Bændablaðið - 12.04.2005, Blaðsíða 18

18 Þriðjudagur 12. apríl 2005
Sí-
menntun
á 36
stöðum
Á undanförnum árum hafa níu
fræðslu- og símenntunarmið-
stöðvar sprottið upp á lands-
byggðinni. Að þeim standa
sveitarfélög, stéttarfélög,
menntastofnanir og fyrirtæki
sem sjá sér hag í því að halda
fólki í heimabyggð en gera því
kleift að leggja stund á fram-
haldsnám. Þessar stöðvar eiga
samstarf í samtökum sem nefn-
ast Kvasir og eru eftirfarandi:
Símenntunarmiðstöðin á Vest-
urlandi með aðalstöðvar á Akra-
nesi og útibú í Borgarnesi, Stykk-
ishólmi, Búðardal og á
Hellissandi.
Fræðslumiðstöð Vestfjarða
með aðsetur á Ísafirði en útibú á
Patreksfirði, Tálknafirði, Hólma-
vík, Reykhólum og Finnboga-
stöðum í Árneshreppi.
Farskóli Norðurlands vestra -
miðstöð símenntunar með aðsetur
á Sauðárkróki og útibú á
Hvammstanga, Blönduósi, Skaga-
stönd og Siglufirði (auk tengsla
við Hólaskóla).
Símenntunarmiðstöð Eyja-
fjarðar - Símey með aðsetur á
Akureyri.
Fræðslumiðstöð Þingeyinga -
FræÞing með aðsetur á Húsavík
og útibú á Laugum í Reykjadal.
Auk þess er fjarfundarbúnaður á
Kópaskeri, Raufarhöfn og
Þórshöfn.
Fræðslunet Austurlands með
aðsetur í háskólasetri á Egilsstöð-
um og útibú á Vopnafirði, Nes-
kaupstað, Fáskrúðsfirði, Djúpa-
vogi og Hornafirði.
Fræðslunet Suðurlands með
aðsetur á Selfossi og útibú á Flúð-
um, Hvolsvelli, í Vík og á Kirkju-
bæjarklaustri.
Viska - Fræðslu- og símennt-
unarmiðstöð í Vestmannaeyjum
með aðsetur í rannsóknasetri Há-
skóla Íslands í Vestmannaeyjum.
Miðstöð símenntunar á Suður-
nesjum með aðsetur í Keflavík.
Símenntunarstöðvarnar
starfrækja skrifstofur og náms-
ver og hafa 1-4 starfsmenn hver
miðstöð. Starfsemin er á 36
stöðum, oftar en ekki í grunn-
eða framhaldsskólum þar sem
starfsmenn þeirra aðstoða fjar-
nema. Víða í námsverunum er
fjarfundarbúnaður og alls stað-
ar eru tölvur í góðu netsam-
bandi við helstu skóla landsins,
bæði á framhalds- og
háskólastigi.
Hlutverk stöðvanna er að
efla og styrkja atvinnulíf og
samfélag á landsbyggðinni með
því að bæta aðgengi að símennt-
un og færa námsmöguleika nær
heimabyggð fólks. Þær miðla
námi á framhalds- og háskóla-
stigi og standa auk þess fyrir
námskeiðshaldi á eigin vegum
eða í samstarfi við aðra. Auk
þess veita þær náms- og starfs-
ráðgjöf og annað sem orðið get-
ur til þess að auka símenntun og
hækka menntunarstigið á
landsbyggðinni.
Vestur á Ísafirði er starfandi Fræðslumið-
stöð Vestfjarða sem reyndar er að skipta sér
í tvennt og geta af sér Háskólasetur Vest-
fjarða. Fræðslumiðstöðin er stofnuð eins og
aðrar símenntunarstöðvar landsbyggðar-
innar til þess að annast fullorðinsfræðslu
með hefðbundnu námskeiðshaldi og jafn-
framt að þjóna þeim sem vilja stunda fjar-
nám við háskóla í öðrum landshlutum eða
jafnvel löndum.
