Skólablaðið - 01.05.1992, Blaðsíða 39

SKÓLABLAÐIÐ 39
ncinni deild strax. Nú er talið fullvíst að engri deild verður
lokað.
Þriðji möguleikinn er hækkun skólagjalda. Ef ná ætti
öllum 127 milljónunum með þessum hætti þá gætu skóla-
gjöld numið allt að 40-50 þúsund krónum á nemanda fyrir
skólaárið. En eins og nú er þá er hámarkið 17 þús. kr. á
nemanda auk félagsgjalda stúdenta sjálfra. Félagsgjöldin
verða 5.700 krónur. Há skólagjöld eru vís leið til að mis-
muna mönnum eftir fjárráðum.
Nýnemar hraktir brott
Að síðustu greini ég frá fjórðu leiðinni sem rædd hefur
verið. Sú leið hefur vakið einna mesta athygli. Þann 16.
desember sendi Háskólaráð frá sér ályktun þar sem skýrt
kom fram að nauðsynlegt reyndist að takmarka fjölda
nemenda í Háskólann ef niðurskurðurinn yrði ekki tekinn
til endurskoðunar. Eins og áður sagði taldi Háskólinn sig
bundinn skyldum við þá sem nú þegar eru þar í námi. Þar
af leiðandi átti að fórna okkur.
„Margir hafa tekið ályktun Há-
skólaráðs sem gríni. Ég vara þó
eindregið við að menn hendi um
of gaman að þessu."
Ólafur G. Einarsson menntamálaráðherra tók ekki af
öll tvímæli varðandi lokun á nýnema. Hann telur þetta að
mestu leyti mál Háskólans. Ólafur G. sagðist gera sér
fyllilega grein fyrir vanda Háskóla íslands en virðist telja
að þetta reddist allt. Háskólinn hljóti að finna leiðir til að
draga saman seglin um 127 milljónir og halda samt áfram
að sigla á svipaðri ferð.
Margir hafa tekið ályktun Háskólaráðs sem gríni. Ég
vara þó eindregið við að menn hendi um of gaman að
þessu.
Yfirlýsingin er skýr vísbending um umfang vandans.
Óeðlilegt er þó að Háskólaráð sendi frá sér ályktun sem
þessa. Hugmyndir af þessum toga munu líklega ekki
verða að veruleika en við þurfum að gæta mjög vel að
hagsmunum okkar.
Umhugsunarefni er hvort takmarka eigi aðgang að Há-
skóla. Binda hann þá ef til vill við árangur á stúdents-
prófi? Stúdentsprófið þyrfti þá að vera með svipuðu sniði
alls staðar. Inntökupróf eru einnig möguleiki til lausnar
hluta vandans. Fjöldatakmarknir eru nú þegar í læknis-
fræði og fall í öðrum greinum er mikið.
Hafa ber í huga að námskeið í Háskólanum eru ódýrust
á fyrsta ári. Þá eru hundruð manns að hlusta á fyrirlestra
og kostnaður á hvern nemanda lítill.
Háskólinn hefur skyldur við landsmenn alla en ekki ein-
ungis við þá fáu einstaklinga sem eru þar nú við nám. Há-
skóli íslands er háskóli íslensku þjóðarinnar allrar og því
verður vart breytt.
Stúlka við nám.
Okkar hagsmunir
Nú hafa verið taldar upp 4 leiðir sem rætt hefur verið
um að grípa til:
1. Skert þjónusta
2. Lokun deilda sem ekki verður af.
3. Skólagjöld a.m.k. 17 þúsund
4. Nýnema burt
Ég tel að einhver hrærigrautur af þessu öllu verði búinn
til. Kennsla verður eins lítil og frekast er kostur. Skóla-
gjöld gætu orðið hærri en 17.000 krónur. Einnig mun nem-
endafjöldi væntanlega verða takmarkaður með einum eða
öðrum hætti.
Sjálfur er ég á móti þessum niðurskurði í menntamálum
eins og málflutningur minn bendir eflaust til. Varðveita
þarf Háskóla íslands sem lifandi menntastofnun en ekki
sem fornminjar.
Þeir finnast þó sem styðja niðurskurðinn. Ég hvet alla,
jafnt ó.bekkinga sem aðra, að kynna sér málið miklu bet-
ur og taka síðan skynsama afstöðu. Þeir sem engar
skoðanir hafa skortir margt.
Á Alþingi risu menn öndverðir gegn skerðingu sjó-
mannaafsláttarins en lágar voru raddir Háskólanum til
stuðnings. Ég tel að þessa rimmu verði nemendur að há að
mestu leyti einir. Það virðist sem Stúdentaráð muni snúast
á sveif með eldri nemum í þeim átökum sem framundan
eru. Við sem ætlum að hefja nám við Háskólann í frani-
tíðinni verðum því sjálf að gæta hagsmuna okkar. Aðrir
gera það ekki fyrir okkur.
Framsaga flutt á skólafundi.
..og auk þess legg ég til að Karþagóborg verði lögd í eyði. - Cató gamli.