Ægir - 01.11.2002, Blaðsíða 15

15
E R L E N T
Af um það bil 19.000 dýra stofni í Skagerrak og Kattegat
telja vísindamenn að um 10.000 selir hafi drepist úr víru-
spestinni í sumar leið. Álitið er að alls hafi drepist um
18.000 selir í Norður-Evrópu.
Seladauðinn byrjaði í apríl á eynni Anholt í Kattegat.
Pestin breiddist síðan út bæði til norðurs og suðurs þegar
leið á vorið og sumarið. Mestur varð seladauðinn í Kattegat
og austanverðu Skagerrak. Auk þess herjaði vírusinn á
Limfjorden, Vadehavet, þýsku Norðursjávarströndina,
strendur Hollands og suðausturströnd Englands. Næstum
helmingurinn af selunum sem drápust í Skagerrak og
Kattegat voru úr sænskum látrum.
Nú í vetrarbyrjun finnst aðeins stöku selur dauður
þannig að pestin er að verða gengin yfir, trúlega vegna
þess að selurinn hópast ekki eins mikið saman og á vorin
og sumrin.
Sænskir vísindamenn hafa undanfarið safnað blóðsýnis-
hornum úr lifandi selum til að athuga hvort þeir hafi mynd-
að mótefni eða ekki sýkst.
Sterkur grunur leikur á því að villiminkur hafi borið
vírusinn. Fjöldi minka var veiddur í sumar og niðurstöður
sýna úr þeim væntanlegar fljótlega.
Sömuleiðis hafa sænsku vísindamennirnir tekið sýni úr
mörg hundruð dauðum selum. Þau er nú verið að greina.
Helmingur sela-
stofnsins drapst
Skútahrauni 2 • 220 Hafnarfjörður • Sími: 555 6400 • Fax: 555 6401
Heimasíða: www.liquid-ice.is • Netfang: liquid-ice@liquid-ice.is
Óskum útgerð og áhöfn til hamingju
með endurbæturnar á skipinu
ÞÓR HF-4
Um borð er ísþykknisvél
frá Ískerfum.
Ísþykkni tryggir gæðin alla leið!