Skólablaðið - 01.05.1992, Blaðsíða 78

78 SKÓLABLAÐIÐ
„Myndin hlaut viðurkenningu
gagnrýnenda í Bandaríkjunum
árið 1989 fyrir besta handrit,
bestu leikstjórn og bestu mynd."
Gus Van Sant fæddist í bænum Louisville í Banda-
ríkjunum en ólst upp á ferðalagi með foreldrum
sínum. Hann tók B.F.A. próf í kvikmyndun í
Rhode Island School of Design og fluttist því næst til
Hollywood.
Hann vann hin ýmsu störf og gerði fjöldamargar stutt-
myndir, margar hverjar ansi spaugilegar. Meðal mynda
sem hann gerði voru Five Naked boys and a gun og Five
ways to kill yourself. Ekki gekk honum sem skyldi að
vekja athygli á verkum sínum og að lokum gafst hann upp
og fluttist til Manhattan þar sem hann fór að vinna við
gerð auglýsinga. Þegar fjárhagurinn var loks orðinn góður
fluttist hann til Portland í Oregon fylki. Þá fyrst vakti eitt
verka hans þá athygli sem hann hafði sóst eftir. Fyrsta
kvikmynd hans í fullri lengd hlaut verðlaun gagnrýnenda
í Los Angeles árið 1987 fyrir að vera besta sjálfstæða til-
raunaverkið. Þetta var myndin „Mala Noche“ og fjallaði
hún um ást búðarklerks á mexikönskum farandverka-
manni.
í kjölfarið gerði Van Sant samning við Universal kvik-
myndaverið um framleiðslu þriggja mynda sinna. Og brátt
birti hann yfirlit yfir þau þrjú verk sem hann hafði í hyggju
að vinna.
Satans Sandbox, fangelsismynd þar sem allir eru dauðir
í lokin, Drugstore Cowboy, mynd um eiturlyfjaneytendur
á flakki og My Own Private Idaho, sem fjallar um tvo
stráka sem selja sig á götum stórborgar.
Stjórnendum kvikmyndaversins fannst ekki líklegt að
myndirnar myndu njóta vinsælda og svo fór að Universal
framleiddi ekkert þessara verkefna. Þó var Drugstore
Cowboy framleidd árið 1988 af Avenue Entertainment.
Myndin segir frá hópi útigangsmanna, þjófa og eiturlyfja-
neytenda, sem ræna verslanir þegar fjárskorts tekur að
gæta. Það vekur þó einn meðlima hópsins til umhugsunar
þegar félagi hans deyr af ofneyslu eiturlyfja. Leikarar
myndarinnar eru m.a. Matt Dillon og Kelly Lynch og ef til
vill mætti líkja hlutverkum þeirra við hlutverk Warren
Beatty og Faye Dunaway í myndinni Bonnie og Clyde.
Ólíkt Bonnie og Clyde eiga Dillon og Lynch ekki í ástar-
sambandi. Þá ríkir ákveðin verkaskipting í hópnum, m.a.
sér Lynch algjörlega um að keyra hópinn hvert sem farið
er. Myndin hlaut viðurkenningu gagnrýnencla í Banda-
ríkjunum árið 1989 fyrir besta handrit, bestu leikstjórn og
Gus
Van
Sant
- eftir
Ólaf Darra
Ólafsson
IV.B.
Hlæðu, og allur heimurinn hlær með þér.