Freyr - 01.12.1999, Blaðsíða 6

Kristinn Guðnason i rœðustól á aðalfundi Félags hrossabœnda 1999.
„Mönnum fannst slæmt að aðeins
væri gefin ein einkunn fyrir tölt en
þessi gangtegund skiptist í hægt tölt
og yfirferðartölt. Hæga töltið hafði
þá að margra mati ekki það vægi í
dómnum sem það átti skilið og væri
nauðsynlegt. Því var ákveðið að
gefa séreinkunn fyrir hægt tölt og
færa hana síðan inn í sameiginlegu
einkunnina. Því eru ekki gefnar
tvær einkunnir en það sést samt
hvaða einkunn hesturinn fær fyrir
hægt tölt. Þetta virðist hafa skilað
sér vel. Einnig var ákveðið að prófa
að dæma fet. Það var þó ekki tekið
inn í vægi heldur aðeins gefin eink-
unn.
Mönnum var lika farið að finnast
kynbótasýningar of hraðar og ekki
nógu fagmannlegar. Þessi breyting
virðist hafa skilað sér vel að því
leyti. Sýningarnar í sumar voru fall-
egri og betur útfærðar.
En það standa enn meiri breyt-
ingar fyrir dyrum á dómskvarðan-
um. I þeim verður t.d. steypt saman
í eina einkunn vilja og geðslagi því
þetta tvinnast mjög saman. Einnig
verður vægi byggingar lækkað en
vægi fegurðar í reið hækkað. Bygg-
ing og hæfileikar hafa haft jafnt
vægi en nú mun vægi byggingar
verða 40% en vægi hæfileika 60%.
Þá hefur einnig verið rætt um að
fetið fái vægi í kynbótadómum.“
Snúum okkur að öðru. Hvernig
gengur sala á hrossakjöti?
„Hún hefur gengið misjafnlega
og það hefur ekki alltaf fengist hátt
verð fyrir kjötið. Það var ágætur
markaður í Japan fyrir þetta kjöt
sem gaf gott verð en hann hrundi. í
staðinn fann félagið markað á Ítalíu
og við flytjum þangað nú um 50-80
hross á viku. Verðið er hins vegar
lágt.
Við bjuggum lengi við þær að-
stæður að aðeins eitt sláturhús á
landinu hafði leyfi til að slátra á
þennan markað og það var á
Hvammstanga. Þetta haföi í för
með sér að flutningskostnaður varð
óhemju mikill og félagið tók reynd-
ar þátt í að greiða hann fyrir
bændur á Suðurlandi og
Austurlandi. Það hefur nú breyst til
batnaðar þar sem sláturhús á
Selfossi og Blönduósi hafa einnig
fengið þetta leyfi þannig að nú er
hægt að slátra sunnlensku
hrossunum á Selfossi, sem er til
mikils hagræðis fyrir bændur þar.
Það má segja að þessi leið til af-
setningar skili bændum ekki miklu
að öðru leyti en því að þeir geta los-
að sig við arðlaus hross sem eru í
raun afætur á þeim. Að þessu leyti
hefur orðið mikil hugarfarsbreyting
og sú sem ég er hvað ánægðastur
með. Hrossabændur vilja nú afsetja
hross sem ekki er not fyrir og þeir
sjá að því fyrr sem þeir gera það því
minna verður tapið þó að verðið
sem þeir fá fyrir kjötið sé lágt.
Blóðsöfnun hefúr einnig gengið
ágætlega. Það fæst ágætt verð íyrir
merarblóð, jafnvel um 6-10 þúsund
krónur fyrir hverja blóðtöku. Sala á
folaldakjöti hefur einnig verið góð
og verðið sem fæst fyrir það er
ágætt. Þeir sem ala upp þessi hross
eru yfirleitt á grasgefnum jörðum
þar sem fóðrið er ódýrt og hafa því
einhvern arð af stóðinu og það er
gott mál.“
Hvernig sérðu fyrir þér framtið
hrossarœktarinnar?
„Við þurfúm að auka gæðin og
vera í fararbroddi á öllum sviðum,
hvort sem það er í kennslu, reið-
mennsku eða öðru, og ég hef fulla
trú á því að það takist. Það er
óhemju margt ungt fólk að koma
inn í greinina og Félag tamninga-
manna er mjög öflugt og virkt. T.d.
er sótt í menntakerfi þeirra frá mjög
mörgum löndum þar sem íslenski
hesturinn er og það mun líklega
verða notað til að útskrifa tamn-
ingamenn í þessum löndum. Þessu
félagi hefur greinilega tekist að
sýna fram á að það er í forystuhlut-
verki í tamningu og þjálfún íslenska
hestsins. Eins hefúr tekist vel til
með Feng og tölvuvinnsluna innan
Bændasamtakanna. Önnur lönd
væru ekki að sækja svona mikið
hingað nema af því að við höfúm
eitthvað eftirsóknarvert fram að
færa.
Æskilegt væri hins vegar að for-
maður Félags hrossabænda væri í
launuðu starfi hjá félaginu. Það
myndi gefa honum meiri tíma til að
sinna hagsmunamálum félagsins.
Við erum með starfandi markaðs-
fulltrúa sem sinnir miklu starfi en
ég hef fundið fyrir því að ég get
ekki sinnt mörgum málum eins vel
og ég hefði viljað vegna tímaleysis.
Það myndi breytast til batnaðar ef
formaður væri starfandi hjá félag-
inu.“
HI
6 - FREYR 13-14/99