Bændablaðið - 12.04.2005, Blaðsíða 40

40 Þriðjudagur 12. apríl 2005
Auðlindakort
af Hruna-
mannahreppi
Íslenskar orkurannsóknir og
Hrunamannahreppur hafa gert
með sér samning um gerð auð-
lindakorts af Hrunamanna-
hreppi. Ísólfur Gylfi Pálmason,
sveitarstjóri Hrunamanna-
hrepps, sagði að árið 1976 hafi
Kristján Sæmundsson vísinda-
maður farið um Hrunamanna-
hrepp með hóp stúdenta, sem
voru að læra jarðfræði, og kort-
lagt svæðið.
,,Hér er gríðarlega mikið af
heitu vatni og nú er tæknin orðin
með þeim hætti að allt er sett í
tölvur. Það sem við erum nú að
gera er að færa upplýsingarnar
sem Kristján og lærisveinar hans
kortlögðu í tölvutækt form. Okkur
þótti tími til kominn að þessar
upplýsingar sem hópurinn aflaði
kæmust í tölvutækt form,“ sagði
Ísólfur Gylfi.
Sótt var um styrk til Orkusjóðs
og fékkst þar 3 milljóna króna
styrkur en hreppurinn leggur fram
það fé sem á vantar.
Helstu verkþættir eru gerð
stafræns kortagrunns, kortlagning,
jarðhitastaða, jarðfræðikortlagn-
ing, yfirlit yfir borholur, viðnáms-
mælingar og hitastigulkort. Ísól-
fur Gylfi segir að í framtíðinni geti
menn síðan skoðað með auðveld-
um hætti hvort hagstætt væri að
framleiða raforku með heitu vatni
eða jarðgufum auk annarra nota
sem eru af heita vatninu.
Yfirlit um framleiðslu og sölu ýmissa búvara
Bráðabirgðatölur fyrir febrúar 2005
feb.05 des.04 mar.04 Breyting frá fyrra tímabili, % Hlutdeild %
Framleiðsla 2004 feb.05 feb.05 febrúar '04 3 mán. 12 mán. m.v. 12 mán.
Alifuglakjöt 349.142 1.254.847 5.368.753 -10,8 -2,0 -2,4 22,4%
Hrossakjöt 75.345 265.738 858.899 -6,8 3,8 3,8 3,6%
Kindakjöt* 0 138.893 8.640.886 -100,0 -56,4 -1,8 36,1%
Nautgripakjöt 311.525 888.522 3.604.880 4,1 4,0 -0,7 15,0%
Svínakjöt 385.294 1.193.366 5.482.513 -13,1 -11,8 -11,1 22,9%
Samtals kjöt 1.121.306 3.741.366 23.955.931 -7,9 -7,9 -3,9
Mjólk 8.905.402 27.651.133 112.337.156 1,9 1,8 4,8
Sala innanlands
Alifuglakjöt 428.586 1.342.310 5.337.185 19,0 11,9 1,1 24,1%
Hrossakjöt 42.058 140.393 567.976 -22,9 -0,4 22,3 2,6%
Kindakjöt 477.846 1.542.264 7.316.596 11,4 11,4 15,4 33,0%
Nautgripakjöt 301.859 888.400 3.591.764 -2,9 2,6 -1,3 16,2%
Svínakjöt 381.835 1.180.531 5.348.736 -14,8 -12,8 -11,8 24,1%
Samtals kjöt 1.632.184 5.093.898 22.162.257 1,8 3,0 1,7
Mjólk:
Sala á próteingrunni: 8.707.347 26.401.770 109.760.847 2,4 1,1 3,2
Sala á fitugrunni: 7.451.298 24.460.687 98.512.157 -1,0 -0,6 1,9
* Kindakjöt lagt inn samkv. útflutningsskyldu sem flutt skal á erlenda markaði er meðtalið í framangreindri framleiðslu



   

