Skólablaðið - 01.05.1992, Blaðsíða 59

SKÓLABLAÐIÐ 59
Skyggnst bakvið tjaldið
Hvíti víkingurinn Egill Örn flettir ofan af
undraveröld kvikmyndanna
Ekki alls fyrir löngu var frumsýnd hér á landi kvik-
myndin Hvíti víkingurinn. f>að sem vakti einna
mesta athygli mína og hlátur í þeirri mynd var
Egill Örn Jóhannsson. Pilturinn sá fór einmitt með hlut-
verk rauðhærðs síðhærðs stráklings í Noregi á víkingaöld.
Mig fýsti mikið að vita meira um þetta nýstirni okkar
M.R.-manna og tók því við hann þetta skemmtilega viðtal
sem hér fer á eftir.
Egill af hverju varst þú valinn til að leika í Hvíta víkingn-
um en ekki einhver annar?
Hrafn Gunnlaugsson hringdi í mig og bað mig um að
koma í prufu. En þegar ég mætti á staðinn var hann kom-
inn með hlutverk handa mér. Ég hafði áður leikið í mynd
Hrafns í skugga hrafnsins og hann mundi eftir mér síðan
þá. Einnig lék ég í mynd Egils Eðvarðssonar, Húsið trún-
aðarmál, en því miður voru öll atriðin sem ég lék í klippt
burt.
Hvernig var að taka þátt í gerð Hvíta víkingsins?
Það var stórkostleg reynsla, mjög skemmtilegt samstarfs-
fólk og alltaf nóg að gera. Þetta var ævintýri líkast.
Hvar og hvenær fóru upptökur fram?
Þær fóru fram sumarið 1990 í Noregi og svo sama haust
hér heima. Stúdíó-upptökur voru svo í desember.
Hvernig var að vinna með Hrafni?
Hrafn er mjög sérstakur persónuleiki. Hann getur verið
afar strangur en einnig mjög skemmtilegur. Hann hefur
mjög góð áhrif á mann og nær því besta út úr manni þó
svo að það kosti oft mikla vinnu.
Hvernig fannst þér myndin koma út?
Fyrst eftir að ég sá hana fannst mér hún meiriháttar en eft-
ir að ég fór að pæla meira í henni kom ég auga á marga
galla. En ég bind miklar vonir við sjónvarpsþættina sem
verða að öllum líkindum sýndir í sjónvarpinu á þessu ári.
Var þetta ekki sukk?
Sumir sukkuðu mikið en ég hélt mig að mestu leyti frá
flöskunni nema ef vera skyldi kókflöskunni. Þó kom fyrir
að maður datt rækilega í það.
Hvað fékkstu mikið borgað fyrir að leika í myndinni?
Ég fékk vel borgað. Meðal annars tvær flugferðir ókeypis
á Saga-class en stöðu minnar vegna sé ég mér ekki fært að
greina nánar frá þessu.
Að lokum Egill. Af hverju fékkst þú enga rúmsenu?
Framleiðendur myndarinnar sáu sér því miður ekki fært
Víkingar - Egill lengst til vinstri.
að nýta þá einstöku hæfileika sem ég hef í þessari list í
þetta sinn en það er aldrei að vita hvað framtíðin ber í
skauti sér í þessum efnum.
Þakka þér fyrir Egill og vonandi verður þér að ósk þinni.
KGB
Stúlkur trúa á ást við fyrstu sýn, strákar við fyrsta tækifæri. - Svensk femina.