Vera - 01.06.1993, Blaðsíða 2

VERA
TÍMARIT UM KONUR OG KVENFRELSI
LEIÐARI
HVERS VEGNA VARÐ RANNVEIG EKKI RÁÐHERRA?
Fjölmargar konur hafa haft samband við okkur í kjölfar
síðustu Veru sem fjallaði um afturkipp í kvennabarátt-
unni. Ein sagðist vera komin með bakslagið á heilann
og sjá þess alls staðar merki. Hún sagði að samstarfs-
konur hennar heíðu náð í blaðið og leslð upp til agna.
„Og þær sjá einnig merki andspyrnu gegn konum viða í
samfélaginu. Er það kannski ekki dæmi um andspyrnu
gegn konum þegar karlmenn eru tilbúnir til að deila
völdum með öðrum körlum, en ekki konum? Hvers
vegna varð Katrín Fjeldsted ekki borgarstjóri, Inga Jóna
Þórðardóttir ekki útvarpsstjóri, hvers vegna varð ekki
kona Þjóðleikhússtjórí, leikhússtjóri Borgarleikhúss,
dagskrárstjóri Rásar tvö eða ríkissjónvarpsins — og síð-
ast en ekki síst hvers vegna varð Rannveig Guðmunds-
dóttir ekki ráðherra? Menn geta ekki lengur afsakað sig
með því að engin hæf kona hafl sóst eftir fyrrnefndum
stöðum. Það þurfti ekki að ganga eftir þeim, þær voru til
í slaginn."
Ráðherraskiptin í ríkisstjórninni hljóta að vekja kon-
ur til umhugsunar um stöðu kvenna innan hefðbund-
inna stjórnmálaflokka. Formaður Alþýðuflokksins tal-
aði um kynslóðaskipti í flokknum. Er svona mikill ald-
ursmunur á Rannveigu og Guðmundi Árna? Og hvenær
fór aldur að skipta máli í pólitík? Mega konur kannski
ekki vera „vitlausu megin" við fertugt? Lára V. Júlíus-
dóttir sagði í viðtaii við fréttastofu útvarpsins að Alþýðu-
flokkskonur væru óánægðar því nú hefði flokkurínn
getað rétt hlut kvenna.
Konur í Sjálfstæðisflokknum vilja einnig að vegur
kvenna innan flokksins verði meiri, það kom skýrt fram
á 19. landsþingi sjálfstæðiskvenna sem haldið var í jún-
íbyijun. Þingfulltrúar höfðu áhyggjur af minnkandi
stuðningi kvenna við Sjálfstæðisflokkinn og leggja á-
herslu á að sjónarmið kvenna innan flokksins komi
fram í ríkara mæli fyrír næstu kosningar. Þrátt fyrir
samþykkt stjórnmálaályktunar á síðasta landsþingi, en
þau eru haldin annað hvert ár, um að Sjálfstæðisflokk-
urinn ætti að beita sér fyrir þvi að fleiri konur yrðu kall-
aðar til ábyrgðarstarfa á öllum sviðum þjóðfélagsins í
samræmi við stóraukna menntun þeirra, hefur staða
kvenna innan Sjálfstæðisflokksins lítið breyst.
Alþýðuflokkurinn kaus ekki að rétta hlut kvenna.
Sjálfstæðiskonur vilja meirí völd innan flokksins. Al-
þýðubandalagskonur hittast á sérstökum kvennafund-
um og vilja einnig meirí völd. Á flokksþingi Framsókn-
arflokksins sl. haust var starfandi sérstakur áætlunar-
hópur sem ræddi hvernig auka mætti hlut kvenna inn-
an flokksins. Það er yflrlýst stefna flokksins að bæta
hlut kvenna og vegur framsóknarkvenna hefur reyndar
batnað undanfarín ár, en þær vilja meira. Siv Friðleifs-
dóttir, sem sat i áætlunarhópnum, vildi helst fá sérstak-
an kvóta en það var ekki samþykkt innan hópsins held-
ur lögð fram mjög almennt orðuð ályktun.
Er ekki útséð um að flokksforysta þessara flokka vilji
láta konur hafa meirí völd — hvort sem er innan flokks
eða utan? Flokkskonur geta e.t.v. tekið undir orð einn-
ar sem hafði samband við okkur vegna umræðunnar
um bakslagið: „Nú skil ég svo margt betur og er tilbúin
að snúa vörn í sókn“.
RAGNHILDUR VIGFÚSDÓTTIR
I ÞESSARI VERU:
Að búa á tveimur stöðum, útheimtir
að oft þarf að setja í ferðatösku. Hér
má sjá hvernig Jóna Valgerður
Kristjánsdóttir, þingkona
Kvennalistans á Vestfjörðum, slœr
tvœr flugur í einu höggl og afgreiðir
hárlagninguna í leiðlnnl.
KVEÐJA TIL MAGDALENU SCHRAM 8
JAPANSKA EFNAHAGSUNDRIÐ 13
Kristín ísleifsdóttir skrifar um konur í Japan
ENGAR KVENNARANNSÓKNIR ÁN KVENNAPÓLITÍKUR 16
Guðrún Ólafsdóttir segir frá alþjóðlegri kvennaráðstefnu
í Costa Rica í febrúar 1993.
BAK VIÐ BLÆJUNA 20
Bergljót Gunnarsdóttir skrifar frá Kanada
GLERKASSAMENNING 22
Þórhildur Þorleifsdóttir rœðir um íslenska menningarstefnu,
PINGMÁL 26
AÐ AUKI FJALLAR VERA UM FERÐALÖG, GRÓÐURRÆKT,
VINNUVERND, MAT OG FRAMHALDSSAGAN
„MÆÐUR OG DÆTUR" ER Á SÍNUM STAÐ.
3/1993 - 12. árg.
VERA blað kvennabaráttu
Pósthólf 1685
121 Reykjavík
Kt. 640185-0319
Sími: 91-22188
Útgefandi:
Samtök um Kvennalista
Forsíða:
Leonardo da Vinci
Ritnefnd:
Ása Richardsdóttir
Guðrún Ólafsdóttir
Ingibjörg Sólrún Gísladóttir
Ingibjörg Stefánsdóttir
Kristín Karlsdóttir
Lára Magnúsardóttir
Nína Helgadóttir
Sigríður Ingibjörg Ingadóttir
Ritstýrur
og ábyrgðarmenn:
Björg Árnadóttir
Ragnhildur Vigfúsdóttir
Skrifstofustýra:
Vala Valdimarsdóttir
Umsjón með útliti:
Harpa Björnsdóttir
Ljósmyndir:
Anna Fjóla Gísladóttir
Sóla
Kristín Bogadóttir
Bonni
Myndskreytingar:
Áslaug Jónsdóttir
Slgurborg Stefánsdóttir
Nemendur í Myndllsta-
og handíðaskóla (slands
Auglýsingar:
Áslaug Nielsen
Setning, tölvuumbrot og
filmuvinna:
Þrentþjónustan hf.
Prentun og bókband:
Frjáls Fjölmiðlun
Plastpökkun:
Vlnnuheimilið Bjarkarás
© VERA
ISSN 1021-8793
Ath. Greinar í Veru eru birtar
á ábyrgð höfunda sinna
og eru ekki endilega
stefna útgefenda.
2