Ægir - 01.03.2002, Blaðsíða 26

26
„Ég hef enga trú á öðru en en frumvarpið verði að
lögum á þessu þingi og að því er auðvitað stefnt. Ég
geri mér þó grein fyrir því að það kunna að verða
einhverjar breytingar á frumvarpinu áður en það
verður að lögum, en í meginatriðum tel ég þó að það
taki ekki breytingum,“ segir Árni M. Mathiesen,
sjávarútvegsráðherra, í upphafi viðtals sem Ægir átti
við hann á skrifstofu hans í sjávarútvegsráðuneytinu
við Skúlagötu í Reykjavík.
Strax þegar sjávarútvegsráðherra lagði fram frum-
varpið á Alþingi í lok febrúar fékk það nokkuð
harkaleg viðbrögð stjórnarandstöðunnar og ýmissa
hagsmunaaðila. Ráðherra segist þó ekki líta svo á að
viðbrögðin hafi verið harkaleg. Hins vegar hafi verið
athyglisverður sá hringlandaháttur sem komið hafi
fram í afstöðu einstakra talsmanna Samfylkingarinn-
ar til skýrslu Auðlindanefndar, sem frumvarpið
byggi að töluverðu leyti á, og síðan aftur til sjálfs
frumvarpsins.
Það er aldrei lognmolla í umræðunni um sjávarútvegsmálin á Íslandi.
Fyrir réttu ári hófust harklegustu kjaradeilur útvegsmanna og sjómanna
í seinni tíð, sem lauk með inngripi ríkisvaldsins. Þá féllu mörg stór orð
í hita leiksins og enn falla stór orð um sjávarútvegsmálin, enda eru
stóru málin í greininni til umræðu í þingsölum. Sjávarútvegsráðherra
hefur sem kunnugt er lagt fram frumvarp til breytinga á lögum um
stjórn fiskveiða og viðbrögðin hafa verið misjöfn. En ráðherra er hvergi
banginn og býst fastlega við að þær breytingar sem frumvarpið gerir
ráð fyrir verði að lögum áður en Alþingi lýkur störfum á vordögum.
Engin ástæða til að kvarta
þótt eitthvað gefi á bátinn
- Árni M. Mathiesen, sjávarútvegsráðherra, kemur víða við í Ægisviðtali
Texti:
Óskar Þór Halldórsson
Myndir:
Hreinn Magnússon