Bændablaðið - 15.12.2011, Page 12

Bændablaðið | fimmtudagur 15. desember 201112
Fréttir
Vaxandi áhugi er hér á landi fyrir
geitfjárrækt. Þórður Bogason
frjótæknir hefur að undanförnu
verið að hjálpa til við að stækka
geitastofninn, sem telur nú um 650
geitur.
„Ég tók að mér að sæða geitur á
tveim bæjum á Kjalarnesi og í Kjós.
Alls voru sæddar 11 geitur, en hafr-
arnir Gosi, Bóbó, Smári og Þröstur
voru notaðir. Hafrasæðið var djúp-
fryst og þítt á staðnum. Geiturnar
voru samstilltar af dýralækninum í
Mosfellsbæ.“
Þórður segir að hver geit sé sædd
tvisvar til að tryggja árangurinn en
búast má við að nýir kiðlingar komi
svo í heiminn að fimm mánuðum
liðnum.
Geitfjárræktarfélagið 20 ára
Geitfjárræktarfélag Íslands fagnaði
20 ára afmæli á aðalfundi sínum, sem
haldinn var hjá Búgarði á Akureyri
laugardaginn 19. nóvember sl.
Félagar eru um 50 talsins og formaður
er Jóhanna Bergmann Þorvaldsdóttir,
Háafelli í Borgarbyggð, sem er lang
stærsti geitfjárræktandi á landinu.
Stefanía Sigurðardóttir, Vorsabæ 2
Skeiðum, er ritari félagsins og Helgi
H. Bragason, Setbergi, Fellum, er
gjaldkeri. Þá er Gunnar Júlíus
Helgason, Vogum Vatnsleysuströnd,
meðstjórnandi, auk Hallveigar
Guðmundsdóttir frá Húsdýragarði
Reykjavíkurborgar.
Sæði flutt til Bandaríkjanna
Það er þó ekki bara á Íslandi sem
sóst er eftir sæði úr íslenskum geit-
höfrum því að þann 20. septem-
ber sl. voru sendir 100 skammtar
af sæði til Bandaríkjanna á vegum
Sauðfjársæðingastöðvar Suðurlands.
Sæðið var tekið í fyrrahaust en þá
fékkst leyfi dýralæknayfirvalda
til þess að flytja geithafra í gömlu
nautastöðina á Hvanneyri til sæðis-
töku. Það var Erfðalindasetur
Landbúnaðarháskóla Íslands sem
stóð fyrir sæðistökunni með til-
styrk Erfðanefndar landbúnaðarins.
Með þessum útflutningi á sæði til
Bandaríkjanna telja menn sig líka
vera að skjóta fleiri stoðum undir það
að íslenski geitastofninn deyi ekki út.
Mikill áhugi í Noregi
Eins og áður hefur komið fram í
Bændablaðinu, þá virðist vera sem
geitfjárrækt sé búgrein í örum vexti
í Noregi. Mun fleiri fengu þar að
kaupa geitamjólkurkvóta á þessu
ári en undanfarin ár og margir
geitabændanna eru að bæta við sig í
mjólkurframleiðslunni.
Hver kaupandi fær að kaupa
grunnkvóta upp á 800 lítra. Þar
standa geitabændur í Norður-Noregi
best því þeir hafa leyfi til að kaupa
15,3% að auki ofan á 800 lítrana en
árið 2009 fengu þeir einungis að
kaupa 1,09% ofan á grunnkvótann.
Greinileg mismunun hefur verið
milli landshluta því geitabændur í
Suður-Noregi fengu aðeins að kaupa
367 lítra hver, en nú fá þeir að kaupa
grunnkvótann upp á 800 lítra eins og
samlandar þeirra í norðri. Að auki
fá þeir að kaupa 2,6% ofan á 800
lítrana. /HKr.
Stöðugt unnið að fjölgun í íslenska geitastofninum:
Geitur sæddar á Kjalarnesi og í Kjós
Þórður Bogason frjótæknir með geitina Gránu frá Flekkudal. Myndir / ÞB.
