Freyr - 15.02.1952, Blaðsíða 31

FREYR
77
Ekki verður annað séð, en að í viðbæti
þessum standi svart á hvítu, að næmir
sjúkdómar hafi verið á öllum 46 heimilun-
um, sem athuguð voru, og að berklaveiki
hafi verið á þeim öllum. Sé þessi skilningur
á þeim kafla viðbætisins, sem um sjúkdóma
fjallar, ekki réttur, þá eru líklega allar aðrar
niðurstöður viðbætisins öfugar ,og um leið
allt meginmál bæklingsins. Nú er það vit-
anlegt, að næmir sjúkdómar og berklaveiki
voru ekki á þessum heimilum, og hér hafa
því mikilsverðar niðurstöður athugananna
snúizt alveg við.
★
Að lokum skal vikið að inngangi bækl-
ingsins. Eins og til að undirstrika þörfina
fyrir embætti mjólkureftirlitsmannsins,
eru þarna taldar upp margs konar skoðan-
ir manna á mjólkurmálunum, og þess get-
ið, að eitt af verkefnum embættismannsins
hafi verið að kryfja þær til mergjar. Heim-
ildir fyrir þessum skoðunum eru íslenzku
dagblöðin árin 1945—1947. Ekki er nú ver-
ið að vanda til heimildanna, en hitt er þó
verra, að sumt af því, sem tilfært er, stend-
ur alls ekki í dagblöðunum á þessum tíma,
en annað er skreytt nokkuð freklega. Um
þetta getur hver sannfært sig, sem vill. En
hér skulu þó nefnd dæmi. Slæmt flutninga-
fyrirkomulag, lélegir vegir og dreifðir fram-
leiðendur er í dagblöðunum nefnt í sam-
bandi við mjólkurskemmdir, en ekki talið
aðalorsakir þeirra. Aðeins þrír af þeim
mönnum, sem við málefni mjólkurbúanna
fást, hafa þá skrifað í blöðin, en ekki er
þó hikað við að túlka skoðanir þeirra allra,
skoðanir, sem enginn þeirra hefur haldið
fram. Þeir hafa ekki minnzt á eftirlit með
flokkun mjólkur í dagblöðunum, og ekki
það, að mjólkin mundi batna af sjálfu sér,
þegar nýjar vélar fengjust í mjólkurbúin,
og fleira er þar af þessu tagi.
Varla er þetta gefið svona út í neinum
tilgangi, en þó er þetta til ófrægðar þeim
mönnum, sem skoðanirnar eru eignaðar.
Skyldi heilbrigðismálaráðuneytinu standa
á sama um þennan málflutning?
Framleiðsla mjólkur og mjólk-
urafurða á árinu 1951
Framleiðsluráð landbúnaðarins hefir nú fengið vfiv-
litstölur yfir mjólk þá, sem mjólkurbúin tóku á móti
á árinu 1951 og notkun mjólkurinnar.
A árinu var innvegin mjólk sem hér segir:
Mjólkurstöðin 1 Reykjavík ............ 4.676.738 kg
Mjólkursamlag Borgfirðinga .......... 4.522.165 kg
Mjólkursamlag Kaupf. ísfirðinga ....... 498.375 kg
Mjólkursamlag Húnvetninga ........... 1.421.057 kg
Mjólkursamlag Skagfirðinga ........... 2.122.733 kg
Mjólkursamlag K.E.A.................. 7.707.758 kg
Mjólkursamlag Kaupf. Þingeyinga ...... 1.092.907 kg
Mjólkurbú Flóamanna ................... 15.423.157 kg
Samtals 37.464.890 kg
Á árinu 1950 var innvegin mjólk: 37.766.377 kg og
var því á árinu 1951 flutt 0,8% minna mjólkurmagn
til mjólkurbúanna en árið áður.
Af þessu mjólkurmagni hafa 19.143.583 lítrar verið
seldir til neyzlu og var það 610.894 lítrum minna en
árið áður. Að öðru leyti var mjólkin hagnýtt sem hét
segir:
Seldur rjómi .............................. 702.440 1.
Nanr sú sala 107.143 lítrum minna en árið áður.
Framleitt smjör á árinu ................... 355.642 kg
en Jrað var 77.859 kg meira en árið áður.
Framleitt skyr á árinu nam: ............... 1.217.148 kg
eða 54.712 kg meira en árið áður.
Framleiddur mjólkurostur á árinu .......... 388.789 kg
eða 40.419 kg- meira en fyrra ár.
Framleiddur mysuostur á árinu ............. 90.761 kg
eða 22.516 kg meira en árið áður.
Kasein var framleitt úr 1.457.900 1 undanrennu
eða úr 58.550 lítrum meira en árið áður.
Þess má að lokum geta, að af bæði smjöri og osti
voru birgðir miklu meiri en um fyrri áramót. Þannig
námu birgðir af mjólkurosti 22 smálestum meira en
árið áður og af smjöri 83 smálestum meira. Virðist svo
sem nú horfi miður vænlega unt sölu þeirrar frara-
leiðslu, sem nautpeningur skilar. Getur varla leikið
nokkur vafi á, að þverrandi kaupgeta neytenda hlýt-
ur að ráða mestu um þessa útkomu á afurðasölunni.