Bændablaðið - 12.04.2005, Blaðsíða 34

34 Þriðjudagur 12. apríl 2005
Mjólkursamningurinn
Fundurinn beindi því til samnings-
aðila um starfsskilyrði mjólkur-
framleiðslunnar að hefja sem fyrst
viðræður um ráðstöfun þess fjár
sem skilgreint væri sem ófram-
leiðslutengdur stuðningur í mjólk-
ursamningnum. Jafnframt beindi
fundurinn því til fulltrúa bænda í
samninganefndinni að þeir beittu
sér fyrir því að þeir fjármunir
kæmu að sem bestum notum fyrir
greinina og nýttust til lækkunar
vöruverðs til neytenda.
Samnýting greiðslumarks
tveggja eða fleiri lögbýla
Aðalfundurinn skoraði á landbún-
aðarráðherra að kanna hvort hægt
væri að samnýta greiðslumark
tveggja eða fleiri lögbýla. Benti
fundurinn á að með samnýtingu
greiðslumarks í mjólkurfram-
reiðslu gætu bændur náð fram
mikilli hagræðingu í rekstri og frí-
tíma frá vinnu þar sem staðhættir
og landfræðilegir kostir væru fyrir
hendi.
Hámarks bústærð
Því var beint til stjórnar LK að
vinna að því að móta stefnu hvað
varðar hámarks bústærðir. Tekið
yrði tillit til öryggisþátta við fram-
leiðsluna með hagsmuni heildar-
innar í huga, jákvæðrar ímyndar
greinarinnar og byggðasjónarmið.
Einstaklingsmerkin meingölluð
Aðalfundur LK lýsti yfir miklum
vonbrigðum með gerð þeirra for-
skráðu eyrnamerkja sem notuð
hafa verið í skyldumerkingakerfi
nautgripa. Benti fundurinn á, að
auk þess að bæta framleiðslu
merkjanna, yrði framleiðanda gert
að bæta þau merki sem þegar hafa
verið keypt eða tekin í notkun.
Alþjóðasamningar
Þung áhersla var lögð á við íslensk
stjórnvöld að leita allra leiða til að
nýir alþjóðasamningar, túlkun
þeirra og útfærsla, yrðu sem létt-
bærastir fyrir íslenskan landbúnað
og tryggðu að íslenskir neytendur
gætu hér eftir sem hingað til haft
aðgang að innlendum matvörum.
Lögð var áhersla á rétt þjóðarinnar
til matvælaöryggis og varðveislu
matarmenningar.
Rafræðn sjúkdóms- og lyfja-
skráning
Fundurinn átaldi þann seinagang
sem orðið hefur á framkvæmd
sjúkdómsskráningarkerfi naut-
gripa. Bent var á að gagnagrunnur
nautgripasjúkdóma innan einstak-
lingsmerkingakerfisins í MARK
yrði best tryggður með rafrænni
sjúkdóms- og lyfjaskráningu dýra-
lækna á vettvangi. Leita þyrfti
leiða til að fjármagna þetta verk-
efni.
Inngreiðslum verði
hætt í Bjargráðasjóð
Bent var á mikla uppsöfnun af
búnaðargjaldstillagi nautgripa-
ræktarinnar í B-deild Bjargráða-
sjóðs og breyttar þarfir nautgripa-
ræktarinnar fyrir tryggingavernd.
Taldi fundurinn að miðað við nú-
verandi útgreiðslur bóta úr sjóðn-
um myndu þessir fjármunir endast
næstu þrjú til fjögur ár. Því lagði
fundurinn til að inngreiðslum af
búnaðargjaldi greinarinnar yrði
hætt. Jafnframt yrði leitað eftir
breytingum á lögum um Bjarg-
ráðasjóð á þann veg að tryggingar
taki við af þeirri vernd sem Bjarg-
ráðasjóður hefur veitt.
Endurmenntun
kúabænda
Aðalfundurinn lagði ríka áherslu á
að sem nánast samstarf tækist með
LK og LBHÍ um endurmenntun
kúabænda og að tryggja þyrfti að
þörf þeirra sem starfa í greininni
yrði ætíð höfð að leiðarljósi við
val og uppsetningu á námskeiðum.
