Bændablaðið - 09.08.2012, Blaðsíða 4

Bændablaðið | Fimmtudagur 9. ágúst 20124
Fréttir
Gósentíð í minjagripa- og handverksverslunum
Íslenska lopapeysan vinsælust
- segja eigendur Álafossbúðarinnar
Mikill annatími er í minjagripa- og
handverksverslunum um allt land
yfir sumarmánuðina. Bændablaðið
leit við í Álafossi í Mosfellsbæ á
dögunum og tók eigendurna tali.
Íslenska lopapeysan hefur vinn-
inginn í ár, að mati Guðmundar
Arnars Jónssonar og Gerðar
Gunnarsdóttur sem eiga og reka
verslunina í Álafosskvosinni.
„Það sem er vinsælast hjá ferða-
mönnunum í ár er lopapeysan, unnin
úr íslenskri ull og prjónuð hér á landi.
Það er aukning í sölu á dýrari vörunni
og ekki eins og oft áður að ódýru
lyklakippurnar seljist mest. Það er
meira litið á ullina.“ Guðmundur
segir erfitt að meta hvort ástæðan
sé aukin kaupgeta ferðamanna. „Það
er mjög erfitt að leggja mat á það.
Við höfum hins vegar ekki séð mikla
aukningu í fjölda ferðamanna hér í
búðinni hjá okkur en þeir sem koma
versla fyrir hærri upphæðir en áður.“
Guðmundur segir ekki auðvelt að
finna svar við því
hvers vegna ullar-
peysan er svona
vinsæl nema að
hróður vörunnar
spyrst víða.
„Maður hefur heyrt
af Íslendingum sem
búa erlendis að
þegar þeir láta sjá sig í íslenskri lopa-
peysu eru þeir stoppaðir og spurðir
hvar hægt sé að nálgast þær. Það er út
af fyrir sig ágæt landkynning þegar
fallegar peysur eru umtalaðar,“ segir
Guðmundur.
Merkja íslensku vörurnar
sérstaklega
Fyrir tveimur árum var tekið
upp á því að merkja sérstaklega í
Álafossbúðinni að um innlenda vöru
væri að ræða. Guðmundur segir
að ferðamennirnir geri vissulega
greinarmun á því hvort peysurnar séu
framleiddar á Íslandi eða erlendis.
„Það er mikið spurt um upprunann
og það skiptir máli að hér er um
íslenskt handverk að ræða. Við
höfum orðið vör við það eftir að
umræðan um uppruna lopapeysunnar
hófst að fólk spyr um þetta. Sjálfum
finnst mér leiðinlegt að talað sé um
íslensku lopapeysuna þegar hún er
prjónuð úti í heimi þrátt fyrir að
vera úr íslenskri ull.“ Aðspurður um
það hvort ferðamenn séu tilbúnir að
borga meira fyrir sérmerktar vörur
segir Guðmundur að það reyni ekki
á það hjá þeim, þau leggi ekki meira
á þá vöru en aðra.
Er raunhæft að prjóna allar
lopapeysur á Íslandi? „Það er stóra
spurningin. Fyrirtæki eins og Farmers
Market og 66° norður, sem eru að
horfa á heimsmarkað, þurfa umfangs-
mikla framleiðslu. Auðvitað er erfitt
að fá fólk hér á landi til að framleiða
þúsundir peysa,“ segir Guðmundur
Arnar sem er ánægður með viðskipti
sumarsins enda nóg að gera. /TB
Íslenskar vörur skilmerkilega
merkt ar sem skilar sér í aukinni
sölu að mati verslunarmanna.
Útgjöld erlendra ferðamanna voru áætluð um 133 milljarðar króna árið 2011.
Fjöldi ferðamanna var tæplega 600 þúsund í fyrra og stefnir í aukningu í ár.