Guðný G. Ívarsdóttir Flekkudal með hluta af fjörugum geitahóp
sínum.
Eldey Huld Jónsdóttir, félagsráðgjafi og kennari á Lykkju, Kjalar-
nesi með geiturnar Freyju og Mjallhvíti.
Innan skamms mun stjórn
Hollvinafélags LbhÍ senda út
fréttabréf í tölvupósti. Í því verður
m.a. fjallað um fyrirhugað mál-
þing um skólann sem verður
haldið í byrjun nýs árs.
Nú er verið að safna netföngum
þeirra sem hafa lokið námi við
Landbúnaðarháskóla Íslands eða
fyrirrennara skólans á Hvanneyri.
Sama gildir um þá sem luku
námi við Garðyrkjuskóla ríkisins
Reykjum, fyrrverandi starfsmenn
þessara skólastofnana og Rala - og
aðra sem vilja fylgjast með starfsemi
Landbúnaðarháskóla Íslands.
Sendið póst á netfangið: askell@
lbhi.is . Vinsamlega skrifið fullt nafn
í tölvupóstinn svo netfangið verði
örugglega tengt við rétt nafn í nem-
endaskrá. Nánari upplýsingar gefur
Áskell í síma 843 5307.
Hollvinir LbhÍ - netföng
Á markað er kominn nýr geld-
stöðustampur og kurl, LIFELINE
– Líflína, sem er í 22,5 kg fötu og
kurlið í 20 kg pokum. Þetta er
góð og hagkvæm lausn við bæti-
efnagjöf geldstöðunnar að því
er segir í fréttatilkynningu frá
Fóðurblöndunni.
Í geldstöðunni er kýrin að undir-
búa sig fyrir mjaltaskeiðið ásamt því
að kálfurinn er að þroskast. Fylgjan
og vömbin eru að stækka og legvatn-
ið eykst. Rétt fóðrun á geldstöðunni
dregur m.a úr efnaskiptasjúkdómum,
doða og súrdoða.
Lifeline inniheldur m.a Mannan
fjölsykrung (MOS) sem er langkeðja
kolvetni unnið úr frumveggjum ger-
sveppa sem styrkir ónæmiskerfið
til muna ásamt auðugu magni af
seleni og E vítamíni inniheldur
einnig mjólkursykur sem er ekki
bara góður orkugjafi heldur eykur
hann á vambarstarfsemina vegna
framleiðslu á örverupróteinum.
Enn fremur inniheldur það húðað
sink sem styrkir heilbrigði júgursins
og hornhimnu klaufarinnar. Einnig
eru 3 gerðir af kopar sem vernda
fyrir neikvæðum áhrifum af járni,
molydenum og brennisteini.
Rétt hlutföll af vítamínum og
steinefnum í Lifeline jafna út skort
á efnum í grasi og heyi og auka lík-
unar á að kýrin komist vel frá burði
og eigi lífvænlegan kálf.
Mælt er með að gefa stampinn/
kurlið 6 vikum fyrir burð og ekki
skal gefa önnur stein- og snefilefni
á meðan. Lifeline er með lágt kalsíu-
minnihald. 3 dögum fyrir burð er
mælt með að gefa góðan skammt af
kalsíum. Ráðlagður dagsskammtur
er 150 gr. Fyrir hverja kú.
Í tilkynningunni kemur líka fram,
að hafa beri í huga að ekki eigi að
gefa mjólkandi kúm Lifeline.
Lifeline fæst í öllum versl-
unum Fóðurblöndunnar, á Selfossi,
Hvolsvelli, Egilsstöðum og í
Reykjavík. Einnig hjá samstarfsað-
ilum um allt land. Sjá nánar á www.
fodur.is.
Fóðurblandan með nýjungar:
Lausnir fyrir kelfdar
kýr og ófædda kálfa
Chris King frá Rumenco framleiðan-
di Lifeline og Stefanía Gunnarsdóttir
sölufulltrúi Fóðurblöndunnar með
fyrstu framleiðsluna sem er kom til
landsins.