Freyr - 01.10.1999, Síða 4

Bændur verða
að gæta þess að bjóða ekki upp
á annars flokks afurðir
Viðtal við Arnar Bjarna Eiríksson í Gunnbjarnarholti
Mörgum þótti það brjálæði
þegar Arnar Bjarni Eiríks-
son, sem þá var tvítugur,
fór út í það fyrir 11 árum að kaupa
framleiðslurétt og byggja fjós að
Gunnbjarnarholti í Gnúpverj-
arhreppi ásamt konu sinni, Berg-
lindi Bjarnadóttur. Arnar hélt hins
vegar ótrauður áffam og hefur nú
komið upp myndarlegu búi með 190
þús. lítra greiðslumarki. 1 upphafi
bjuggu þau reyndar ekki sjálf að
Gunnbjarnarholti en þau fluttu í
íbúðarhús þar sumarið 1996.
Amar er fæddur og uppalinn í
Sandlækjarkoti og búa foreldrar
hans, þau Eiríkur Bjarnason og
Margrét Eiríksdóttir, þar enn. Ætt
Margrétar hefur reyndar búið þar
síðan 1789. Eiríkur er einnig úr
Gnúpverjahreppnum. Arnar er
yngstur fimm systkina. Hann stund-
aði um skeið nám í Menntaskólan-
um í Hamrahlíð en lauk síðan meist-
araprófi í húsasmíðum frá Fjöl-
brautarskóla Suðurlands 1991.
Arnar riflar upp þegar hann byrj-
aði að byggja fjósið árið 1988. „Þá
var komið mikið af húsum í Sand-
lækjarkoti og langt að fara á túnin.
Okkur fannst því skynsamlegra að
færa okkur frá ættaróðalinu, stofna
nýbýli og færa okkur þannig nær
túnunum. Þannig væri auðveldara
að komast að þeim og skipulagning
í kringum beit yrði betri. Við byrj-
uðum síðan að byggja fjósið haust-
ið 1988. Síðan tókum við við kún-
um frá foreldrum mínum um mitt
sumar 1990 en kýrnar fluttu ekki
inn í nýja fjósið fyrr en rétt fyrir
jólin 1993. Þá leigðum við húsnæði
hjá bróður mínum í Sandlækjarkoti
og keyrðum alltaf á milli í fjósið.“
Margir héldu að Arnar myndi
fljótt sjá eftir að hafa farið út í þessa
framkvæmd. „Við þurftum að byrja
alveg frá grunni enda var ekkert að
hafa þarna. Hér var hvorki heitt né
kalt vatn og ekkert rafmagn heldur.
Það varð því að leggja þangað allar
lagnir. Hrakspárnar voru því marg-
ar í okkar garð en við létum það
ekkert á okkur fá.“
Þau hjónin byrjuðu með 67 þús-
und lítra mjólkurkvóta sem hann
tók við af foreldrum sínum. Þau
keyptu síðan árið 1992 kvóta upp á
61 þúsund lítra sem allur var af
einni jörð. Síðan hafa þau bætt
smám saman við sig og eru nú með
190 þúsund lítra. „Við stefnum að
því að stækka töluvert meira. Við
erum nú að fara út í að stækka fjós-
ið og lengja einnig ljárhús til að
nota fyrir geldneyti. Við sprengdum
fjósið utan af okkur fyrsta veturinn
sem það var notað og það hefúr
aldrei verið nógu stórt eftir það.“
Viðbyggingin verður eingöngu
fyrir legubása. Gjafakerfið verður
þá sett í eldra fjósið og verður út-
búnaður til þess fluttur inn frá Hol-
landi. Fóðurgangurinn verður stutt-
ur og grindurnar sem kýrnar éta í
gegnum keyra sig saman þannig að
gefið verður fyrir 3-4 daga í einu.
Arnar segir dæmi þess erlendis að
menn séu að gefa fyrir allt að 7-9
daga í einu. Stefnt er að því að við-
byggingin verði tilbúin í haust en
þá eiga rúmlega 60 kýr að bera hjá
honum.
Arnar Bjarni Eiríksson.
4 - FREYR 11/99