Ljósmæðrablaðið - 01.11.1979, Síða 55

LJÓSMÆÐRABLAÐIÐ
103
A Ifafetoprotein rannsóknir í legvatni.
Er gerð hjá þeim konum sem áður hafa fætt barn með spína bifida og
anecephalus, eða hafa sögu um það í ætt.
Alfafetoprotein er eggjahvítuefni sem finnst hjá fóstrinu, en hverfur úr blóði
barnsins fljótlega um eða eftir fæðingu.
Við legvatnsrannsókn finnst Alfafetoproteinið einnig í legvatni, en lækkar
normalt er líðurá meðgöngutímann.
Ef fóstur er með opinn spína bifida eða anecphalus þar sem-mænuvökvi rennur
út í legvatnið verður hækkun á Alfafetoproteini. Alfetoprotein yfir 31. microgr/ml.
eftir 17—18 vikur sýnir óeðlilega haskkun og gæti því bent á spína bifida eða
anecephalus. Ath. ef legvatnssýnið verður blóðugt af fósturblóði getur það gefið
ranga útkomu.
Hormónamcelingar i serum
Magn hormóna, sem framleidd eru í fylgju eru mæld til að meta starfsemi
fylgju. Einnig ef lágt oestriolmagn mælist hjá konu, getur það bent á anecephalus.
OCT-próf— Oxytocin Challenge Test.
Legsamdrættir eru framkallaðir hjá konunni með Syntocinondreypi. Konan er
tengd monitor á meðan og þannig fylgst með, hvort breytingar verði á hjartslætti
fóstursins meðauknum samdrætti í leginu.
Sýnt hefur verið fram á að óhætt er að gera OCT eftir 28. viku meðgöngu, en þó
er ekki talið ráðlegt að gera það fyrr en eftir 32. viku. Gera skal OCT vikulega hjá
öllum konum í áhættusamri (high-risk) meðgöngu eftir 34. viku.
Frábendingar:
1. Hafi áður verið gerður klassískur keisaraskurður.
2. Fyrirsæt fylgja.
3. Sé hætta á prematurfæðingu, t.d. hjá konum með cervix insufficiens, gemelli
eða farið legvatn fyrir tímann.
Túlkun prófa:
Neikvœtt próf.
Sé prófið neikvætt, sýnir það að blóðflæði til fylgjunnar er nægilegt, þ.e.a.s.
fóstrið líður ekki súrefnisskort þrátt fyrir samdrætti í leginu. Fóstrinu er því óhætt í
a.m.k. viku og er þá talið nóg að endurtaka prófið vikulega.
Jákvœtt próf.
Sé prófið jákvætt bendir það til þess að blóðflæði og súrefnisfiutningur um
fylgju sé ekki nægilegur. Leggja þá flestir sérfræðingar til að framkvæmdur sé
keisaraskurður.
Fari saman lágt oestriol-gildi og jákvætt OCT, skal alltaf framkvæma acut
keisaraskurð, jafnvel þótt L/S hlutfallið í legvatni sé minna en 2/ 1.