Ægir - 01.10.2002, Qupperneq 9

Árið 2001 var hagstætt saltfisk-
verkendum í Álasundi í Noregi.
Eftir tap árið 2000 jók Møre
Codfish Company veltuna úr 4,9
milljörðum ísl. króna í 7,3
milljarða. Hagnaður fyrir skatta
nam 66 milljónum ísl. króna.
Hjá West-Norway Codfish
Company minnkaði veltan milli
sömu ára úr 5,7 milljörðum ísl.
króna í 5,4 milljarða ísl. króna.
Hagnaður fyrir skatta nam 45
milljónum ísl. króna.
Sjö þingmenn Sjálfstæðisflokks-
ins hafa lagt fram tillögu til
þingsályktunar um að gerð verði
úttekt á óhreyfðum skipum í
höfnum og skipsflökum og
kostnaði við hreinsun. Fyrsti
flutningsmaður er Katrín Fjeld-
sted.
Í tillögunni er lagt til að um-
hverfisráðherra verði falið að láta
kanna fjölda óhreyfðra og úreltra
skipa í höfnum landsins svo og
fjölda strandaðra skipa og skips-
flaka nálægt landi. Kannað verði
hvort unnt sé að nýta þessi skip á
einhvern hátt en ella hvað það
kosti að flytja þau burt og farga
þeim og jafnframt hvort það
borgi sig að endurvinna brota-
málm, timbur og plast úr skips-
skrokkunum.
Í greinargerð með tillögunni
segir að ætlunin sé að koma á
skilagjaldi á bifreiðar sem muni
gjörbreyta margra ára ófremdar-
ástandi því að bílhræ hafi víða
verið skilin eftir í reiðileysi. Hins
vegar hafi miklir erfiðleikar skap-
ast á mörgum stöðum á landinu
hvað skipsskrokka varðar. Þannig
hafi safnast saman úr sér gengin
og ónýt skip í höfnum sums stað-
ar á landinu. Þar geti legið tals-
verð verðmæti í málmi, timbri og
plasti. Þá sé skipsflök einnig að
finna utan hafna auk þess sem
skip hafi strandað eða sokkið ná-
lægt landi. „Ekki hefur verið lagt
mat á hvert verðmæti í þessum
skipum og bátum kynni að vera,
en kostnaður við að flytja efnið í
móttökustöð til endurvinnslu
hefur vaxið mönnum í augum og
orðið til þess að engin úrlausn
hefur fundist. Þannig er um
óleyst umhverfisvandamál að
ræða,” segir í greinargerð með til-
lögunni.
Einnig kemur fram í greinar-
gerð með tillögunni að umhverf-
isnefnd Hafnasambands sveitarfé-
laga hafi staðið fyrir könnun á
langlegu- og reiðileysisskipum í
höfnum á Íslandi 4.-7. desember
árið 2000 og þá hafi komið í ljós
að slík skip voru á þeim tíma um
161 talsins, með brúttóþyngd alls
tæp 37 þús. tonn. Þar voru m.a.
14 skuttogarar, 88 fiskibátar og
38 trillur.
Úttekt verði gerð á ónýtum
skipum og skipsflökum
Gott saltfisksár í Álasundi
Það krefst mikillar vinnu að halda
ryði í skefjum á stálbátum.
Hingað til hefur sinkhúðun verið
besta lausnin en hún er talsvert
dýr. Ný gerð sinkmálningar,
Zinga, gæti leyst málið á ódýrari
hátt.
„Zinga sinkmálningin gerir
sama gagn og sinkhúðun. Óþarft
er að rústbanka því málninguna
má bera á ryðið,” segir Jon-Ivar
Hagen hjá Rotorkontroll AS í
Noregi í viðtali við Fiskaren.
„Nauðsynlegt er þó að hreinsa
fitu og allt laust áður en málað er.
Sennilega vilja þó sumir heldur
fjarlægja ryðið til að fá sléttari
áferð. Seljandinn segir að
sinkmálninguna megi til dæmis
nota með góðum árangri á rör,
bátsskrokka og möstur. Bæði er
hægt að fara margar yfirferðir en
einnig má nota málninguna sem
grunn undir aðra málningu því
hún binst mjög vel.
Franska sjávarútvegsráðuneytið
gerði tilraun með tvær baujur í
Atlantshafi. Önnur var máluð
með Zinga málningunni en hin
galvaniseruð. Síðan voru báðar
málaðar með sömu málningu.
Eftir fjögur ár var baujan með
Zinga óryðguð en margir
ryðblettir á hinni.
Sinkmálning
gegn ryði
Samtök fiskvinnslustöðva og Landssamband
fiskeldis- og hafbeitarstöðva:
Víðtækt samstarf
Samtök fiskvinnslustöðva (SF) og Landssamband
fiskeldis- og hafbeitarstöðva (LFH) hafa tekið upp víð-
tækt samstarf og gert með sér rekstrar- og samstarfs-
samning. SF, sem er til húsa í Húsi atvinnulífsins að
Borgartúni 35, sér um skrifstofuhald og þjónustu við
félagsmenn LFH.
Við það er miðað að náið samstarf þessara samtaka
leiði til aukinnar hagkvæmni í rekstri þeirra vegna
samnýtingar starfsfólks, húsnæðis og upplýsingakerfa.
Guðbergur Rúnarsson, verkfræðingur hjá SF hefur
umsjón með starfssemi LFH. Vigfús Jóhannsson fram-
kvæmdarstjóri Stofnfisks er formaður LFH.
Hingað til hefur sinkhúðun verið besta lausnin en hún er talsvert
dýr. Ný gerð sinkmálningar, Zinga, gæti leyst málið á ódýrari hátt.
F R É T T I R
9