Freyr - 01.04.2001, Blaðsíða 4

Ritstjórnargrein
Sóknarhugur
á búnaðarþingi
að er mál manna að nýliðið búnaðar-
þing, hið 87 í röðinni, hafi skilað góðu
starfi. Að þessu sinni sátu 48 fulltrúar
þingið en fulltrúum var fjölgað um níu
á síðasta kjörtímabili. Sú fjölgun breytti ekki
eðli þingsins, sem er að fjalla um hin
fjölbreyttu mál sem varða íslenskan landbúnað.
Að þessu sinni sátu 19 nýir fulltrúar þingið og
fjölgun fulltrúa úr 39 í 48 kom öll frá búgreina-
samböndunum. Þess varð þó ekki vart að það
hefði í för með sér aukna flokkadrætti milli
búgreina, fulltrúar, hvort sem þeir voru kosnir
af búnaðar- eða búgreinasamböndum, höfðu
heildarhagsmuni íslensks landbúnaðar að
leiðarljósi. Þá var áberandi það jafnræði sem
ríkti í umræðum á þinginu þar sem margir
nýliðanna sýndu að þeir stóðu gamalreyndum
fulltrúum fyllilega jafnfætis. Á hinn bóginn
bar ekki á því að örfáir fulltrúar létu mikið ljós
sitt skína, eins og borið hefur á áður.
Hugmyndir hafa verið uppi um það að breyta
skuli eðli búnaðarþings á þá leið að það fjalli
einungis um meginstefnumál landbúnaðarins
en smærri mál verði í höndum viðkomandi bú-
greinar eða stjórnar Bændasamtaka Islands.
Yfirbragð nýliðins búnaðarþings benti ekki til
þróunar í þá átt og áberandi var að fulltrúar litu
á sig sem fulltrúa landbúnaðarins alls. Varð-
andi stór mál sem þarfnast gaumgæfilegrar at-
hugunar er hins vegar eðlilegt að milliþinga-
nefndir fjalli um þau og skili niðurstöðum sín-
um til búnaðarþings sem afgreiði þau endan-
lega. Almennar atkvæðagreiðslur um stór mál,
eins og búvörusamninga, eru einnig hluti af
nútímalegum lýðræðislegum vinnubrögðum.
Málaskrá og ályktanir búnaðarþings 2001 er
að finna aftar í þessu blaði. Þar er áberandi að
hvatt er til sóknar á fjölmörgum sviðum, sem
tengjast landbúnaðinum. Það sýnir að bændur
standa þétt saman um hagsmunamál sín, þó að
ljóst sé að víða er háð vamarbarátta um stöðu
byggðar og búskapar. Ef borin eru saman bar-
áttumál íslensks landbúnaðar og í öðrum lönd-
um má einnig segja að margar þjóðir gætu
öfundað okkur. Við emm laus við þá kostnað-
arsömu baráttu við skæða búfjársjúkdóma sem
nú er háð í Bretlandi og á meginlandi Evrópu
og víðar. Hér er ekki dregin í efa hollusta bú-
vara, eins og gerist þar sem hormónanotkun í
búfjárrækt er útbreidd, lyf eru notuð í fóður eða
fóðurhráefni eru menguð. Hér eru heldur ekki
á ferð erfðabreytt matvæli sem neytendur
forðast. í Danmörku fer nú fram mikil umræða
um siðferðilegar hliðar búvöruframleiðslunnar,
þar sem m.a. er fjallað um að meðferð á búfé
þurfi að vera með þeim hætti að neytendum
ofbjóði ekki.
I enn fjarlægari löndum virðast hafa orðið
breytingar á veðurfari þannig að þurrkar gera
stór svæði óbyggileg en flóð valda búsifjum
annars staðar. Þær raddir verða æ sterkari að
þarna séu á ferð áhrif mannsins á umhverfið,
einkum með hlýnun andrúmsloftsins af völdum
gróðurhúsaáhrifa.
Þau vandamál, sem við er að glíma í landbún-
aði víða um heim eru ekki nefnd hér til að gera
lítið úr vandamálum í íslenskum landbúnaði.
íslenskur landbúnaður er hluti af efnahagslífi
þjóðarinnar. Standi það traustum fótum styrkir
það landbúnaðinn. Hin erfiða staða í landbún-
aði á meginlandinu og víðar styrkir einnig ís-
lenskan landbúnað svo fremi að okkur takist að
verjast þeim sjúkdómum og öðrum skaðvöld-
um sem landbúnaðurinn berst þar við.
Á þinginu var kosin ný stjórn BÍ. Fráfarandi
stjóm skulu hér þökkuð störf hennar og ný
stjóm boðin velkomin til starfa. Einkum skulu
Ara Teitssyni, formanni BI, færðar ámaðarósk-
ir með glæsilega kosningu.
M.E.
4 - FR6VR 3/2001