Ægir - 01.10.2002, Síða 28

28
Æ G I S V I Ð TA L I Ð
þess? Hvaða rétt hafa þingmenn til þess að taka af
þessum litlu strandbyggðum í kringum landið rétt-
inn til veiða á smábátum, sem við höfum haft síðan
land byggðist. Það er réttur fólksins í strandbyggð-
unum að fá að lifa og þann rétt á fólkið langt aftur í
aldir. Þessar strandbyggðir geta ekki án okkur
trillukarlanna verið.”
Samstíga trillukarlar
Guðmundur segist ekki setja alla alþingismenn und-
ir sama hatt. Þeir séu jafn misjafnir og þeir eru
margir. „Að sjálfsögðu eru þeir ekki allir slæmir, en
hins vegar hafa þeir gert gasaleg mistök. Fiskistofn-
arnir eru svona illa á sig komnir, eins og raun ber
vitni, vegna rangrar stjórnunar sem er búin til á Al-
þingi.”
Guðmundur segir að trillukarlar á Íslandi séu al-
mennt mjög samstíga í sínum málflutningi og kröf-
um. „Þeim hefur verið stillt upp í ýmis kerfi sem al-
þingismennirnir hafa búið til. Aðstæður manna í
þessum kerfum hafa verið afar ólíkar, en engu að síð-
ur höfum við alltaf náð sáttum í okkar röðum. Það
sýnir hversu sterkur félagsskapur smábátasjómanna
er.”
Matador-spilarar
- Eru ekki líka til ríkir trillukarlar?
„Maður skal aldrei segja aldrei,” segir Guðmundur
og hlær. „Það er til brask í trillukerfinu eins og hinu.
Þeir menn sem stjórna stórútgerðarfyrirtækjunum í
dag eru strákar sem fæddust þegar Matador-spilið
var hvað vinsælast. Þeir lærðu að spila Matador og
keyptu og seldu götur og fyrirtæki. Síðar spiluðu
þeir Útvegsspilið og nú eru þeir komnir með þessa
spilamennsku út í athafnalífið. Þetta tel ég hættulegt
fyrir þjóðfélagið. Þeir menn, sem ég vil kalla hug-
sjónamenn í útgerð, eru að mestu horfnir. Ég nefni í
því sambandi Einar heitinn Guðfinnsson í Bolungar-
vík. Hann byggði upp plássið sitt og launin hans
voru þau að fólkið hafði atvinnu og velmegun og
uppbygging var í plássinu. Í dag eru menn hins veg-
ar aðallega í verðbréfabraski, en að baki því eru engir
peningar. Þessir Matador-strákar leita því inn í
bankakerfið og um allt. Þeir eru ekki í því að byggja
upp staðina vítt og breitt um landið. Hvað hefur
stórútgerðin byggt upp af húsakosti í landi á undan-
förnum árum? Mér sýnist það vera heldur lítið. Og
ekki hafa fjármunirnir farið að neinu marki í endur-
nýjun flotans, enda hefur íslenski flotinn verið að
eldast gífurlega mikið. Fjármunirnir hafa hins vegar
verið notaðir í fjármálabrask hér innanlands eða
hreinlega verið fluttir úr landi,” segir Guðmundur
Halldórsson, formaður Eldingar – félags smábátasjó-
manna á norðanverðum Vestfjörðum.”
„Nú eru að verða tuttugu ár síðan kvótakerfið var sett á og okkur var sagt á sínum tíma að það tæki fimm ár að byggja upp þorskstofninn. Nú á þjóðin að
mínu mati heimtingu á því að farið verði ofan í saumana á því af hverju ekki hefur náðst árangur í fiskfriðuninni á tuttugu árum.”