Freyr - 01.07.1995, Blaðsíða 27

búnaðarsambandanna hér á landi
vinna að fullu að slíkri upplýsinga-
öflun. Þeir segja, eins og við
bentum á, að þetta sé verðmætur
grunnur til að meta áhrif umhverfis
á framleiðslu og heilsufar gripa, auk
þess að verða einn af lyklunum að
gæðaframleiðslu komandi ára. Upp-
lýsingaöldin laðar í vaxandi mæli
fram kröfur neytenda um góðar
upplýsingar um alla þætti fram-
leiðsluferilsins. Engin viðbrögð
bænda önnur en þau að mæta
þessari kröfu geta verið skynsamleg
þegar skyggnst er til framtíðar.
I ritinu er rakin þróun í kynbóta-
mati gripa og ræktunarstarfi sem
um margt líkist þróun hér á landi þar
sem við höfum oft sótt hugmyndir
okkar þangað yfir hafið. Afkvæma-
rannsóknarstöðvamar voru þar á
sínum tíma snar þáttur líkt og hér á
landi. I ræktunarstarfinu hafa þeir
vegna stofnstærðar miklu traustara
mat á ýmsum þáttum en við höfum.
Þess má til gamans geta að í
kynbótamati erum við þó sem
stendur skrefi á undan þeim því að
kynbótamat eftir einstaklings-
módeli, eins og tekið var upp hér á
landi fyrir rúmum tveim árum,
ráðgera þeir að geta fyrst tekið í
notkun á árinu 1997.
Hér hefur í stuttu ntáli verið vikið
að ýmsum þáttum sem tengjast því
undirstöðustarfi kúabúskapar sem
skýrsluhald í nautgriparækt er. Eins
og hér hefur komið fram er í öllum
löndum með þróaða mjólkur-
framleiðslu litið á skýrsluhaldið
sem afar mikilvægan þátt. Þetta
kemur fram í síaukinni þátttöku í
starfinu í öllum löndum. Slfk þróun
hefur sem betur fer einnig átt sér
stað hér á landi á síðustu árum þó að
hún, eins og oft hefur verið bent á,
þyrfti að vera enn hraðari hér á
landi.
Samanburður við nágrannana
sýnir öðru fremur að við stöndum
mjög vel í samanburði við þá hvað
viðkemur kostnaði við framkvæmd
skýrsluhaldsins. Þessi framkvæmd
kann að hafa einhver áhrif á gæði
upplýsinga hér á landi en tvímæla-
laust ekkert í samanburði við kostn-
aðarmun. Þar sem helst á skortir
(kjötframleiðsla, upplýsingar um
heilsufar) er á þeim sviðum þar sem
reynir á samstarf fleiri aðila
(afurðastöðva, dýralækna). Hér
kann einnig að birtast skortur hjá
bændum hér á landi, í samanburði
við stéttarbræður í nálægum
löndum, á að líta á ólíka þjónustu-
aðila þeirra sem eina heild og láta þá
starfa í samræmi við það. Slíkt er
samt líklega enn meira vandamál á
mörgum öðrum sviðum en í
nautgriparækt.
Lífrœnn
landbúnaöur
í umfjöllun um lífrænan land-
búnað hefur notkun hugtaka verið
nokkuð á reiki. Áríðandi er að hér
sé gætt samræmis til að útiloka
misskilning.
Með lögum nr. 162/1994 og
reglugerð nr. 219/1995 um lífræna
landbúnaðarframleiðslu hefur verið
ákveðið að þeir búskaparhættir sem
t.d. í enskumælandi löndum eru
kenndir við „organic" og á Norð-
urlöndum við „ökologisk" skulu
kallast lífrænir hér á landi.
Landbúnaður er í eðli sínu mis-
munandi vistvænn, allt eftir fram-
leiðsluháttum. Þannig er lífrænn
landbúnaður talinn vistvænstur.
Til frekari áréttingar má benda á
reglugerð ESB nr. 2092/91 frá 24.
júní 1991. Þar kemur ofangreint
skýrt fram. í 2. gr. er til dæmis
tíundað hvaða orð eru notuð yfir
lífrænan landbúnað á mismunandi
tungumálum.
Höfundar efnis eru vinsamlegast
beðnir um að taka þetta til greina.
Ritstj.
DEKKJAHÖLLIN
Draupnisgötu 5 - 603 Akureyri
Sími: 462 3002 Fax: 462 4581
Bændur! Verktakar!
Við eigum til á lager úrval búvéla-
og vinnuvéladekkja á hagstæðu
verði, beint frá framleiðanda.
(ISO 9002 gæðastaðall)
ZSÆLUANCE
• ■ Dekkj'ah ÖUI22 JLkureyri
7.'95- FREYR 299