Ægir - 01.03.2002, Blaðsíða 15

15
einn maður. „Ég get alveg viður-
kennt það að mér finnst algjört
grundvallarmál að samskipti sjó-
mannasamtakanna séu í lag. Þó
svo að menn hafi ekki gengið
samstíga til verka fyrir síðustu
kjarasamninga, þá verða menn að
ýta þeim ágreiningi til hliðar og
vera samstíga. Það hlýtur að vera
heildinni til framdráttar.“
Stórútgerðin ekki
það eina rétta
Áður en Árni Bjarnason var kjör-
inn formaður Farmanna- og fiski-
mannasambandsins héldu margir
andstæðingar hans því fram að
hann væri fulltrúi stórútgerðar-
innar í landinu og töldu hann
tengjast um of Samherja hf. „Ég
vissi að ég gæti átt von á slíkri
andstöðu. En ég spyr sjálfan mig
að því hvers vegna í ósköpunum
ég ætti að væri málpípa stórút-
gerðarinnar eða ákveðins fyrir-
tækis? Telja menn að ég skuldi
fyrrverandi vinnuveitanda mínum
eitthvað? Hver ættu rökin fyrir
því að vera?“ spyr Árni.
Árni sagði það mikinn mis-
skilning að hann teldi að rekstrar-
form stórútgerðarinnar væri það
eina rétta. Þvert á móti benti
margt til þess að útgerðin yrði að
vera á breiðari grunni. „Helsta
nýjabrumið í þessu og þar sem
menn eru að gera hlutina vel eru
einyrkjar sem hafa ekki mikinn
kvóta en sérhæfa sig og ná þannig
miklu út úr því sem þeir eru að
gera,“ sagði Árni.
FFSÍ starfi óháð pólitíkinni
„Mér hefur fundist það hafa ein-
kennt Farmanna- og fiskimanna-
sambandið undanfarin ár að
blanda pólitíkinni of mikið inn í
starf þess. Við erum með kjara-
samning sem okkur er gert að
vinna eftir hvort sem hann er
réttlátur eða umhverfið réttlátt
eða óréttlátt. Hvað sem manni
finnst um kerfið sem slíkt, þá
hlýtur að vera útgangspunkturinn
að menn haldi réttindum sínum
gagnvart gildandi kjarasamning-
um. Ég bendi á að í lögum um
Farmanna- og fiskimannasam-
bandið segir orðrétt að það skuli
starfa „á jafnréttisgrundvelli óháð
pólitískum stefnum og stjórn-
málaflokkum.“ Þetta er sem sagt
í lögum FFSÍ og mér finnst nokk-
uð einsýnt að öllum sem stjórna
sambandinu beri að starfa eftir
þeim. Hitt er svo annað mál að
mönnum er auðvitað frjálst að
hafa sínar pólitísku skoðanir á öll-
um hlutum, en þær eiga ekki að
blandast inn í stjórnun samtaka
sjómanna eins og FFSÍ.“
Forsetinn syðra
- fjölskyldan nyrðra
- Áttu von á því að verða lengi í
þessu starfi?
„Ég treysti mér ekki til þess að
svara því. Ég veit ekki hvernig ég
verð stemmdur eftir tvö ár. Eftir
þriggja mánaða starf er ég langt
því frá búinn að bíta það í mig að
þetta sé eitthvað sem ég verð í
næstu árin. Hins vegar er alltof
snemmt að segja til um það.
Maður er að læra eitthvað nýtt á
hverjum degi og fær smám saman
meiri tilfinningu fyrir starfinu,“
segir Árni.
Starfi forseta Farmanna- og
fiskimannasambandsins sinnir
Árni dags daglega í Reykjavík, en
fjölskylda hans er á Akureyri.
Árni viðurkennir að til lengdar sé
það ekki góður kostur. Spurning-
unni um hvort unnt sé að sinna
forsetastarfinu frá Akureyri segir
Árni að á því séu ýmsir annmark-
ar. Fundir í ýmsum nefnum séu
langflestir í Reykjavík, en hins
vegar sé unnt að leysa ýmiskonar
skrifstofustörf í gegnum tölvu og
þá gildi einu hvort tölvan sé stað-
sett nyrðra eða syðra. Árni segist
vera flesta virka daga á skrifstofu
Farmanna- og fiskimannasam-
bandsins fyrir sunnan, en reyni að
fara norður um flestar helgar.
Aftur á sjóinn?
- Geturðu ímyndað þér að þú eig-
ir eftir að fara aftur á sjóinn?
„Já, kannski af því veðrið er svo
gott í dag,“ sagði Árni og brosti.
„Góður vinur minn sagði við mig
um daginn þegar veðrið var svona
gott og ég var eitthvað að væla
um að kannski væri best að drífa
sig aftur á sjóinn, að ég ætti að
rifja upp þegar ég var með í mag-
anum heima og kveið fyrir því að
fara út á sjó. Það var nokkuð til í
þessu hjá honum. En reyndar er
ég búinn að leggja inn pöntun
um að fara einn túr með einu af
skipum Eimskipafélagsins eitt-
hvað austur á firði. Félagar í Far-
manna- og fiskimannasamband-
inu eru ekki bara að veiða fisk,
eins og oft mætti halda af um-
ræðunni um kvóta og fiskveiði-
stjórnun, þeir eru líka um borð í
kaupskipunum og þess vegna
finnst mér nauðsynlegt að kynn-
ast þeirra aðstæðum betur með
því að fara með þeim í einn túr
og það mun ég gera við tæki-
færi,“ segir Árni Bjarnason.
„Eftir þriggja mánaða starf er ég langt því frá búinn að bíta það í mig að þetta sé eitthvað sem ég verð í næstu
árin. Hins vegar er alltof snemmt að segja til um það. Maður er að læra eitthvað nýtt á hverjum degi og fær
smám saman meiri tilfinningu fyrir starfinu,“ segir Árni Bjarnason m.a. í viðtali við Ægi.