Ægir - 01.03.2002, Blaðsíða 14
14
Y F I R K A F F I B O L L A N U M
Um áramótin tók Árni við
stjórn Farmanna- og fiskimanna-
sambandsins og nú er hann með
annan fótinn í höfuðborginni og
hinn norður á Akureyri. Ægir
heilsaði upp á Árna á skrifstofu
sambandsins við Borgartún í
Reykjavík. Þetta var einn sól-
bjartan dag í mars og þegar Ægir
bar upp þá spurningu hvernig
Árna líkaði þetta nýja starf,
horfði hann dreymandi út um
gluggann þar sem við blasti speg-
ilsléttur hafsflöturinn og hafði
orð á því að í svona veðri ætti
betur við sig að vera á ýsuveiðum!
Á sjónum á fjórða áratug
Árni Bjarnason fékk sjávarseltuna
með móðurmjólkinni, ef svo má
að orði komast, og á fjórða áratug
hefur hann stundað sjóinn, nú
síðast á Akureyrinni EA. Það
hljóta því að vera mikil umskipti
að koma í land. „Það gildir það
sama um sjómennskuna og önnur
störf að maður fær nóg með tím-
anum og eftir langa brælutúra
óskaði maður sér þess stundum að
prófa eitthvað annað. Ég hafði
lengi tekið þátt í félagsmálum, til
dæmis var ég kornungur þegar ég
fyrst fór í stjórn Skipstjóra- og
stýrimannafélags Norðlendinga,
og því má kannski segja að það
hafi ekki komið eins og þruma úr
heiðskýru lofti þegar ég bauð mig
fram til forystu í Farmanna- og
fiskimannasambandinu,“ sagði
Árni.
Í mörg horn að líta
Forysta í sjómannasamtökum er
fjölbreytt starf og í mörg horn er
að líta. Spurningin er sú í hverju
starf forseta Farmanna- og fiski-
mannasambandsins felist? „Ég er
ennþá að reyna að skilgreina það,“
svarar Árni hugsi. „Það má
kannski skipta þessu í nokkra
þætti. Maður er töluvert mikið á
fundum í hinum aðskiljanlegustu
nefndum og ráðum. Til manns er
mikið leitað varðandi það að
skrifa eitthvað eða koma fram og
halda tölu af einhverju tilefni. Frá
áramótum hef ég fengið allskyns
beiðnir um slíkt, t.d. hef ég verið
beðinn að flytja predikun í guðs-
þjónustu og tækifærisræðu á árs-
hátíð hjá nemum í Stýrimanna-
skólanum. Síðan felst starfið mik-
ið í því að vera í símanum og
svara ýmsum fyrirspurnum frá fé-
lagsmönnum. Félagsmenn og aðr-
ir koma líka hingað og hund-
skamma mann eða lýsa yfir stuðn-
ingi við það sem maður hefur ver-
ið að segja eða gera,“ segir Árni
Árni er lipur penni og ófeim-
inn að setja fram skoðanir sínar á
prenti. Svo var reyndar löngu
áður en hann settist í stól forseta
Farmanna- og fiskimannaasam-
bandsins. Oft er Árni lúmskhæð-
inn í greinum sínum, enda er
hann mikill húmoristi inn við
beinið. „Mér finnst ekki óeðlilegt
að maður lendi í þeirri stöðu að
þurfa að tjá sig á prenti um ýmis-
legt er lýtur að sjávarútveginum
og hagsmunamálum minna um-
bjóðenda,“ segir Árni.
Bætt samskipti
sjómannasamtakanna
Það er óneitanlega töluvert annað
mál að standa í brúnni á frysti-
skipi vestur á Halamiðum en að
standa vaktina á skrifstofu Far-
manna- og fiskimannasambands-
ins. Forseti FFSÍ segir að því sé
ekki leyna að oft taki á taugarnar
að eiga samskipti með ýmis mál
við kerfið og þar sé „sniglahraði“
nokkuð áberandi.
Árni játar því að hann hafi lagt
sig fram um að bæta samskipti
sjómannasamtakanna, en í að-
draganda síðustu kjarasamninga
sjómanna var fjarri því að sjó-
mannaforystan kæmi fram sem
Af hverju í ósköpunum
ætti ég að vera málpípa
stórútgerðarinnar?
- spyr Árni Bjarnason, forseti Farmanna- og fiskimannasambands Íslands
Akureyringurinn Árni Bjarnason var kjörinn forseti Farmanna- og fiski-
mannasambandsins seint á síðasta ári. Töluverður hávaði var í kringum
kjör hans, Árni hafði gagnrýnt vinnubrögð sambandsins og taldi það
vera að einangrast í umræðunni innan sjómannasamtakanna. Einnig
hafði Árni í aðdraganda formannskjörs í Farmanna- og fiskimannasam-
bandinu gagnrýnt að þáverandi formaður, Grétar Mar Jónsson, bland-
aði pólitík of mikið inn í störf sambandsins, en Grétar Mar hafði starf-
að með Frjálslynda flokknum og tekið harða afstöðu gegn núgildandi
fiskveiðistjórnunarkerfi.
Texti og mynd:
Óskar Þór Halldórsson