Eftirlit með
mjólkurframleiðslu
Ítrekuð var ályktun um eftirlit
vegna mjólkurframleiðslu frá síð-
asta aðalfundi. Taldi fundurinn að
einfalda og samræma bæri eins og
hægt væri það eftirlit sem tilheyrði
nautgripahaldi og mjólkurfram-
leiðslu. Þá krafðist fundurinn þess
að LK ætti fulltrúa í þeirri nefnd
sem skipuð hefði verið til að fjalla
um eftirlitsþætti í landbúnaði.
Hagsmunir skuldara verði
tryggðir
Aðalfundur Landssambands kúa-
bænda lagði áherslu á að hags-
munir skuldara hjá Lánasjóði
landbúnaðarins yrðu tryggðir svo
sem kostur væri við niðurlagningu
eða sölu sjóðsins. Þá taldi fundur-
inn að réttast væri að söluandvirði
sjóðsins rynni til Lífeyrissjóðs
bænda.
Markaður fyrir íslenskar
mjólkurvörur erlendis
Fundurinn fagnaði samþykkt
stjórnar SAM um markvissa vinnu
að öflun markaða fyrir íslenskar
mjólkurvörur erlendis. Fundurinn
hvatti til góðs samstarfs fram-
leiðenda og afurðastöðva um þetta
verkefni.
Niðurgreiðslur á akstri
dýralækna
Því var mótmælt að ekki skyldu
ætlaðir meiri fjármunir til
niðurgreiðslu á akstri dýralækna.
Fundurinn taldi óviðunandi út frá
dýraverndunarsjónarmiði að
mikill kostnaður við akstur
dýralækna kæmi niður á
dýravelferð.
Afmælisrit Félags kúa-
bænda á Suðurlandi
Félag kúabænda á Suður-
landi fagnar 20 ára afmæli sínu
um þessar mundir. Í tilefni
þess var ákveðið að gefa út af-
mælisrit þar sem litið væri yfir
þróun kúabúskapar síðustu 20
ár og reynt að skyggnast til
framtíðar. Ritið er nú komið út
og hefur verið dreift til allra
kúabænda auk aðila sem tengj-
ast landbúnaðinum á einhvern
hátt. Meðal efnis er saga fé-
lagsins í stuttu máli, viðtöl við
bændur, s.s. Arnar Bjarna Ei-
ríksson í Gunnbjarnarholti,
Fjólu Kjartansdóttur í Birtinga-
holti 4 og hjónin Geir Ágústs-
son og Margréti Stefánsdóttur í
Gerðum. Einnig er að finna
ýmist talnaefni um þróun kúa-
búskapar á Suðurlandi, myndir
úr starfi félagsins og greinar
um nautgriparækt. Útgefandi
blaðsins er Félag kúabænda á
Suðurlandi en hægt er að nálg-
ast ritið endurgjaldslaust á
skrifstofu Landssambands kúa-
bænda eða fá það sent með því
að hringja í síma 433-7077.
Nokkrar ályktanir af aðalfundi
Landssambands kúabænda
Breytingar í stjórn LK
Sú breyting var á stjórn Lands-
sambands kúabænda að Kristín
Linda Jónsdóttir ákvað að hætta
í stjórn eftir farsælt starf. Inn
kom Guðný Helga Björnsdóttir
frá Bessastöðum sem aðalmaður
en einnig varð breyting á vara-
mönnum. Skúli Einarsson gaf
ekki kost á sér en Guðrún Lárus-
dóttir frá Keldudal tók hans sæti.
Viðurkenningar Lands-
sambands kúabænda
Veittar voru viðurkenningar á
árshátíð LK sem haldin var laug-
ardagskvöldið 9. apríl. Arnar
Bjarni Eiríksson og Berglind
Bjarnadóttir í Gunnbjarnarholti
fengu viðurkenningu fyrir frum-
kvöðlastarf í uppbyggingu og
framþróun íslenskra fjósa, ris-
mikinn búskap og hugmynda-
auðgi við eflingu félagsanda
meðal kúabænda.
Guðmundur Lárusson, sem var
fyrsti formaður Félags kúa-
bænda á Suðurlandi árið 1985
og síðar formaður LK, fékk við-
urkenningu fyrir störf sínum að
félagsmálum fyrir kúabændur.
Þórólfur Sveinsson.
Guðni Ágústsson ávarpar kúabændur.