Gerður Gunnarsdóttir og Guðmundur Arnar Jónsson, eigendur Álafossverslunarinnar í Mosfellsbæ. Myndir /TB
Viðburðir á Handverkshátíð og Landbúnaðarsýningu
Fjöldi viðburða verður á dagskrá á
Handverkshátíð og Landbúnaðarsýn-
ingu á Hrafnagili um helgina. Meðal
annars verður hin æsispennandi
keppni um titilinn Ungbóndi ársins
háð þar á laugardag, margs konar
húsdýr verða til sýnis á sérstöku hús-
dýrasýningarsvæði, fjárhundasýning,
hestasýningar, hrútaþukl og rúnings-
keppni svo eitthvað sé nefnt.
Föstudagur 10. ágúst
11:30 Setning í hátíðartjaldi
13.:00 Rúningur á húsdýrasýningarsv.
14:00 Fjárhundasýning á Íþróttavelli
14:00 Litli bændaskóli Bústólpa í
matsal Hrafnagilsskóla
15:00 Hestasýning á íþróttavelli
16:00 Tískusýning á torgi
Handverkshátíðar
Laugardagur 11. ágúst
LK býður upp á grillað naut allan daginn.
13:00 Rúningur á húsdýrasýningarsv.
14:00 Ungbóndi ársins,
keppt á íþróttavelli
14:00 Litli bændaskóli Bústólpa
16:00 Tískusýning á torgi
Handverkshátíðar
19:30 Grillhlaðborð Samherja
í hátíðartjaldi
20:30 Kvöldvaka í hátíðartjaldi
Sunnudagur 12. ágúst
LS býður upp á grillað lamb allan daginn.
13:00 Kálfasýning barna á íþróttavelli
14:00 Hrútaþukl á
húsdýra sýningarsv.
15:00 Rúningskeppni á
húsdýrasýningarsv.
16:00 Tískusýning á torgi
Handverkshátíðar
Mánudagur 13. ágúst
15:00 Hestasýning á Íþróttavelli
16:00 Tískusýning á torgi
Handverkshátíðar
Bergvin Jóhannsson, formaður Félags kartöflubænda:
„Það verður engin mokuppskera“
„Það verður engin mokupp-
skera, það er þegar orðið ljóst,“
segir Bergvin Jóhannsson, bóndi
í Áshóli í Grýtubakkahreppi og
formaður Félags kartöflubænda,
um uppskeruhorfur í haust.
Bergvin segir að þurrkar í sumar
hafi sett sitt mark á kartöflugarða og
sama sagan sé þar uppi á teningunum
um land allt. Hann er nýlega kominn
heim úr hringferð um landið og kom
m.a. við í Þykkvabæ og Hornafirði.
„Það er þegar orðið nokkuð tjón í
kartöflugörðum af völdum þurrka,
grös eru farin að daprast og sölna
og víða má sjá gular skellur hér
og hvar í görðum,“ segir Bergvin.
Hann gerir ráð fyrir að uppskera
á norðanverðu landinu geti orðið
heldur betri en í fyrra en þá var
hún raunar í slöku meðallagi vegna
kuldatíðar framan af sumri. „En
mér sýnist svo að uppskeran geti
orðið svipuð
á sunnan-
verðu landinu
og hún var í
fyrra, þannig
að við fáum
e i n h v e r j a
uppskeru þó
enginn verði
nú toppurinn
þetta árið,“
segir Bergvin. „Það getur þó allt
gerst enn og fer eftir því hvort við
fáum einhverja vætu í ágústmánuði,
það gæti einhverju bjargað þó svo
að þegar sé orðið ljóst að eitthvert
tjón verður hjá okkur af völdum
þessara miklu þurrka í sumar.“
Flestir íslenskir kartöfluframleið-
endur kláruðu sínar birgðir í apríl og
maí á þessu ári eða nokkuð snemma
miðað við undanfarin ár.