    Hrossaræktardeild hesta-
mannafélagsins Mána á Suður-
nesjum hélt á dögunum sína ár-
legu folaldasýningu í reið-
skemmunni á Mánagrund.
Sautján folöld komu fram, öll í
eigu félagsmanna og úr þeirra
ræktun. Sýningin var stór-
skemmtileg og greinilega mikill
metnaður í hrossarækt Suður-
nesjamanna. Folöldin voru
hvert öðru glæsilegra, vel hirt
og tilhöfð af eigendum sínum.
Dómarar voru þeir Jón Finnur
Hansson og Ólafur E. Ólafsson
og mátu þeir hvert folald út frá
sköpulagi og hreyfingum. Þarna
voru folöld undan mörgum af
þekktustu stóðhestum landsins,
s.s. Orra frá Þúfu, Gusti frá
Hóli, Leikni frá Vakurstöðum,
Árna-Geir frá Feti, Gauta frá
Reykjavík, Lúðvík frá Feti,
Þristi frá Feti og Roða frá Múla,
auk fleiri.
Sex folöld voru svo valin til að
koma fram aftur og keppa til úr-
slita og urðu niðurstöðurnar þær
að sigurvegarinn varð Glóðar frá
Þingholti, rauður foli undan Lúð-
vík frá Feti og Menju frá Árbakka.
Ræktandi hans og eigandi er Jó-
hann G. Jóhannsson í Keflavík.
Glóðar fór mikinn á sýningunni
og sýndi glæsileg tilfþrif á gangi,
auk þess að vera ljómandi mynd-
arlegur, sannarlega athyglisverður
foli. Annar varð Sigurþór frá Feti,
úr ræktun Brynjars Vilmundar-
sonar á Feti, sem jafnframt er eig-
andinn, undan Árna Geir frá Feti
og Forsíðu frá Feti. Þessi foli sem
er jarpblesóttur er einstaklega fal-
legur og frambyggingin ótrúleg,
gríðarlega fallegur háls og frítt
höfuð. Hann sýndi mikinn gang
og vakti verðskuldaða lukku.
Þriðji varð svo Fans frá Reynis-
stað úr ræktun og í eigu Brynjars
Guðmundssonar og Ásdísar Ad-
olfsdóttur. Fans er undan Spyrni
frá Sigríðarstöðum og Grábrá frá
Reynisstað og er gráblesóttur að
lit, léttbyggður og hágengur. Hin
þrjú folöldin sem komust í úrslit
voru Eyþór frá Feti, undan Orra
frá Þúfu og Smáey frá Feti, al-
bróðir hinnar þekktu Surtseyjar
frá Feti. Sólon frá Melabergi, und-
an Gauta frá Reykjavík og Sóley
frá Melabergi og Víðir frá Feti,
undan Voninni frá Feti og Árna
Geir frá Feti.
Sama kvöld fór svo fram hið
svokallaða „Karlatölt“ Mána og
tókst það vel, hörkukeppni þar
sem ýmsir knáir Mánamenn sýndu
hvað í þeim býr. Sigurvegari þar
varð einmitt Jóhann G. sem átti
sigurfolaldið, þannig að þetta var
svo sannarlega hans dagur og fór
hann heim hlaðinn verðlaunagrip-
um eftir þessa skemmtilegu dag-
skrá. /HGG
Flott folöld í Keflavík
Verðlaunafolöldin ásamt eigendum eða umsjónarmönnum og dómarapari kvöldsins. Bændablaðsmynd: HGG.
Nautastöðin á
Hvanneyri auglýsir:
Laust er til umsóknar starf nautahirðis við Nautastöð
Bændasamtaka Íslands á Hvanneyri. Starfið felst í
hirðingu nauta, þrifum, umsjón með sæðisbirgðum,
minniháttar viðhaldi, vöruafgreiðslu, aðstoð við
sæðistöku og ýmsum fleiri verkþáttum.
Umsóknarfrestur er til 1. maí nk.
en ráðið verður í stöðuna frá 1. júní.
Æskilegt er að umsækjendur hafi lokið búfræðiprófi
eða hafi mikla reynslu af nautgriparækt.
Starfið hentar ekki síður konu en karli.
Allar frekari upplýsingar veitir forstöðumaður
í síma 4370020 eða í tölvupósti bull@emax.is.
Umsóknum skal skila til
Nautastöðvar Bændasamtaka Íslands á Hvanneyri.
Styrkur til
framhaldsnáms
- Blikastaðasjóður -
Blikastaðasjóður auglýsir lausa til umsókna styrki til
framhaldsnáms á skólaárinu 2005-2006. Hlutverk
Blikastaðasjóðsins er að styrkja nemendur sem lokið
hafa háskólanámi frá Landbúnaðarháskólanum á
Hvanneyri (nú Landbúnaðarháskóla Íslands) til fram-
haldsnáms erlendis eða til rannsókna í landbúnaðar-
vísindum eftir því sem stjórn sjóðsins ákveður.
Umsóknafrestur er til 22. apríl n.k. Styrkveitingar fara
fram í júnimánuði. Umsóknir ásamt upplýsingum um
námsárangur og fyrirhugað framhaldsnám skulu
sendast til:
Blikaststaðasjóður
Landbúnaðarháskóla Íslands,
Hvanneyri 311
Borgarnes.
Stjórn Blikastaðasjóðs