Skólablaðið - 01.05.1992, Blaðsíða 24

24 SKÓLABLAÐIÐ
VIKA REYKJAVÍKURS
Menntaskólinn 145 ára
að bar til tíðinda í fyrstu viku febrúar að gengist
var fyrir viku kennda við skólann. Markmið vik-
unnar var að vekja nemendur til meðvitundar um
merka sögu skólans. Svo skemmtilega vildi til að í haust
voru 145 ár liðin síðan skólinn var settur í fyrsta sinn og
fannst mönnum því tilvalið að tengja vikuna afmælinu því
fullyrða má með nokkuð góðri samvisku að skólinn verður
ekki 145 ára á hverju ári. Það var mikið um dýrðir þessa
ágætu viku. Á næstu síðum verður gerð örlítil grein fyrir
helstu atburðum þessa daga.
Borgarstjóri, konrektor, og inspector scholae á sögusýningunni.
Rjómi íslendinga
á Sal
í tengslum við viku Reykjarvíkurskóla var sett upp
sögusýning mikil og góð. Hún var opnuð með pompi og
prakt sunnudaginn annan febrúar. Þangað var boðið
mörgum helstu fyrirmönnum þjóðarinnar sem eiga það
sameiginlegt að hafa verið inpectorar eða forsetar Fram-
tíðarinnar. Þar voru því engin smámenni á ferð. Á Sal
fluttu rector og inspector scholae ávörp, sýnd voru brot úr
verkinu Húsinu á hæðinni (undir stjórn leikstjórans þjóð-
kunna Magnúsar Geirs) að ógleymdum hinum góðkunna
Kór Menntaskólans sem flutti nokkur vel valin.
Að góðri skemmtun lokinni var hersingin teymd út í
Kösu Nóvu. Þar var hin glæsilega sögusýning staðsett og
stóð hún út vikuna.
Hálft þúsund fyllir sali
Menntaskólans
Menntaskólinn opnaður almenningi
Helgina áttunda til níunda febrúar var Menntaskólinn
opinn almenningi. Stóð til boða að skoða sögusýningu og
viðburði á Sal er voru á klukkutíma fresti. Auglýsingum
var dreift um stræti og torg og miðopnu Morgunblaðsins
varið í umfjöllun um viðburðinn. Inspectorinn og Magga
Ben brostu framan í þjóðina á forsíðu DV (að vísu í
tengslum við Fiðluballið). Ekki var að sökum að spyrja.
Hundruðum saman þyrptist fólk í Menntaskólann, barði
augum hin merku húsakynni, svelgdi á kaffi, maulaði
kræsingar að hætti Hússins og drakk í sig fróðleik mikinn.
Herlegheitin hófust klukkan ellefu en klukkan sex voru
síðustu gestirnir dregnir nauðugir út. Var mál manna að
sýningin hafi tekist hið besta og er vonandi að eitthvað í
þessa veru verði endurtekið á stórafmæli skólans 1996
þegar aldur Menntaskólans fyllir hálft annað hundraðið.
Verkið „Húsið á hæðinni", leiklesið á Sal.
Þú þarna í horninu, þú talar bæði til hægri og vinstri. - Haukur frænka.