Almanak Hins íslenska þjóðvinafélags - 01.01.1944, Page 35

fræði og uppeldisfræði. Oft er það sagt, að maður-
inn sé að miklu leyti vani. Hegðun hans er andsvar
af hálfu taugakerfisins fyrst og fremst. Hún sýnir,
hvernig hann bregzt við því, sem fram við hann
kemur, bæði hið ytra og innra. Hegðunina er hægt
að skoða og skynja. Hún birtist likt og mynd á tjaldi.
En á bak við tjaldið, eða öllu heldur á bak við
myndina, er vissulega fjölmargt, sem þekking manna
nær ekki til nema að litlu leyti.
Jóhann Sæmundsson.
Frederick Graní Banting.
1891—1941
I.
Frederick G. Banting var fátækur bóndasonur frá
Alliston í Ontario. Hann var settur til mennta og
lagði stund á læknisfræði. Áður en hann hafði lokið
námi, skall fyrri heimsstyrjöldin á, og gekk hann i
herinn sem óbreyttur liðsmaður. Hann fékk þó skip-
un um að hverfa aftur til náms síns, með því að
meiri þörf væri á læknum en óbreyttum liðsmönn-
um. Hann lauk námi í læknisfræði 1916 og fór sam-
stundis i herinn sem herlæknir. í bardögunum við
Cambrai særðist hann illa á handlegg og átti að
taka af honum handlegginn. En Banting neitaði og
kvaðst hafa fulla þörf allra sinna lima sem læknir,
hann vildi heldur deyja. Við það sat. Banting hélt
handleggnum og komst til heilsu. Það kom síðar í
Ijós, að Banting þurfti á báðum höndum að halda.
Hann var skurðlæknir að menntun, og það varð
hlutskipti hans að ráða síðasta hluta þeirrar gátu,
hvernig lækna mætti sykursýki. Það var Banting,
sem fann insúlinið, lyfið, sem er þess megnugt nð
iengja líf sykursýkisjúklinga, bæta líðan þeirra mik-
(33)