Vera - 01.02.2000, Blaðsíða 6
Rétturinn til fóstureyðinga var eitt af mikilvægustu baráttumálum kvennahreyfingarinnar á áttunda áratugnum og lauk
hér á landi með nýrri fóstureyðingarlöggjöf árið 1975. Þó að þar sé um mikilvæg réttindi að ræða er það ráðstöfun í
neyðartilvikum.
Hér á landi er mun meira um unglingaþunganir en á hinum Norðurlöndunum. Þess verður bæði vart í því að fóstur-
eyðingum hefur fjölgað mjög undanfarin ár í þeim aldursflokki og einnig fæðingum - en þær eru áberandi fleiri hér en
á hinum Norðurlöndunum. Niðurstaðan hlýtur að vera sú að ungt fólk sýnir allt of mikið ábyrgðarleysi í kynlífi og nýtir
sér ekki þær getnaðarvarnir sem standa til boða.
Hvað er til ráða? Eru getnaðarvarnir of dýrar og óaðgengilegar á íslandi? Af hverju eru þær ekki ókeypis eins og í
mörgum Evrópulöndum? Hvernig er hægt að fá unga karlmenn til að sýna meiri ábyrgð? Við verðum að breyta þeirri
gömlu sögu að konur taki einar á sig afleiðingar einnar nætur kæruleysis.
Kynlífsráðgjöf í Hinu Húsinu
Hitt húsið, Aðalstræti 2, Reykjavík er upplýsinga- og menningarmiðstöð ungs
fólks á aldrinum 16 til 25 ára. í vistlegu herbergi í húsinu hafa Fræðslusamtök um
kynlíf og barneignir (FKB) aðstöðu og hafa opið á mánudögum kl. 16 til 18. Ráð-
gjöfin er veitt af samstarfshópi hjúkrunarfræðinga, Ijósmæðra og lækna. Hægt er
að hringja alla daga í símboða 842 3045 til að ná sambandi við ráðgjafa. Gerð
eru þungunarpróf og hægt er að fá neyðargetnaðarvörn ef þörf krefur.
Tilgangurinn með starfi hópsins í Hinu húsinu er að veita ungu fólki fræðslu
og ráðgjöf um kynlíf, getnaðarvarnir og barneignir og að vinna með ungu fólki að verkefnum um kynheilbrigði. Samvinnan miðar að því að bæta
fræðslu og ráðgjöf til ungs fólks um getnaðarvarnir og öruggt kynlíf. Einnig hefur verið útbúið kynningar- og fræðsluefni, m.a. á heimasíðu FKB,
www.mmedia.is/fkb
Símirtn í Hinu húsinu: 551 5353 - Sími FKB: 561 6061
6 • VERA