Jólagjöfin - 24.12.1917, Blaðsíða 8

VITRINGARNIR
FRÁ AUSTURLÖNDUM.
Það stendur um þá: „Er þeir sáu
stjörnuna glöddust þeir harla injög“.
Þessa gleði áttu þeir að þakka
vizku sinni, því þeir voru í sannleika
vitringar. Það getum vér séð afýmsu.
Fyrst sáu þeir stjörnuna í Austur-
löndum og þeir létu sér ekki nægja
með að horfa á ljóma hennar, og
skemta sér við þessa nýung, heldur
vildu þeir sjá með eigin augum það
sem hún boðaði.
Og þeir létu ekki sitja við óskina
eina, heldur lögðu af stað og yfir-
stigu alla erfiðleika og þrautir til
þess að ná takmarki sínu.
Og er þeir voru komnir alla leið
þá glöddust þeir harla mjög, og þar
næst juku þeir gleði sina með því
að gefa, en engin gleði er hollari
í eða innilegri en sú.
Jólahald vitringanna er til fyrir-
myndar jólahaldi voru. Að sjá ljóm-
ann af jólunum, taka sig upp og
reyna sjálfir boðskap jólanna, koma
til Krists, og færa honum gjafir, það
er það, sem gefur hina sönnu jóla-
gleði. Þeir sem það gera riiunu gleðj-
j ast harla mjög.