Almanak Hins íslenska þjóðvinafélags - 01.01.1950, Qupperneq 45

Búnaður. Heyfengur var góður víðast hvar á land-
inu. Súgþurrkun á heyi var allvíða tekin upp, og
gerðar voru tilraunir með votheysturna. Ræktunar-
framkvæmdir voru miklar. Eins og á undanförnum
árum voru viða stofnuð ræktunarsambönd meðal
bænda til að annast kaup á landbúnaðarvélum o. fl.
Tilraunabú var stofnað i Engey til að reyna að halda
við beztu sauðfjárstofnum landsins. Enn kvað mikið
að sauðfjársjúkdómum, og breiddust þeir sums staðar
til nýrra svæða, t. d. varð vart mæðiveilti í Mýrdal.
Slátrað var öllu fé á svæðinu milli Miðfjarðar og
Héraðsvatna og fengin í staðinn lömb úr öðrum hér-
uðum, aðallega frá Vestfjörðum, en nokkuð frá Mel-
rakkasléttu. Voru alls um 17 000 fjár flutt til þessa
svæðis, og eru það mestu fjárflutningar á íslandi á
siðari timum. Slátrað var 301 000 fjár (árið áður
370 000). Kjötmagn var 4637 tonn (árið áður 5658
tonn). Meðalþungi dilka var 14.58 kg (árið áður
14.21 kg). Flutt voru út 411 tonn af freðkjöti á 2 millj.
kr. (árið áður 1029 tonn á 4.9 millj. kr.). Fluttar voru
út 1336 tunnur af saltkjöti á 769 000 kr. (árið áður
1563 tunnur á 791 000 kr.). Garnir (saltaðar og
hreinsaðar) voru fluttar út fyrir 843 000 kr. (árið
áður 728 000 kr.). Ull var flutt út fyrir 1.9 millj. kr.
(árið áður 5.1 millj. kr.). Af gærum (söltuðum og
sútuðum) voru flutt út 741 000 stk. á 16.1 millj. kr.
(árið áður 269 000 stk. á 5 millj. kr.). Flutt voru út
1700 refa- og minkaskinn (aðallega til Triest) á
156 000 kr. (árið áður 2500 á 240 000 kr.) og 1800
selskinn á 141 000 kr. (árið áður 2500 á 139 000 kr.).
Skinn (sölluð og liert) voru flutt út fyrir 865 000 kr.
(árið áður 638 000 kr.). 466 hross voru seld til Pól-
lands fyrir 512 000 kr. Kartöfluuppskera var víðast
góð. Kornrækt gekk vel. Mikið var unnið að sand-
græðslu. Voru gerðar tilraunir með nýjar tegundir af
grasfræi.Mikið var og unnið að skógrækt og fengin fræ
frá Alaska og Noregi ogtrjáplöntur frá Eldlandseyjum.
(43)