/MÞÞ
Verðlagsnefnd ákveður afurðaverð:
Kúabændur fengu 3,6% hækkun
Þjóðleg skemmtiatriði á
Landsmóti hagyrðinga
Árlegt Landsmót hagyrðinga, sem
ber heitið Bragaþing að þessu sinni,
verður haldið á Fosshóteli Húsavík
laugardaginn 25. ágúst. Landsmót
hagyrðinga eru kvöldsamkomur með
borðhaldi og þjóðlegum skemmtiat-
riðum sem að hluta eru skipulögð og
undirbúin, auk þess sem mótsgestir
hafa fram að færa í bundnu máli.
Að loknu borðhaldi er stiginn dans
undir dynjandi harmonikutónlist.
Landsmótin eru opin öllu fólki sem
ánægju hefur af góðum vísum, hvort
sem það telur sig til hagyrðinga eða
ekki, segir í tilkynningu frá skipu-
leggjendum. Veislustjóri er heima-
maðurinn Jóhannes Geir Einarsson.
Skráning er í netfangið guinness@
vortex.is eða í síma 898-4475 og
891-8460. Aðgangseyrir er kr. 6.800.
Uppskeruhátíð bænda í Skagafirði:
Sveitasæla 2012
Sveitasæla 2012 verður haldin í
reiðhöllinni Svaðastöðum laugar-
daginn 25. ágúst næstkomandi. Á
dögunum var gengið til samninga
við viðburðastjórnunarfyrirtækið
Markvert ehf. á Sauðárkróki
um umsjón og framkvæmd sýn-
ingarinnar í samvinnu við Flugu
hf, Sveitarfélagið Skagafjörð og
búgreinafélög í héraðinu.
Sveitasæla er uppskeruhátíð
bænda í Skagafirði en hefð er fyrir
því að þeir hittist einn laugardag í
ágúst og geri sér glaðan dag, auk
þess sem vélasalar hafa kynnt nýj-
ungar í sölu landbúnaðartækja. Þá
verða á sýningunni handverksbásar
auk þess sem fyrirtæki tengd land-
búnaði munu kynna starfsemi sína.
Dýragarðurinn verður á sínum stað
og eins kvöldvakan sem sló eftir-
minnilega í gegn í fyrra.
Þeim sem vilja taka þátt í hátíð-
inni er bent á að hafa samband við
Markvert ehf. á netfanginu sveita-
saela@markvert.is. Nánari upplýs-
ingar um hátíðina má sjá á vefsvæði
reiðhallarinnar, www.svadastadir.is.
Heildsöluverð á mjólk og mjólkur-
afurðum hækkaði um 4% 1. júlí
sl. samkvæmt ákvörðun verðlags-
nefndar búvara. Á sama tíma
hækkaði afurðastöðvaverð til
bænda um 2,80 krónur á lítra
mjólkur, þ.e. úr 77,63 kr. í 80,43
kr., eða um 3,6%. Þá hækkaði
vinnslu- og dreifingarkostn-
aður mjólkur um tæp 4,4%.
Ástæður þessara verðbreytinga
eru launaþróun og hækkanir á
aðföngum við búrekstur, segir í
rökstuðningi verðlagsnefndar.
Verðlagsnefnd búvara starfar
samkvæmt lögum um framleiðslu,
verðlagningu og sölu á búvörum.
Nefndin ákveður afurðaverð til
búvöruframleiðenda og verð búvara
í heildsölu. Samtök launþega til-
nefna tvo fulltrúa og skal annar
þeirra koma frá BSRB og hinn frá
ASÍ. Stjórn BÍ og stjórnir búgreina-
samtaka tilnefna tvo fulltrúa og
samtök afurðastöðva tvo fulltrúa.
Núverandi formaður verðlags-
nefndar er Ólafur Friðriksson, sem
er fulltrúi sjávarútvegs- og land-
búnaðarráðherra. Einungis mjólk
og mjólkurvörur falla undir ákvarð-
anir verðlagsnefndar eins og málum
er nú háttað. Verðlagning á öðrum
búvörum er ekki háð skilyrðum
nefndarinnar. /TB
Einungis mjólk og mjólkurvörur fal-
la undir ákvarðanir verðlags nefndar
eins og málum er nú háttað.