Almanak Hins íslenska þjóðvinafélags - 01.01.1950, Síða 116

Kviður Hómers, I.—II. bindi.
Bœði bindi þessara heimsins frægustu hetju- og
söguljóða eru nú komin út. Odysseifskviða kom út s.
). ár og Ilíonskviða á þessu hausti. Þessi öndvegisrit,
sem líkt hefur verið við tignarlegt anddy-: að hofi
griskrar menningar, færði snillingurinn Sveinbjörn
Egilsson þjóð sinni að gjöf á örlagatímum í sögu ís-
lenzkrar tungu og frelsisbaráttu.
Um útgáfuna hafa séð hinir kunnu lærdómsmenn,
þeir Kristinn Ármannsson yfirkennari og Jón Gísla-
son dr. phil. Þeir rita ýtarlega ritgerð um Hómer og
hetjukvæði hans, enn fremur skýringar og athuga-
semdir. Bæði bindin, sem eru samtals 1320 bls., eru
prýdd fjölda mynda. Við upphaf og endi hvers þátt-
ar hefur Halldór Pétursson listmálari gert fagrar
myndir í stíl griskra skrautkera. Með kortum og
skýringarmyndum hefur verið revnt að gera efnið
sem ljósast og aðgengilegast.
Það hefur verið mark og mið Menningarsjóðs með
útgáfu þessari að veita alþjóð manna á íslandi greið-
an aðgang að einu helzta og elzta undirstöðuriti í
bókmenntum álfu vorrar og einni fremstu snilldar-
þýðingu íslenzkri, en jafnframt hefur Menningar-
sjóður viljað gjalda þökk og heiður minningu Svein-
bjarnar Egilssonar, hins ágæta hollvinar tungu vorr-
ar, nú er líða tekur að hundruðustu ártíð hans.
Nú eru 94 ár siðan þýðing Sveinbjarnar á Ilions-
kviðu var prentuð. Hér kemur því bók, sem margur
bókamaðurinn hefur lengi beðið eftir með óþreyju.
Frestið ekki að eignast þessar fallegu og sigildu
bækur. Vegna pappirsskorts var upplag þeirra
beggja mjög takmarkað. Bæði bindin fást í ágætu
samstæðu bandi og sömuleiðis heft.
Bókaútgáfa Menningarsjóðs og Þjóðvinafélagsins.