blaðið - 13.10.2006, Blaðsíða 12

12 FÖSTUDAGUR 13. OKTÓBER 2006
blaAiö
UTAN ÚR HEIMI
EVRÓPA
Yfirvofandi rafmagnsskortur
Vaxandi hætta er á tíðu rafmagnsleysi víða í Evrópu á
næstu árum að því er fram kemur í nýrri úttekt ráðgjaf-
arfyrirtækisins Capgemini. Ástæðan er sú að eftirspurn
eftir rafmagni í álfunni hefur vaxið mun hraðar en
fjárfesting í nýjum orkustöðvum.
Öldungur elur barn
64 ára gömul kona eignaðist barn í Istanbúl á
dögunum og varð þar með næstelsta kona heims
sem hefur fætt barn. Konan hafði reynt að eign-
ast barn í 35 ár og loksins varð draumurinn að
veruleika eftir gervifrjóvgunaraðgerð.
Beckett gagnrýnir Bandaríkjamenn
Margaret Beckett, utanríkisráðherra Bretlands, gagnrýndi vistun
bandarískra stjórnvalda á meintum hryðjuverkamönnum í fangabúð-
unum við Guantanamo-flóa í gær og sagði hana vera „óásættanlega
út frá mannréttindasjónarmiðum”. Hún lét orðin falla þegar hún
kynnti árlega skýrslu stjórnvalda um stöðu mannréttinda i heiminum.
Borgarráð:
Vilja selja hús
Thors Jensens
Borgarráð samþykkti í gær að
hefja undirbúning að sölu á Frí-
kirkjuvegi n, gamla einbýlishúsi
Thors Jensens. Framkvæmda-
svið borgarinnar mun sjá um
sölu hússins og jafnframt finna
hentugra húsnæði fyrir starf-
semi Iþrótta- og tómsundaráðs.
Við val á kaupanda verður auk
tilboðsverða tekið tillit til fram-
tíðarnotkunar og sögu hússins.
Effir samþykkt borgarráðs var
tillögunni vísað til borgarstjórn-
ar þar sem Árni Þór Sigurðs-
son og Björk Vilhelmsdóttir
greiddu atkvæði gegn tillögunni.
Dagur B. Eggertsson sat hjá.
Aldur á Kúbu:
Elsti íbúinn
varð 126 ára
Benito Martinez Abrogan,
langlífasti Kúbumaður
síðari tíma og hugsan-
lega alla tíð, er allur
en hann gaf upp
öndina á sjúkrahúsi í
vikunni. Hann var 126
ára. Martinez þakkaði langlífi
sitt mikilli neyslu á fersku græn-
meti í bland við einstaka kjötflís
ásamt hófsamri drykkju.
Samlyndi og sosialismi í Kína:
Ólga meðal
Kínverja
■ Móta nýja kommúnistastefnu ■ Neikvæö
áhrif hagvaxtar ■ Áhyggjur stjórnvalda
Undanfarinn áratug hefur kín-
verski kommúnistaflokkurinn lagt
megináherslu á útþenslu hagkerf-
isins við stjórn landsins. Nú eru
hinsvegar merki um að leiðtogar
flokksins hafi vaxandi áhyggjur af
neikvæðum hliðum hagvaxtar.
Á miðvikudag samþykkti mið-
stjórn flokksins nýja stefnu sem var
lögð fram af Hu Jintao forseta, sem
miðar að því að byggja upp „samlynt
sósíalískt þjóðfélag”. Stjórnmála-
skýrendur telja að hin nýja stefna
flokksins marki eina mikilvægustu
stefnubreytingu kínverskra stjórn-
valda frá því að Deng Xiaoping gerði
hagvaxtaraukningu að helsta mark-
miðinu í byrjun tíunda áratugar síð-
ustu aldar. Hinsvegar er með öllu
óljóst hverju þessi stefna mun skila
til framtíðar.
Félagsleg vandamál
Miðstjórn kommúnistaflokksins
lýsti því á miðvikudag yfir að ýmis-
leg félagsleg vandamál fari vaxandi
í Kína. Þeirra á meðal er gríðarleg
misskipting auðs í kjölfar aukinnar
markaðsvæðingar, landlæg spilling
í stjórnkerfinu, gríðarlegur mengun-
arvandi og ójafnt aðgengi Kínverja
að menntun og heilbrigðiskerfinu. I
yfirlýsingu miðstjórnarinnar segir
að þessi vandamál geti grafið undan
einingu meðal Kínverja og að flokk-
urinn þurfi að horfa til þeirra við
stefnumótun sem miðar að áfram-
haldandi hagvexti. Með þessu
verður grunnur lagður að „sam-
lyndri sóstalískri þjóðfélagsskipan”.
Breyttar áherslur þykja til marks
um tvennt. í fyrsta lagi að Jintao sé
að treysta völd sín innan flokksins
og í öðru lagi að þungavigtarmenn
innan hans séu að gera sér grein
fyrir því að dekkri hliðar hins gríð-
arlega mikla og langa hagvaxtar-
skeiðs í landinu kunni að ógna ein-
ræði kommúnista á endanum.
Hætturnar felast meðal annars
í því að ólga fari vaxandi meðal al-
mennings í landinu vegna hinnar
gríðarlega miklu misskiptingar
auðs ellegar að ört vaxandi milli-
stétt fari að gera kröfur um lýðræð-
islegar umbætur á stjórn Jandsins.
Þær umbætur sem Jintao hefur gert
í valdatíð sinni felast fyrst og fremst
í því að berjast gegn spillingu innan
flokksins og innleiða skynsamlegri
ákvörðunartöku við stjórn landsins.
En þrátt fyrir aðgerðirnar er vanda-
málið djúpstætt.
Brugðist við spillingu
Hu forseti hefur reynt að upp-
ræta þau vandamál sem hafa fylgt
völdum kommúnista yfir fjármála-
kerfinu. Ríkið hefur fjárfest mikið
í framkvæmdum sem skila fyrst
og fremst einstaka valdamönnum
arði en bæta hvorki hag almenn-
ings né ríkis. En þrátt fyrir að um-
fangsmesta herferð ríkisvaldsins á
síðari tímum gegn spillingu í stjórn-
kerfinu standi nú yfir telja sérfræð-
ingar að ástandið sé óaðskiljanlegur
fylgifiskur þess að innleiða mark-
aðsöfl að takmörkuðu leyti inn í
þjóðfélag sem lýtur einræði eins
stjórnmálaflokks.
Aðgerðir gegn spillingu skila
fyrst og fremst táknrænum árangri
þar sem vandamálið er kerfið en
ekki skortur á dyggð hjá valda-
mönnum. Þversögnin felst í því að
hinn mikli hagvöxtur hefur meðal
annars aukið spillingu hjá stjórn-
málamönnum og treyst yfirráð
þeirra yfir mikilvægum sviðum
hagkerfisins. Ávextir markaðsvæð-
ingarinnar eru fyrst og fremst stað-
bundnir og fáir njóta þeirra vegna
einræðisstjórnskipulags.