Skólablaðið - 01.05.1992, Blaðsíða 79
SKÓLABLAÐIÐ 79
„Það væri því sniðugt að nota
tækifærið og drífa sig á My Own
Private Idaho þegar hún verður
sýnd í Laugarásbíói á næstunni."
bestu mynd. Handrit myndarinnar er ansi skemmtilegt og
þá er sérstaklega gaman að því hve samtölin eru hnyttin.
Lýsandi fyrir þetta er setning Lynch sem mælt er til
Dillon: „You never fuck me and I always drive.
í kjölfar vinsælda Drugstore Cowboy ákvað Van Sant
að ráðast í gerð sinnar nýjustu myndar My Own Private
Idaho.
Hún greinir frá tveimur ungum mönnum sem selja sig á
götum borgarinnar Portland í Bandaríkjunum. Þeir eru
eins ólíkir og hugsast getur; Mike er í stöðugri leit að fjöl-
skyldu og þá sérstaklega móður sinni sem yfirgaf hann í
æsku. Hann er ekkert sérstaklega gáfaður og þjáist af því
að hann á til að sofna þegar hann lendir í aðstæðum sem
hann ræður ekki við. Lendir hann stundum í því í vinnu
sinni. Scott er sonur borgarstjóra Portlands og mun erfa
geysimikil auðæfi. Hann lifir á götunni og selur sig aðal-
lega vegna uppreisnargirni gagnvart föður sínum. Að lok-
um fer svo að þeir félagar ákveða að leita móður Mike’s.
Leitin ber þá um Bandaríkin og allt til Ítalíu þar sem Scott
yfirgefur vini sína, viss um að hann hafi fundið sinn stað í
lífinu.
Leikarar myndarinnar búa margir hverjir á götunni en
einnig eru atvinnuleikarar í aðalhlutverkum. Þar gnæfa
yfir aðra þeir River Phoenix og Keanu Reeves. Þá ættu
sumir að kannast við James Russo.
River Phoenix fer með hlutverk Mike’s og þrátt fyrir að
vera aðeins 21 árs gamall hefur hann leikið í fjölda
mynda. Þeirra á meðal má m.a. nefna Explorers(1985)
sem Joe Dante leikstýrði, The Mosquitoe Coast(1986)
leikstýrð af Peter Weir en einna bestur var Phoenix í
myndinni Running On Empty(1988) og fyrir hana hlaut
hann tilnefningu til óskarsverðlauna.
Keanu Reeves leikur Scott en Reeves hefur eins og
Phoenix leikið í fjölmörgum myndum á sínum ferli. Þeirra
á meðal má nefna t.d. The Rivers Edge(1987) með Dennis
Hopper, Dangerous Liaisons(1988) með Michelle Pfeiff-
er, Glenn Close og John Malkovich. Nú í sumar var sýnd
nýjasta mynd hans Point Break(1991) ásamt Patrick
Swayze.
James Russo leikur bróður Mikes en hann er þekktur úr
myndum svo sem State of Grace(1990) þar sem hann leik-
ur á móti Sean Penn og Gary Oldman í aðalhlutverkum,
We’re No Angels(1988) með Robert De Niro og Sean
Penn. Hann hlaut þó langmest lof fyrir leik nauðgara í
myndinni Extremities á móti Farrah Fawcett.
Einnig leikur stórt hlutverk í myndinni William Richert
sem hefur á ferli sínum leikstýrt og skrifað handrit að
fjölda mynda. Hann er þekktastur fyrir að hafa skrifað
handrit og leikstýrt myndinni Winter Kills(1976). Richert
leikur róna einn er sýnir ungum mönnum götunnar mikinn
áhuga þó svo að fjárhagurinn sé ekki það góður að hann
hafi efni á að kaupa vinnu þeirra.
My Own Private Idaho hefur hlotið mjög góða aðsókn
og dóma hvarvetna. The Hollywood Reporter segir hana
mjög mannlega og skemmtilega mynd sem enginn má
missa af. Dómar flestra blaða eru á sömu leið og hljóta þá
sérstaklega Phoenix og Reeves mikið lof fyrir tjáningu
sína, sumir ganga jafnvel svo langt að segja þetta bestu
frammistöðu þeirra hingað til.
My Own Private Idaho er leikstýrt af Gus Van Sant
jafnframt sem hann semur handritið. Framleiðandi mynd-
arinnar er Laurie Parker sem hefur framleitt m.a. Drug-
store Cowboy fyrir Avenue Entertainment og The Rapt-
urel991) fyrir New Line Cinema. Einnig stendur til að
hún framleiði næstu mynd Van Sants Even Cowgirls Get
The Blues. Umsjón með kvikmyndatöku hafa þeir Eric
Alan Edwards og John Campbell. Þeir hafa báðir unnið
áður með Van Sant, Eric reyndar síðan í menntaskóla en
John sá um stjórn kvikmyndatöku í Mala Noche.
Myndir Gus Van Sants er erfitt að nálgast og hefur
undirrituðum veist sérstaklega erfitt að finna myndina
Drugstore Cowboy í myndbandaleigum borgarinnar. Það
væri því sniðugt að nota tækifærið og drífa sig á My Own
Private Idaho þegar hún verður sýnd í Laugarásbíói á
næstunni.
Höfundur er skeggjaður.
Gráttu, og þú verður blautur í framan.