Ægir - 01.03.2002, Blaðsíða 39

39
Ú T F L U T N I N G U R
Markaður í Nígeríu
fyrir þurrkaða hausa
og hryggi virðist vera
nokkuð stöðugur um
þessar mundir og al-
mennt er ekki búist
við miklum breyting-
um á honum á næst-
unni. Þó er ekki óvar-
legt að ætla að verð
muni eitthvað lækka
á þessu ári, en það er
hins vegar alls ekki
víst.
Fyrrihluta marsmánaðar var
Sunil Gupte frá sölufyrirtækinu
Kumanti Limited í London
staddur hér á landi, en Kumanti
kaupir umtalsvert magn af hert-
um fiskafurðum frá Íslandi til
sölu á Nígeríumarkaði. Kumanti
er stærsti viðskiptavinur Fisk-
miðlunar Norðurlands sem hefur
selt afurðir fyrir íslenska fram-
leiðendur í Nígeríu undir vöru-
heitinu Norfish. Sunil Gupte hélt
ásamt Hilmari Daníelssyni, fram-
kvæmdastjóra Fiskmiðlunar
Norðurlands, kynningarfundi um
markaðsmálin í Nígeríu, stjórn-
málaástandið þar og fleira í
Reykjavík, á Suðureyri og Akur-
eyri.
Gríðarlega stór markaður
Markaðurinn í Nígeríu er gríðar-
lega stór. Til marks um það búa
þar 120 milljónir manna sem er
rösklega fjórðungur alls þess fólks
sem byggir Afríku. Kaupgeta
íbúa Nígeríu er reyndar mjög
misjafnlega sterk, en almennt
hefur hagur landsins farið batn-
andi á undanförnum árum og
efnahagur þess byggir mjög á ol-
íuvinnslunni, en innan OPEC er
Nígería fjórða stærsta fram-
leiðslulandið. En það hefur líka
haft mikið að segja að stjórnarfar-
ið í landið er gjörbreytt frá því
sem áður var. Lýðræðið hefur
styrkt stöðu sína, en hér á árum
áður voru herforingjastjórnir í
landinu og efnahagssveiflurnar
mjög miklar. En flæði peninga
inn í efnahagskerfið í Nígeríu
fylgir 13% verðbólga og kostnað-
ur við til dæmis kaup á bílum og
eldsneyti hefur aukist mun meira
en launahækkanir. Þetta hefur
gert almenningi erfitt fyrir.
Góð reynsla af viðskiptum
við Íslendinga
Sunil Gupte sagði á kynningar-
fundinum á Akureyri að reynslan
af viðskiptum við Íslendinga væri
mjög góð og vörur Íslendinga í
Nígeríu væru þekktar fyrir mikil
gæði. Hins vegar þyrftu menn að
vera áfram mjög vel á verði í
þeim efnum því kaupendur gerðu
töluvert miklar kröfur. Hilmar
Daníelsson, framkvæmdastjóri
Fiskmiðlunar Norðurlands, segir
að gæði íslensku framleiðslunnar
hafi aukist á undanförnum árum,
sem væri mjög jákvætt. Saman
þurfi að fara gott hráefni og
vönduð vinnubrögð við þurrkun-
ina frá byrjun og til enda. Sunil
Gupte gaf til kynna að menn
gætu átt von á einhverjum verð-
lækkunum á Nígeríumarkaði í ár,
eftir tvö mjög góð ár, en Hilmar
sagðist ekki hafa merkt, enn sem
komið er að minnsta kosti, að
verð séu að lækka ytra.
Á undanförnum árum hefur ár-
leg aukning inn á Nígeríumarkað
verið 5-7%, en í fyrra var hún á
annan tug prósenta. Það segir allt
sem segja þarf um aukninguna á
þessum markaði að árið 1986
keyptu Nígeríumenn um 180
þúsund pakka en árið 2001 voru
þeir um 390 þúsund. Og að
óbreyttu stefnir í að frá Íslandi og
nýrri þurrkunarverksmiðju í Fær-
eyjum, sem Laugafiskur og Fisk-
miðlun Norðurlands eiga samtals
helmingshlut í, fari allt að 450
þúsund pakkar til Nígeríu á
þessu ári.
Stuðningur við mannúðarmál
Það kom fram hjá Sunil Gupte á
kynningarfundinum á Akureyri
að íslenskir framleiðendur hafi
lagt ýmsum framfara- og mann-
úðarmálum í Nígeríu myndarlega
lið í gegnum sjóð sem Kumanti
rekur. Á síðasta ári nam framlag
hérlendra framleiðenda og söluað-
ila 30 þúsund dollurum og í jan-
úar sl. gerðu íslenskir framleið-
endur enn betur þegar þeir lögðu
fram 20 þúsund dollara til að
styðja við þá sem ættu um sárt að
binda eftir sprengingarnar miklu
í vopnabúri hersins í Lagos í Ní-
geríu.
Stöðugur markaður í Nígeríu
- er mat Sunil Gupte frá sölufyrirtækinu Kumanti Ltd.
Á fundinum á Akureyri
voru nokkrir fulltrúar
framleiðenda þurrkaðra
fiskafurða á Norður-
landi. Næst á mynd-
inni er Hilmar Daníels-
son, framkvæmdastjóri
Fiskmiðlunar Norður-
lands.
Sunil Gupte frá sölufyrirtækinu Kumanti
Ltd. í London.