Freyr - 01.04.2001, Blaðsíða 10

Skýrsla framkvæmdastjóra
Bændasamtaka íslands
Sigurgeir Þorgeirsson, fram-
kvæmdastjóri Bændasamtaka Is-
lands, flutti skýrslu um framvindu
mála frá Búnaðarþingi 2000.
Almennar umræður
1. Egill Sigurðsson þakkaði í
fyrstu framlagðar skýrslur og gögn.
Hann lagði áherslu á að við af-
greiðslu á fyrirliggjandi tillögu um
skipulag og kostun ráðgjafarþjón-
ustunnar megi ekki undanskilja
sjálf Bændasamtökin. Hann benti á
að jafnstór hluti búnaðargjaldsins
rynni til Bændasamtakanna og til
búnaðarsambandanna til leiðbein-
ingarþjónustu. Vilji bænda stendur
ennfremur til þess að selja Hótel
Sögu og flytja starfsemi Bænda-
samtakanna út á land. Bændum
finnst félagskerfið dýrt og þeir
verða ekki varir við hvað verður
um þá fjármuni sem þeir greiða í
formi búnaðargjalds.
2. Jóhann Már Jóhannsson fjall-
aði um nýjan sauðfjársamning og
taldi marga hafa tekið fullmikið
upp í sig um ágæti hans áður en far-
ið er að reyna á hann. Sjálfur
kvaðst hann hafa efasemdir um
samninginn, en hann væri orðinn
staðreynd og því verði að reyna að
gera það besta úr honum sem hægt
væri. Gæðastýringarþátt samnings-
ins kvað hann vekja sér ugg í
brjósti og þá sérstaklega gæða-
handbókin sem nú væri til reynslu
hjá sauðfjárbændum í N-Þingeyjar-
sýslu. Fannst honum of miklar
kröfur gerðar um hvers konar
skráningar og skyldufærslur. Von-
aðist hann til þess að rækilega verði
vinsað úr henni eftir reynslukeyrsl-
una og þannig komið í veg fyrir
ástæðulausa skriffinnsku.
3. Sólrún Ólafsdóttir fagnaði
fjölgun kvenna í röðum þingfull-
trúa. Hún ræddi um kröfugerð fjár-
málaráðuneytisins í þjóðlendumál-
unum og kvað þar vera um að ræða
aðför og tilraun til eignaupptöku
hjá bændum. Ekkert mark er tekið á
þinglýsingum og farið um túnfót
bænda í kröfugerðinni. Hún lýsti
furðu sinni á því að ekki skuli hafa
verið beðið niðurstaðna úr Ámes-
sýslunni áður en lögð var fram
kröfugerð í A-Skaftafellssýslu. Þá
þykjast alþingismenn vera voða-
lega hissa yfir þessu öllu saman og
segjast ekki hafa ætlað sér að ganga
svo langt er þeir samþykktu lögin á
sínum tíma. Næst fjallaði hún um
þá sjúkdóma sem herjað hafa á bú-
fénað í Evrópu og kvað íslenska
bændur verða að vera vel á varð-
bergi til að viðhalda hreinleika og
hollustu afurða sinna. Við verðum
að móta okkur stefnu þar sem
hreinleiki og hollusta afurðanna er í
fyriiTÚmi og verðum að geta sann-
að það fyrir hverjum sem er með
upprunavottun. Evrópskir bændur
eru nú að súpa seyðið af gegndar-
lausri framleiðni- og hagkvæmni-
kröfu sem landbúnaður víða um
heim hefur haft að leiðarljósi á
kostnað náttúrunnar og dýraheil-
brigði. Hún þakkaði Áburðarverk-
smiðjunni fyrir auglýsingaherferð
sína í fjölmiðlum þar sem vakin
væri athygli á hreinleika íslenskrar
náttúru. Helsta áhyggjuefni bænda
um þessar mundir eru hin slöku
kjör en skuldastaða fjölmargra
bænda er mjög alvarleg og vextir
hrikalega háir. Einnig má nefna
hátt raforkuverð, vöntun á 3ja fasa
rafmagni, lélegar samgöngur, fjar-
skiptamál o.fl. Þá fjallaði hún um
forritunarþjónustu Bændasamtak-
anna og mikilvægi þess fyrir bænd-
ur að hafa völ á góðum forritum,
hvort sem um væri að ræða fyrir
bókhald, ættbókar- eða afurða-
skráningu eða annað það sem bú-
rekstrinum tengdist. Landssíminn
hefur lofað úrbótum í internetteng-
ingum í sveitum landsins, en hún
lýsti áhyggjum sínum yfir því hvað
mun gerast þegar fyrirtækið verður
selt. Er hægt að selja fyrirtækið
með kvöð um slíka tengingu um
allt land? Vegna hugmynda um
skráningu á Fjávísi gegnum inter-
netið lagði hún áherslu á að sauð-
fjárbændur væru tekjulægsta stétt
landsins og því mætti ekki bæta á
þá miklum kostnaði sem slíkum
Sólrún Ólafsdóttir á Kirkjubæjarklaustri í ræðustól.
10 - FRGVR 3/2001