Nú hefur verið ákveðið að færa síðar-
nefnda hlutann út úr Fræðslumiðstöðinni og
flytja hann í háskólasetur sem ætlunin er að
koma fyrir í svonefndu Vestrahúsi á Ísafirði
þar sem fyrir er Þekkingarsetur Vestfjarða með
helstu rannsóknarstofum bæjarins. Þar eru
menn ekki alveg ókunnugir fjarkennslu því á
Hafrannsóknastofnun sem er með útibú í hús-
inu eru stundaðar rannsóknir og kennsla í veið-
arfæragerð. Nemendurnir eru fæstir á Ísafirði
því þeir læra netagerðina með aðstoð tölvu-
tækninnar og búa víðsvegar um land, allt aust-
ur á Djúpvog.
Það hefðu einhvern tíma þótt tíðindi að á
Vestfjörðum sætu rúmlega 160 manns og
stunduðu háskólanám, dreifðir á tíu háskóla
um allt land en færu þó sjaldan að heiman.
Þetta er samt staðreynd og í yfirliti sem Smári
Haraldsson forstöðumaður Fræðslumiðstöðv-
arinnar lét blaðamanni í té kemur fram að lang-
flestir nemendurnir eru við Háskólann á Akur-
eyri og Kennaraháskólann. Merkilegt nokk er
enginn Vestfirðingur innritaður í auðlindadeild
þar sem sjávarútvegur er í hávegum hafður,
hins vegar eru sjö að læra garðyrkju og bú-
fræði við Landbúnaðarháskólann. Af þessum
163 nemendum er yfirgnæfandi meirihluti
konur, 119 á móti 44 körlum, og langflestir eru
á norðanverðum Vestfjörðum þótt nemendur
búi einnig á Ströndum og sunnanverðum fjörð-
unum allt suður að Reykhólum.
Gjörbylting
Smári segir að Fræðslumiðstöðin sé í samstarfi
við skóla í Vesturbyggð og á Tálknafirði en
þar er svonefnd Dreifmenntaverkefni í gangi í
grunnskólunum. Einnig hefur miðstöðin gert
samninga við grunnskólana á Hólmavík, Reyk-
hólum og Finnbogastöðum í Árneshreppi um
að fjarnemar geti fengið aðstöðu þar.
Þótt nemendur í fjarlægum landshlutum
læri að ríða net eftir fyrirmælum úr Vestrahús-
inu á Ísafirði segir Smári að það sé undantekn-
ing. „Við erum ekki með mikið námsframboð
fyrir fjarnema,“ segir hann en viðurkennir að
áhugi sé fyrir hendi á að auka það. Það er
kannski tímanna tákn að hin nýju fræðslu- og
þekkingarsetur Vestfirðinga séu búin að
hreiðra um sig í gömlum frystihúsum sem höf-
uð misst hlutverk sitt. Þangað sækja fjarnemar
nú stuðning, leiðsögn og aðstöðu til náms.
„Við erum í húsi Íshúsfélagsins og hingað
koma reglulega um 60 manns og 40 til viðbót-
ar koma af og til. Það er því mikið líf hér í hús-
inu.
Smári segir að tölvutæknin og fjarnámið
boði gjörbyltingu á möguleikum Vestfirðinga
á að stunda nám. „Það er mikill fjöldi fólks
kominn í nám, margir meðfram vinnu. Þetta er
alls konar fólk á öllum aldri, ungt fólk á leið út
á vinnumarkað, fólk sem er að skipta um
starfsvettvang og fólk sem er að búa sig undir
að fara á eftirlaun. Það vonast eftir að eiga
mörg góð ár og vill geta notið þeirra. Þetta er
fólk úr atvinnulífinu sem er að bregðast við
breyttum aðstæðum og það er óneitanlega
mjög jákvætt að þetta skuli vera hægt,“ segir
Smári Haraldsson forstöðumaður.
163 í háskólanámi
á Vestfjörðum
Fólk af öllu tagi að
bregðast við breytt-
um aðstæðum, segir
Smári Haraldsson
forstöðumaður
Fræðslumiðstöðvar
Vestfjarða
Fjarnám allt árið
Þitt nám þegar þér hentar!
Innritun fyrir sumarönn 23. maí - 6. júní á www.fa.is
Kennsla hefst 13. júní. Lokapróf verða 8. - 15. ágúst
Skólameistari