Almanak Hins íslenska þjóðvinafélags - 01.01.1921, Side 42

nýjum 'viðfangsefnum. Hann er búinn að fá auga á
barninu og gildi þess í lífinu; ef til vill er það vottur
um nýtt frjómagn í sálu hans sjálfs, sem geti borið
ávöxt í nýjum ritum. Hamsun á sér marga vini, þrátt
fyrir takmörk sín — og það með réttu —, sem taka
feginshendi hverri bók, sem frá honum kemur.
Ein af sögum Knúts Hamsuns hefir verið þýdd á
íslenzku. Er það Viktoría, sem Jón Sigurðsson frá
Kallaðarnesi þýddi og út kom í Reykjavik 1912.
Björg P. Blöndal.
Jóannes Patnrsson.
Jóannes Patursson er fæddur i Kirkjubæ á Færeyj-
um 6. mai 1866, en á þeirri jörð hefir ætt hans setið
í 15 liðu. I þeirri ætt finnast nafngetnir menn, öðrum
framar Nolseyjar-Páll, langafi Jóannesar, sá er barðist
gegn einokunarverzluninni í Færeyjum. Átján ára
gamall fór Jóannes til Noregs til þess að læra jarð-
rækt og tók landbúnaðarþróf við Stend-búnaðarskóla.
Hann fór síðar nokkurar ferðir til Noregs og Dan-
merkur í því skyni að afla sér enn meiri þekkingar
á landbúnaði. Árið 1893, er faðir hans dó, tók hann
við jörðunni, með því að hann var elztur bræðra
sinna.
Jóannes hefir alla daga reynt að auka framfarir
bænda i Færeyjum; eitt skeið hélt hann jarðræktar-
skóla i Kirkjubæ. Hann hefir skrifað mikið í blöð
um færeyskan landbúnað. Hann hefir verið fastheid-
inn við öll stéttarréttindi og haft sterkan stéttaranda.
I bóndastöðu hefir hann verið bæði starfsamur og
orkumaður.
Árið 1888 hefst nýrri saga Færeyja. Á því herrans
ári mun naumast nokkurum Færeyingi hafa til hugar
(12)