenna
... úti og heima"
- Hvað meinaröu, er vinnuálagið
jafnréttisbaráttunni aö kenna?
„Jafnréttisbarátta síðustu
áratuga opnaði konum leið til
mennta og út á vinnumarkað-
inn, en verkaskipting á heimil-
um hefur því miður ekki verið í
takt við þá þróun. Hér kemur
eflaust margt til en að þessu
leyti stenst ofangreind fullyrð-
ing. í Danmörku er atvinnu-
þátttaka kvenna svipuð og hér á
landi en þar er mun meira jafn-
ræði milli kynjanna þegar kemur
að verkaskiptingu á heimili.
Hvað er til ráða? Ég tel vænleg-
ast til árangurs að taka upp
skipulagða jafnréttisfræðslu í
efri bekkjum grunnskóla og
freista þess að ná til ungs fólks
meðan það er enn móttækilegt
fyrir nýjum stefnum og straum-
um.“
ÖRN CLAUSEN,
HÆSTARÉTTARLÖGMAÐUR
Örn sagði í viðtali við Pressuna
um kynferðisafbrot 4. mars sl:
„Konur vilja meina að
nauðgun sé ofbeldi, en ekki af
kynferðislegum toga. Ég held
að þetta sé ekki síður hömlu-
leysi og dómgreindarleysi.
Menn fremja ekki svona brot
af því að það sé vandamál að fá
kynferðislega útrás á íslandi.
Ef við lítum á skemmtistaði á
íslandi og sjáum hvernig laus-
lætið grasserar - hvernig kven-
fólkið hegðar sér - þá sést að
það er eitthvað bogið við
menn sem þurfa að beita
ofbeldi til að hafa sitt fram.
Mér er sagt að menn eigi fót-
um fjör að launa að sleppa
undan kvenfólki á skemmti-
stöðum og því miður hefur það
viljað loða við íslenskt kven-
fólk hvað það er lauslátt."
- Ef það er svona auðvelt fyrir
karlmenn að fá þaö hjá íslensk-
um konum, eins og þú heldur
fram, hvers vegna er konum þá
nauðgað?
„Nú það er eins og ég sagði,
þetta eru brenglaðir menn sem
fremja svona verknaði."
- Þú sagðir einnig að þeir
væru oft á tíðum ekki sakhæflr,
hvers vegna ekki?
„í mjög mörgum tilfellum er
þetta svo mikil brenglun að
mennirnir geta vart talist sak-
hæfir þó svo að íslenskt réttar-
kerfi telji svo.“
- Er þetta þá einhvers konar
stundarbrjálæði?
„Já, það hlýtur að vera, þetta
er auðvitað ekkert annað, það
slær út í fyrir þeim, þessir menn
vita að það kemst upp um þá,
þeir geta hlotið allt að 4-5 ára
dóm, hvað er þetta annað en
stundarbrj álæði?"
- En ef þeir eru ekki sak-
hæfir, hvað á þá að gera við þá?
„Þessir menn þurfa náttúru-
lega læknishjálp."
- Þú telur nauðgun ekki of-
beldi?
„Nei, þetta er sambland af
brenglun, drykkju og kynferðis-
legri þörf sem þeir verða að fá
útrás fyrir.“
RITSTJÓRI
Ellert sagði eftirfarandi í leiðara
DV þann 27. febrúar sl:
„í vaxandi mæli gerist það að
börn eru án umhyggju og
verndar foreldra. Fyrir það
fyrsta er krafan sú að báðir
foreldrar vinni utan heimilis.
Síðan koma aðrar aðstæður til
viðbótar. Einstæð foreldri,
ábyrgðarleysi, atvinnuleysi,
óregla, fátækt, vanþekking og
vangeta til að sinna uppeldi..."
- Leggur þú einstœð foreldri, sem
oftast eru konur, að jöfnu við
ábyrgðarleysi, atvinnuleysi,
óreglu, fátœkt, vanþekkingu og
vangetu til að sinna uppeldi?
„Nei, ég er að tala um einstæða
foreldra og það verður hver að
leggja út af því eins og hann vill
sjálfur. Auk þess þarf ég ekki að
svara fyrir það sem ég skrifa, það
sem er skrifað er skrifað."
GUÐRÚN HELGADÓTTIR,
ÞINGMAÐUR
Guðrún sagði eftirfarandi í um-
ræðum um jafnréttismál á
Alþingi íyrir nokkrum árum:
„Ef við setjumst niður og
spyrjum okkur: Hvað hefur
breyst til batnaðar? Ég hika
ekki við að segja nákvæmlega
ekki neitt. Við lifum í heldur
verra þjóðfélagi en við gerðum
áður. Ég endurtek þetta, hv.
þingmenn Kvennalistans.
Þjóðfélagið okkar er heldur
verra en það var. Hver er
ánægðari? Konur? Nei. Karl-
menn? Nei. Börnin? Nehei, því
sannleikurinn er sá að allt
þetta brölt hefur orsakað það
að börn landsins og gamal-
menni eru útigangsfólk í þjóð-
félagi okkar. Það er enginn til
að hugsa um þau.“
- Ert þú á móti kvennaóar-
áttunni?
„Ég er ekki andvíg ábyrgri
baráttu fyrir félagslegu jafnrétti
kvenna og karla á vinnumark-
aðnum, en ég tel að sú barátta
verði að haldast í hendur við
jafnrétti allra þeirra sem ekki
eru þar. Sjálfhverf einhliða
barátta íyrir auknum réttindum
kvenna án samhengis við nauð-
synlegar breytingar á sam-
félaginu, er engum til góðs eins
og átakanleg dæmi sanna.“
16