Ægir - 01.03.2002, Blaðsíða 9

9
uð harðir á því að setrið verði
opnað um mánaðamótin ágúst-
september eða fyrrihluta septem-
ber á þessu ári. Húsinu á að skila
þann 14. ágúst og við ætlum
okkar síðan nokkrar vikur í að
setja upp sýninguna,“ segir Einar.
Um miðjan desember sl. var
skrifað undir verksamning við
Ístak hf. um byggingu sýningar-
skálans, en hann verður 650 fer-
metrar að gólffleti, þar af verður
sýningarsvæðið á röskum 500 fer-
metrum. Kostnaður við byggingu
hússins er samkvæmt samningi
106,5 milljónir króna, en Einar
Njálsson telur að í það heila megi
áætla kostnað við bygginguna og
uppsetningu sjálfrar sýningarinn-
ar allt að 150 milljónum króna.
Markmið með setrinu
Einar segir að grundvallarmark-
miðið með Saltfisksetri Íslands sé
að safna saman og varðveita muni
og myndir sem segja sögu salt-
fisksins á Íslandi í þeim tilgangi
að kynna fyrir almenningi og
ferðafólki mikilvægi saltfisk-
vinnslu fyrir íslenskt samfélag. Í
öðru lagi sé setrinu ætlað að sinna
fræðslustarfi fyrir skóla og aðrar
menntastofnanir um saltfisk-
vinnslu og samfélagsleg áhrif
hennar hér á landi. Og í þriðja
lagi að veita ferðafólki sem sækir
Grindavík heim afþreyingu.
Stefnt sé að því að kynna gestum
setursins saltfiskinn, bragð hans
og gæði og mögulega fjölbreytni
í matargerð.
„Við ætlum fyrst og fremst að
segja þessa sögu með myndefni
og stuttum textum og fáum en
lýsandi munum. Í stað fólks
koma gínur í leikmyndinni,“ seg-
ir Einar.
Mikilvægt atvinnumál
Bæjarstjórinn í Grindavík segist
tvímælalaust telja að Saltfisksetur
Íslands sé mikilvægt atvinnumál
fyrir bæjarfélagið. „Eitt af því
sem við setjum okkur sem mark-
mið er að efla ferðaþjónustu í
bænum. Í Bláa lónið, sem eins og
kunnugt er er hér rétt hjá, koma
yfir 300 þúsund manns á ári. Á
komandi sumri verður frágenginn
vegur beint frá Bláa lóninu og
inn í bæ og við ætlum okkur með
þessu saltfisksetri að draga ferða-
fólkið inn í bæinn og skapa því
afþreyingu þannig að það stoppi
hérna. Takist það koma margfeld-
isáhrifin varðandi þjónustuþátt-
inn fljótt í ljós, sem aftur þýðir
atvinnusköpun. Hið væntanlega
hús mun bjóða upp á að vera eins-
konar menningarhús samhliða.
Anddyrið er nokkuð stórt og býð-
ur upp á ýmiskonar móttökur,
svo dæmi sé tekið, ekki síst vegna
þess að við stefnum að því að
byggja um 250 fermetra veit-
ingastofu við Saltfisksetrið. Það
mál líka hugsa sér að þarna verði
settar upp myndlistarsýningar og
fleira í þeim dúr. Tveir salir verða
í húsinu og við gerum ráð fyrir að
í stærri salnum verði föst sýning
um saltfisk, en í þeim minni
verði settar upp sýningar sem
standi í styttri tíma.“
Mikill áhugi fyrir málinu
Einar segir ánægjulegt að útgerð-
arfyrirtæki í Grindavík sýni mál-
inu mikinn áhuga og séu stofnað-
ilar að Saltfisksetri Íslands. Sama
megi segja um SÍF, Bláa lónið og
Sparisjóðinn í Keflavík. „Við
erum að horfa á saltfiskvinnslu á
öllu landinu frá fyrstu tíð. Við
höfum ekki enn sett herferð í
gang til öflunar muna í safnið, en
hyggjumst gera það í samstarfi
við SÍF,“ segir Einar Njálsson.
Einar er þess fullviss að upp-
bygging Saltfiskseturs Íslands sé
löngu tímabær og hún eigi eftir
að vekja athygli. „Ég hef haft
mjög gaman af því að vinna að
framgangi þessa máls og ég hef
tröllatrú á hugmyndinni,“ segir
Einar Njálsson.
Saltfiskur þurrkaður á
klöppum á Akureyri.
Myndin mun hafa ver-
ið tekin árið 1913.
Mynd: Minjasafnið á Akureyri.
Einar Njálsson, bæjarstjóri í Grindavík
og stjórnarformaður Saltfiskseturs Ís-
lands.
Merki Saltfiskseturs Íslands í Grindavík.
Hönnuður er Björn G. Björnsson, leik-
myndateiknari, sem mun hafa yfirum-
sjón með uppsetningu sýningarinnar í
setrinu næsta sumar.