Vera - 01.06.1993, Blaðsíða 39

Sú rannsókn sýnir að bæði kynin
dreymir jafnmikið um að draga
sig í hlé inn á heimilið.
— Eitt skil ég ekki, segir Faludi,
ég skil ekki hvers vegna sterkir
karlmenn sem náð hafa langt
hafa þörf fyrir að hafa máttlausar
skrautdúkkur sér við hlið. Tök-
um til dæmis stjórnmálamenn
sem oft eiga margar ungar ást-
meyjar eða Woody Allen, sem
hittir áhugaverðustu konur í
heimi, en hvað gerir hann? Hvers
vegna velja valdamenn valda-
lausar konur? Það er óskiljanlegt!
Blaðamaður Dagens Nyheter
segir að Susan Faludi sé ákaflega
hreinskilin og það sé erfitt að
ímynda sér að nokkur geti ásak-
að hana um karlhatur. Nú, þegar
hún hefur lagt mikla vinnu í að
kortieggja viðbrögð bandarískra
karla við framsókn kvenna, hefur
hún þetta að segja:
— Margir feministar eyða orku í
að gagnrýna karlmenn í stað þess
að benda á lausnir. Hvernig vilj-
um við hafa karlmenn? Hlutverk
þeirra í dag er frekar laust í reip-
unum. Og þeir lifa hættulegu lífi!
Þeir deyja yngri en konur, sjálfs-
morð eru tíðari meðal karla en
kvenna og flestöll ofbeldisverk
eru unnin af karlmönnum gegn
karlmönnum. Hvers vegna halda
bæði kynin í þessi ójöfnu kyn-
hlutverk, spyr hún og er mjög
meðvituð um að flestar konur
halda í þessi hlutverk, annars
hefðu meiri breytingar orðið á
þeim.
Henni finnst skiptingin á milli
atvinnu og einkalífs, atvinnu og
barna óeðlileg í samfélögum nú-
tímans.
—Og hugsið ykkur hvað mann-
kynið tapar á því að annar helm-
ingurinn kúgar hinn. Þvílík sóun
á mannlegum verðmætum!
Það er erfitt að skilja hvað
stendur í vegi fyrir jafnrétti kynj-
anna. Hvað er það sem hræðir
karlmennina? Tilfinningalega
væri miklu heilbrigðara að jafn-
rétti ríkti. Og það er miklu
skemmtilegra fyrir karlmenn að
geta talað við konur og borið virð-
ingu fyrir þeim heldur en að
koma fram við þær eins og gólf-
mottur. Jöfn laun myndu líka
bæta lífskjör karlanna. Og hugs-
ið ykkur hversu miklu skemmti-
legra það væri fyrir feður að fá að
hjálpa dætrum sínum að
þroskast og verða að frjálsum,
sjálfstæðum einstaklingum. Eig-
inlega er það mjög skrítið að um-
ræða um jafnréttismál skuli bara
Qalla um hvort konur eigi að
vinna úti eða vera heima hjá
börnum. Það verður að vera til
þriðja leiðin, leið sem gerir lífið
auðugra fyrir konur, karla og
börn, segir metsöluhöfundurinn
Susan Faludi. □
Úr Dagens Nyheter. BÁ þýddi og stytti
Teikning: Áslaug Jónsdóttir
HEYRT UM
JAFNRÉTTISMÁL
Ef að konur vilja ráða eins mikfu
og karlar þá ætti líka að mega
beija þær jafnmikið.
(12 ára strákur)
Ég er einstæð móðir í námi, en
fékk samt ekki leikskólapláss fyrr
en barnið mitt var orðið tveggja
og hálfs. Þá fékk ég pláss í Breið-
holti, en ég bý í Grafavogi og er í
skóla niðri í bæ. Ég verð að
skrópa í einn tima á dag til að
geta skipt um pössun.
(Ung námskona)
Það er í sjálfu sér óréttlátt að
stelpa þurfi að hætta í skóla ef
hún verður ólétt. En þetta er
alltaf spurning um val.
(Ungur námsmaður)
Maðurinn minn er í karlaklúbbi
og það kostar okkur næstum tvö-
föld mánaðarlaunin mín á ári. Ef
ég keypti eitthvað til heimilissins
fyrir þann pening myndi hann
segja að ég væri kaupsjúk.
(25 ára verkakona)
Ég þakka jafnréttisbaráttunni
það hvað ég á góða konu. Ég bjó
lengi í landi þar sem konurnar
voru barnamaskínur, næturgögn
og bóntuskur, en karlar leituðu
sér sálufélaga á börunum. Ég er
feginn að eiga konu sem er á
sama róli í tilverunni og ég.
(Karlmaður á flmmtugsaldri)
Ég hugsa að pabbi haíi aldrei
minnst á okkur systkinin í vinn-
unni. Nú eru karlmenn farnir að
tala um börnin sín — en bara
sem sigurvegarar. „Sonur minn
ber af öllum á leikskólanum, það
segir fóstran.” Þeir geta ekki sagt
frá þvi sem miður fer og fengið
huggun og stuðning hjá vinnufé-
lögunum.
(Kona á fertugsaldri)
NÍU RÁÐ
TIL AD GERA LÍTIÐ ÚR KVENNAHREYFINGUNNI
í norska blaðinu Kvinnejournalen lýsir Susan Faludi níu leiðum
til að gera lítið úr kvennahreyíingunni.
o Kenndu kvennahreyfingunni
um þegar eitthvað fer úrskeiðis
hjá konum.
© Vitnaðu í vísindalegar rann-
sóknir þegar þú ræðst á kvenna-
hreyfinguna.
© Ef vísindalegar niðurstöður
eru ekki tiltækar skaltu leiða
einhveija tiltekna konu til af-
töku.
o Láttu ekki staðreyndir stöðva
þig í viðleitni þinni til að þagga
niður í konum og kvennahreyf-
ingunni.
© Skammaðu konur og kvenna-
hreyfinguna fyrir að segja og gera
hluti sem þær aldrei sögðu og
gerðu.
© Fáðu konur til að ráðast hver
á aðra.
0 Notaðu femíniska frasa þegar
þú ræðst á kvennahreyfinguna
svo að það líti út fyrir að þú sért
á hennar bandi.
© Ef þú ert staðinn að verki í
árásum þínum á femínismann
skaltu slá jjví upp í grin.
© Láttu eins og femínisminn sé
dauður — kannski deyr hann þá.