Ægir - 01.03.2002, Blaðsíða 12

12
V E I Ð A R F Æ R I
Umrætt flottroll er hannað af
þeim Icedan-mönnum í samvinnu
við útgerðarmenn og skipstjóra
hér heima og norska fyrirtækið
Selstad A.S., sem á 40% hlut í
Icedan. „Við höfum fengið já-
kvæðar undirtektir með þetta
nýja troll sem við höfum kallað
Títan trollið. Jákvæð reynsla
fékkst af notkun trollsins um
borð í Sléttbaki og aðrir hafa
fylgst vel með gangi skipsins.
Trollið kom inn frekar seint á síð-
ustu vertíð þannig að við erum
spenntir að fylgjast með hvernig
til tekst á þessari vertíð,“ segir
Ólafur.
Icedan framleiðir ekki bara
flottroll. Fyrirtækið hefur hannað
og framleitt rækjutroll og ýmsar
tegundir fiskitrolla, sem hafa
reynst vel hér á landi og einnig á
erlendum skipum. Sömuleiðis
hefur Icedan haslað sér völl í
hönnun og framleiðslu
kolmunna-, loðnu- og síldartrolla
Eitt slíkt var sett um borð í Þor-
stein EA, skip Samherja hf., og
var reynslan af því mjög góð.
„Uppsjávartegundirnar eru
spennandi og við erum enn í þró-
unarferli með okkar vörur inná
þann markað,“ segir Ólafur.
Nálægð við viðskiptavinina
Icedan ehf. hefur starfsstöðvar á
fjórum stöðum hér innanlands,
auk þess að eiga 80% í dótturfyr-
irtæki í St. John’s í Kanada.
Starfsmenn eru á milli 40 og 50.
Fyrirtækið hóf starfsemi árið
1992 með innflutningi á veiðar-
færum og þjónustu við skip og
útgerðir. Á þeim tíu árum sem
síðan eru liðin hefur fyrirtækið
vaxið hröðum skrefum og er orðið
eitt af þeim stærstu á sínu sviði á
landinu. Auk þess að flytja inn
veiðarfæri og annast þjónustu við
skip og útgerðir hannar Icedan og
framleiðir veiðarfæri og veitir
viðskiptavinum sínum þannig
heildarlausn.
Eins og áður segir er Icedan
með fjórar starfsstöðvar hér á
landi. Auk höfuðstöðvanna að Ós-
eyrarbraut 4 í Hafnarfirði er fyrir-
tækið með starfsstöðvar á Akur-
eyri og í Þorlákshöfn og síðast
festi Icedan kaup á Norðurneti á
Sauðárkróki og rekur þar nú
starfsstöð undir sínu nafni.
Ólafur segir það engan vafa í
sínum huga að styrkur fyrirtækis-
ins sé ekki síst fólginn í því að
vera með þessar starfsstöðvar úti á
landi. Það veiti meiri nálægð og
persónulegri tengsl við viðskipta-
vinina. „Ég skynja að sú þjónusta
sem starfsstöðvarnar okkar út um
land er að veita er mjög mikilvæg
fyrir fyrirtækið og viðskiptavin-
irnir kunna vel að meta að hafa
hana nær sér og fá þannig per-
sónulega þjónustu heimamanna,“
segir Ólafur.
Þjónusta út um allt land
Í höfuðstöðvunum í Hafnarfirði
er auk alhliða veiðarfæragerðar
fullkomið flottrollsverkstæði þar
sem bæði er unnið að því að setja
upp ný flottroll og gera við eldri.
Einnig er þar veitt þjónusta við
rokkhopperlengjur. Þá er í Hafn-
arfirði víraverkstæði sem veitir al-
hliða víraþjónustu, þ.m.t. krana-
víraþjónustu.
Á Akureyri er fullkomin veið-
arfæragerð og verslun. Áður var
þessi starfsstöð rekin af Útgerðar-
félagi Akureyringa og því er
grunnur hennar sterkur. Á Akur-
eyri er megináherslan lögð á fiski-
og rækjutroll, bæði uppsetningu
nýrra trolla og viðgerðir. En
einnig eru þar sett upp flottroll,
veitt þjónusta við rokkhopper-
lengjur auk víraverkstæðis.
Í Þorlákshöfn er alhliða veiðar-
færagerð og verslun sem hefur
náð góðri fótfestu. Þar er áhersla
lögð á uppsetningu og viðgerðir á
snurvoðum og humar- og fiski-
trollum, auk þjónustu við þorska-
net. Einnig er þar veitt þjónusta
við rokkhopperlengjur auk víra-
þjónustu.
Nýjasta starfsstöðin
á Sauðárkróki
Í nóvember á síðasta ári keypti
Icedan rekstur Norðurnets á
Sauðárkróki og hefur síðan rekið
Umsvif Icedan ehf. vaxa hröðum skrefum:
Fylgst með flottrollunum
„Þessa dagana leggjum við mikla áherslu á flottrollin okkar sem við
hugsum sérstaklega fyrir úthafskarfaveiðarnar,“ segir Ólafur Steinars-
son, framkvæmdastjóri Icedan ehf. „Fyrsta trollið fór um borð í Slétt-
bak EA í fyrra og núna erum við að afhenda þrjú flottroll. Eitt þeirra fer
um borð í rússneska togarann Lida um miðjan apríl, annað í Mánaberg
ÓF, frystiskip Þormóðs ramma-Sæbergs, og síðan má segja að síðari
helmingur flottrolls fari um borð í Málmey SK, togara Fiskiðjunnar-
Skagfirðings á Sauðárkróki, en þeir fengu hluta trollsins í fyrra.“
4.265 m
Skrifstofa Vöruhús á 1stu hæð Geymsla
Netagerð 2 hæð
Umferð um höfn
130 m /lengd18 m breidd
Troll tekin beint
inn í hús
2
„Við eigum okkur
draum um að byggja
upp alvöru aðstöðu í
Hafnarfirði í framtíð-
inni á nýju svæði sem
verið er að fylla upp,“
segir framkvæmdastjóri
ICEDAN.