Bændablaðið - 12.04.2005, Blaðsíða 29

Þriðjudagur 12. apríl 2005 29
Austurvegi 69 - Selfossi - Sími 4 800 400
buvelar.is
Einnig spjót og
tindar í kvíslar,
greipar og fl.
Mikið úrval
orginal varahluta
í Kverneland
plóga
Fyrir skömmu fengu Bruna-
varnir Árnessýslu (BÁ) afhenta
tvo nýja slökkvibíla sem verða
staðsettir á Laugarvatni og í
Reykholti í Biskupstungum.
Slökkviliðsmenn, sveitarstjórn-
arfólk og yfirmenn brunamála í
landinu tóku á móti bílunum í
slökkvistöðinni á Selfossi frá
umboðsaðilanum, Eldvarnamið-
stöðinni í Reykjavík. Slökkvi-
liðsstjórar frá öðrum liðum
komu einnig til að vera viðstadd-
ir afhendinguna og færðu
slökkviliðinu blóm og kveðjur
frá sér og sínum í tilefni dagsins.
Ragnar S. Ragnarsson, sveitar-
stjóri Bláskógabyggðar, sagði í
samtali við Bændablaðið að þeir
bílar sem fyrir voru hefðu verið
orðnir gamlir og lúnir. Þess vegna
var ákveðið að kaupa tvo nýja bíla
frá Þýskalandi og hefur undirbún-
ingur umbótanna staðið yfir í um
tvö ár. Bílarnir kosta samtals um
30 milljónir króna og verður annar
þeirra staðsettur í Reykholti en
hinn á Laugarvatni. Tveir atvinnu-
menn Brunavarna Árnessýslu eru
staðsettir á Selfossi en síðan eru
áhugamenn úr heimahéröðum sem
mynda brunaliðshópinn.
Bílarnir eru af gerðinni Rena-
ult Kerax frá Frakklandi. Þeir eru
með 420 hestöfl, 19 tonn með drifi
á báðum öxlum, 4x4 með læsingu
á báðum ásum. Yfirbygging og
samsetning bílanna er framleidd
og framkvæmd í Póllandi, verk-
smiðjan er staðsett í bænum Bi-
elsko-Biala og heitir verksmiðjan
Wawerzaszek. Hemlabúnaður er
ABS hemlar.
Dælubúnaður bílanna er af
gerðinni Ruberg, tveggja þrepa
dæla með afköst upp á 4 þús. lítra,
framleidd í fyrirtæki Pólverjana í
Svíþjóð. Allar merkingar á dælu
og öðrum búnaði bílanna er á ís-
lensku, sem auðveldar alla vinnu.
Bílarnir eru með 6 þús. lítra vatns-
tank, hvor bíll, auk tanks fyrir
slökkvifroðu.
Allir skápar eru hitaðir upp
með sérbúinni miðstöð sem einnig
er ætlað að hita upp t.d. rými í
kringum farþega í bílum sem
klippa þarf út eftir umferðaslys.
Öflugt loftdrifið ljósamastur er
m.a. staðalbúnaður bílanna. Reyk-
köfunarbúnaður, rafstöð, laus
dæla, slöngur og annar búnaður
verður í skápunum. Öflugt loftdrif-
ið ljósamastur er í bílunum auk
vinnuljósa á öllum hliðum.
Bílarnir leysa af hólmi tvo
slökkvibíla af Bedford gerð sem
framleiddir voru árið 1961 í Bret-
landi og höfðu þá verið óbreytt
framleiðsla frá stríðsárum.
Brunavarnir Árnessýslu
fá tvo nýja slökkvibíla
Fv. Björn karlsson, brunamálastjóri, Einar G. Njálsson, formaður stjórnar
BÁ, Snorri Guðjónsson varðstjóri slökkviliðs í Reykholti, Guðmundur B.
Böðvarsson, varðstjóri slökkviliðs Laugarvatni, sonur Guðmundar, og
Kristján Einarsson, slökkviliðsstjóri BÁ