Bændablaðið - 09.08.2012, Blaðsíða 36

GRILLINU BÆTT OFAN Á
Samkvæmt ævisögu Þorvaldar
Guðmundssonar, fyrsta hótelstjóra
á Sögu, var ákvörðunin um að
byggja Stjörnusalinn eða Grillið
tekin þegar Þorvaldur bauð Ingi-
björgu eiginkonu sinni upp á þak á
sjöundu hæð til að njóta útsýnisins.
Sem Þorvaldur stendur þarna og
horfir yfir segir hann allt í einu
að það vanti eina hæð ofan á með
útsýnisveitingahúsi og var Grillinu
því bætt ofan á seinna.
ARKITEKTINN
Halldór H. Jónsson arkitekt
teiknaði Hótel Sögu.
19.000 FERMETRAR AÐ
STÆRÐ
Stærð Bændahallarinnar er tæpir
19 þúsund fermetrar. Á Hótel Sögu
eru 209 herbergi, tíu funda- og
veislusalir og tveir veitingastaðir.
Hótelið er tæplega 19.000 fermetrar
að flatarmáli og þar starfa um 120
manns.
Gul lmo lar
SKREYTINGARNAR
Í STJÖRNUSALNUM
Skreytingar í Stjörnusal og á
Astra-bar voru gerðar af Lothari
Grundt, innanhússarkitekt og leik-
tjaldamálara. Hann sá einnig um
skreytingu á Mímisbar.
GRILLIÐ GÆLUNAFN SEM
FESTIST
Veitingastaðurinn á áttundu hæð,
sem í dag kallast Grillið, heitir
Stjörnusalurinn. Grillið er gælunafn
sem festist við salinn vegna þess að
þar var eitt fyrsta grill landsins.
BYGGINGARLEYFI FÆST
Gunnar Thoroddsen borgarstjóri
veitti byggingarleyfi fyrir Bænda-
höllinni 26. október 1948.
HORNSTEINNINN LAGÐUR
Steingrímur Steinþórsson land-
búnaðarráðherra tók fyrstu skóflu-
stunguna að Bændahöllinni 11. júlí
1956 en Ásgeir Ásgeirsson forseti
lagði hornsteininn að byggingunni
11. mars 1961.
Sigurður Helgason, yfirmatreiðslumaður á Grillinu, segir að um galakvöldverð sé
að ræða þar sem boðið verði upp á margrétta máltíð. „Matseðillinn samanstendur
af réttum sem hafa verið vinsælir á Grillinu í gegnum tíðina og endurspegla
tíðarandann, þrátt fyrir að þeir verði færðir í nútímalegan búning. Margir af fyrrver-
andi kokkum Grillsins ætla að mæta og sjá sjálfir um að matreiða réttina og eldri
þjónar af Grillinu ætla að bera þá fram.“
Matseðillinn engu líkur
„Meðal þeirra sem verða hér eru Ragnar Vestmann og Bjarni Gunnar Kristinsson,
en réttirnir sem þeir bjóða upp á koma til með að spanna nærri þrjátíu ára mat-
reiðslusögu Grillsins. Ragnar ætlar að bjóða upp á laxalauf, andalifur og saltaðar
lambarifjur. Sjálfur verð ég að öllum líkindum með nautahrygg sem hefur hangið
í sex vikur og öðlast mjög sérstakt og skemmtilegt bragð um leið og kjötið þornar
aðeins. Bjarni kemur til með að sjá um desertinn, enda þekktur fyrir þá, og býður
upp á crème brûlée, mysuost og villt ber.
Við erum enn að vinna í matseðlinum og ekkert gaman að gefa hann allan upp, en
ég get lofað því að hann verður mjög glæsilegur og engu líkur,“ segir Sigurður.
Mikil matarást á Grillinu
Grillið hefur lengi verið talið besti veitingastaður landsins og þó víðar væri leitað.
Sigurður segir velgengni Grillsins byggjast á áhuga og samstarfi starfsfólksins.
„Allir sem vinna hér eru haldnir mikilli matarást og hafa gaman af því að elda
góðan mat. Í mínum huga er það að vera kokkur bæði áhugamál og ekki síður
lífsstíll.
Stefna Grillsins er að nota stað- og árstíðabundið hráefni eins mikið og kostur er.
Ég er ekki að segja að við notum það eingöngu, heldur af fremsta megni, enda
mikið af úrvals íslensku hráefni
í boði sem gaman er að vinna
úr. Við förum líka sjálf út í
náttúruna og söfnum jurtum til
að nota í réttina. Í dag erum
við til dæmis að bjóða upp
á desert sem búinn er til úr
krónublöðum hansarósarinnar
og bragðast ótrúlega vel með
hindberjum.“
Matseðillinn til boða í mánuð
Sjötíu til áttatíu manns geta sótt
styrktarkvöldverðinn sitt hvort
kvöld og mun dagskráin hefjast
klukkan sjö með fordrykk og
standa fram eftir kvöldi.
Sigurður segir að þrátt fyrir að
styrktarkvöldverðurinn verði
einungis þessi tvö kvöld standi
matseðill hans gestum Grillsins
til boða í mánuð. „Þannig að
þeir sem eru svo óheppnir að fá
ekki borð í galadinnerinn geta
komið seinna og smakkað á
réttunum eða komið á Grillið í
villibráð eða jólamatseðil.“
Allt það besta sem Grillið hefur upp á að bjóða og meira til verður í boði á styrktarkvöldverði
á Hótel Sögu 28. og 29. september næstkomandi. Allur ágóði af kvöldverðinum mun renna til
góðgerðamála.
Gala-styrktarkvöldverður á Grillinu
í tilefni af 50 ára afmæli Hótel Sögu
Sigurður Helgason, yfirmatreiðslu-
maður á Grillinu.
Íslenskar úthafsrækjur, þorskfrauð,
lárpera, sítróna og rósapipar-sorbet.
Pikklaðar jurtir, blóm og grænmeti.
Lífrænt ræktuð gulrót frá Engi, kúmen
úr Viðey og repjuolíukrem.
Sagan í myndum ...