Vera - 01.07.1994, Side 12

12
KONUR í STJÓRNMÁLUM TIL
SJÁVAR OG SVEITA
Kvennalistakonur voru kosnar í hreppsnefndir, bæjar- og sveitarstjórnir víða um land og sló Vera á
þráðinn til nokkurra þeirra og rakti úr þeim garnirnar um aldur og fyrri störf, pólitík, kosningamar,
stöðu kvenna í sveitarstjómum og margt fleira. Hér er stiklað á stóru.
Katrín Pálsdóttir er nýkomin í bæjarstjóm á Sel-
tjamarnesi, en hún var í þriðja sæti á óháðum lista
Bæjarmálafélagsins, sem bætti við sig miklu
fylgi, en er áfram í minnihluta. Hún er hjúkmnar-
fræðingur með meiru, hefur undanfarin ár verið i
vinnu og námi og starfar nú á slysadeild Borgar-
spítalans. Katrín hefur stutt Kvennalistann frá
upphafi en hóf að starfa að alvöru þegar leitað var
til kvennalistakvenna á Seltjamarnesi varðandi
sameiginlegt framboð 1990 og varð þá fyrsti vara-
maður. „Samstarfið hefur verið með miklum
ágætum og málefnaágreiningur enginn. Þess
vegna er ég sannfærð um að þetta er það sem
koma skal, mun betra að samnýta bæði krafta og
peninga, því þetta kostar nú ekki lítió, auk þess
sem mikill ijöldi atkvæða dettur niður dauður
þegar margir listar eru í boði.“
Starfið framundan leggst vel í Katrínu. Hún telur
brýna þörf á að koma upp hjúkrunarheimili fyrir
eldri borgara í bæjarfélaginu, málefni unglinga
krefjist umijöllunar sem og atvinnu- og skipu-
lagsmálin.
Valgerður Gunnarsdóttir var kjörin í bæjarstjóm
Húsavíkur af sameiginlegum lista Kvennalista,
Alþýðubandalags og óháðra og hefur nú sitt
þriðja kjörtímabil. „Sameiginleg framboð eru ár-
angursríkari til að koma málum fram. Við getum
að vísu látið heyrast meira í okkur sem stök rödd
en til aó hafa áhrif er sameiginlega leióin væn-
legri.“ Hún var í 2. sæti en alls voru 5 kvennalista-
konur á listanum. Myndaður var meirihluti ásamt
framsóknarmönnum eftir kosningar og var Val-
gerður kjörin forseti bæjarstjómar fyrir kjörtíma-
bilið. Hún er íslenskukennari við framhaldsskól-
ann á Húsavík og hefur tekið virkan þátt í starfi
Kvennalistans frá Upphafi. „Kosningabaráttan var
lífleg, við brydduðum upp á ýmsum nýjungum,
eins og að færa bæjarbúum birkiplöntur með
stefnuskránni og bjóða ungu fólki til grillveislu
og viðræðna. Það var greinilegt að unga fólkið er
áhugasamt um bæjarmálin.“
Valgerður segir að atvinnumálin verði for-
gangsverkefni nýrrar bæjarstjómar. „Mér líst vel
á að fá að vinna að því að byggja atvinnulífið upp
á ný. Skóla-, dagvistar-, menningar og umhverfis-
mál em einnig mín hjartans mál.“
Guðrún A. Stefánsdóttir er fyrsta kvennalistakon-
an til að sitja í bæjarstjóm Isafjarðar. Hún er fædd
og uppalin að mestu á Isafirði, kynntist þar eigin-
manni sínum og á nú fjögur uppkomin börn. Guð-
rún hefur sinnt ýmsum störfum gegnum árin en
lauk fyrir stuttu prófi í uppeldis-, menntunarfræð-
um og námsráðgjöf við Háskólann og starfar nú
sem námsráðgjafi og áfangastjóri við Framhalds-
skóla Vestíjarða.
Guðrún fékk stjómmálaáhugann á háskólaár-
unum, fór að sækja fúndi Kvennalistans í vetur og
ákvað að taka l. sætið á lista fyrir orð ýmissa
mætra kvenna. „Kosningabaráttan var skemmti-
leg og það verður gaman að takast á við þetta, en
ég hefði auðvitað gjaman viljað vera í meiri-
hluta.“ Það kom til greina að fara í sameiginlegt
framboð gegn sjálfstæðismönnum en Framsókn
var ekki til í slaginn. „Raunar finnst mér fáránlegt
að vera með fimm framboðslista í svona litlu
bæjarfélagi.“
Guðrún segist munu vinna að þeim málum
sem lögð var áhersla á í kosningabaráttunni en
það em skóla- og umhverfismál. „Það þarf einnig
að styrkja atvinnulífið, finna leiðir til að vinna afl-
ann betur og leita á önnur mið því þorskkvótinn
fer sífellt minnkandi, styrkja smáfýrirtæki og hlúa
að ferðamálum.“
Sigríður Jensdóttir er að hefja sitt þriðja kjörtíma-
bil í bæjastjórn Selfoss og þá sem forseti bæjar-
stjómar. Kvennalistinn bauð i annað sinn fram
sameiginlega með Alþýðubandalagi og Alþýðu-
flokki og var Sigríður efst á lista í bæði skiptin.
Þau era í meirihlutasamstarfi með sjálfstæðis-
mönnum en Framsókn er í minnihluta. Sigríður er
jafnframt oddviti héraðsnefndar Amesinga.
„Kosningabaráttan var fremur dauf enda
beindist athyglin mikið til að kosningunum i
Reykjavík. Annars held ég að fólk hafi almennt
verið sátt við gang mála hér síðustu árin og ekki
fundið sig knúið til að taka einarða afstöðu með
eða á móti. Við höfum unnið mikið að málum
sem snerta fjölskylduna, eins og skóla- og dag-
vistarmálum auk umhverfismála. Sumir vilja
þakka það auknum fjölda kvenna í bæjarstjóm.“
Síðustu tvö kjörtímabil hafa þær verið þrjár en
verða nú fjórar. Sigríður hugðist reyndar draga sig
í hlé enda í mörg horn að líta, hún á fimm börn og
vinnur fulla vinnu hjá Vátryggingafélagi Islands,
en erfitt rcyndist að fá konur í framboð. „Þær báru
fyrir sig reynsluleysi og þýddi lítið fyrir mig að
benda þeim á að þannig hefði ég nú byrjað. En
vinnuálagið á konum er enn gífurlegt og þetta er
ekki hægt nema með góðum stuðningi heiman
að.“
Helga Sigurjónsdóttir var kjörin í bæjarstjórn
Kópavogs af Kvennalista. Hún hefur lengi haft af-
skipti af kvenréttindabaráttu, var ein stofnenda
Rauðsokkahreyfingarinnar en gekk síðar til liðs
við Kvennaframboðið og var ein þeirra sem sköp-
uðu hugtakinu „kvennamenning“ sess í íslenskri
hugsun. Helga er menntuð í íslensku og sálar- og
kennslufræðum og hefur kennt við Menntaskól-
ann í Kópavogi um árabil. „Mín hjartans mál eru
kjör kvenna og bama en segja má að skóla-
málapólitík sé grannurinn að mínum pólitíska á-
huga. I raun hefði ég áhuga á komast í landsmálin
Katrín Pálsdóttir
Valgerður Gunnarsdóttir

Guðrún Á. Stefánsdóttir
Sigríður Jensdóttir
Hclga Sigurjónsdóttir