Freyr - 01.12.1999, Blaðsíða 13
Besti árangur
í kappreiðum sumarið 1999
Búnaðarblaðið Freyr birti í
janúarblaðinu 1999 töflur
yfir besta árangur knapa og
hesta í nokkrum keppnisgreinum
frá helstu mótunum á Islandi fyrir
árið 1998 og aftur er haldið af stað
og litið á innanlandsmót sumarsins.
Þrátt fyrir tölvuvæðingu víða hefúr
reynst erfitt að hala inn úrslit allra
helstu mótanna. Því er ekki hægt
að taka með árangur íslenskra
knapa í útlöndum. Ljóst er að mik-
ið átak þarf til að koma skráningu á
árangri knapa og hesta í lag. Það
hlýtur að vera krafa eigenda, knapa
og umsjónamanna hesta að upplýs-
ingar um árangurinn séu aðgengi-
legar. Einnig er ljóst að erfitt er að
fylgja eftir reglum Landssambands
hestamannafélaga um lágmarks-
árangur knapa á íslandsmótum ef
þessar einkunnir eru ekki við hendi.
Leitað var til formanna hesta-
mannafélaga um upplýsingar og
tóku þeir allir ljúfmannlega í það
mál, en því miður voru upplýsingar
glataðar óvenju víða.
Hér er tekinn saman árangur
knapa og hesta í helstu keppnis-
greinum, hvort sem er í forkeppni
eða úrslitum á helstu innanfélags-
stórmótunum. Stærst móta sumars-
ins er auðvitað heimsmeistaramótið
í Þýskalandi en þar sem miðað er
eingöngu við árangur innanlands
eru tölur frá heimsmeistaramótinu
ekki með í þessari upptalningu þó
svo að það geti virst ósanngjarnt.
Einkunnir liggja misjafnlega hátt. I
A- og B-flokki gæðinga er svipaður
fjöldi hesta og í fyrra með aðaleink-
unn 8,60 eða meira, en einkunnir
knapa virðast hafa hækkað töluvert
frá árinu áður í íþróttagreinunum.
Einungis sex knapar voru með 8,00
eða meira í einkunn fyrir tölt á árinu
1998 en 25 á árinu 1999. Einkunnum
knapa með 7,00 eða meira fjölgaði úr
16 i 45 í ijórgangi og úr 5 í 24 i
fimmgangi. Hugsanlega er hægt að
skýra hluta fjölgunarinnar með því að
fleiri mót séu í pottinum nú en í fyrra.
Á móti kemur að tímar í 150 metra
skeiði eru slakari en í fyrra. Sex sinn-
um fór hestur undir 14,00 sek. í 150
metra skeiði sumarið 1998 en ein-
ungis einu sinni síðastliðið sumar. 1
250 metra skeiði er staðan svipuð,
örlítið lakari þó en því má ekki
gleyma að Gordon frá Stór -Ásgeirsá
og Sigurbjöm Bárðarson settu
glæsilegt heimsmet í greininni á HM,
21,16 sek. í stökkgreinunum er
ástandið misjafnt, betri tímar í 300 og
800 metra stökki en verri tímar í 350
metra stökki.
Á þessu sumri kom fram töluvert
af nýjum hrossum sem eiga eftir að
sjást í keppni á næstu árum.
í töflunum yfir besta árangur
knapa og hesta, sem fylgja, er nafn
félags hestsins í nefnifalli en nafn á
félagi sem knapinn keppir fyrir í
þolfalli.
A-flokkur gæðinga
Ormur frá Dallandi, sýndur af
Atla Guðmundssyni, fékk hæstu
aðaleinkunn A-flokks gæðings á ár-
inu 1999. Hann var sýndur á MR
móti Fáks, sem stendur fyrir Hvíta-
sunnumóti og fékk þar geysilega
háa einkunn, 8,95. Ormur vakti
töluverða athygli á landsmótinu á
Melgerðismelum árið 1998 og svo
aftur í kynbótahrossasýningu í
Gunnarsholti í vor en sló svo alvar-
lega í gegn hjá Fáki.
Næstur honum kemur Kjarkur frá
Ásmúla, sýndur af Þórði Þorgeirs-
Ormurfrá Dallandi, sem fékk hœstu aðaleinkunn íA-flokki gœðinga, lœtur Ijós
sitt skína á kynbótasýningunni í Gunnarsholti. Knapi erAtli Guðmundsson.
FREYR 13-14/99 - 13