Bændablaðið - 09.08.2012, Blaðsíða 34

Hótel Saga fagnar 50 ára starfsafmæli í ár.
Ingibjörg Ólafsdóttir tók við sem hótelstjóri á Hótel Sögu um síðustu áramót en
hún starfaði fyrst við gestamóttöku á Sögu 1984, samhliða námi við Háskóla
Íslands. „Árið 1991 tók Konráð Guðmundsson hótelstjóri á Sögu að sér að opna
og reka Hótel Ísland fyrir Búnaðarbankann. Konráð bauð mér að reka Hótel
Ísland og ég stýrði því í fimmtán ár. Þaðan fór ég til Leeds í Bretlandi og sá
um hótelrekstur þar. Ég kom svo heim í haust og tók við rekstri Hótel Sögu um
áramótin.“
Fjölbreytt starf
Ingibjörg segir daglegt starf hótelstjóra vera fjölbreytt og spennandi og að engir
tveir dagar séu eins. „Hótelstjóri er ábyrgur fyrir allri starfsemi hótelsins og þarf
að hafa góða yfirsýn, bæði gagnvart samstarfsfólki og gestum og fylgjast með
því að þjónustan sé eins og best verður á kosið.
Á sama tíma þarf svo að halda utan um budduna svo eitthvað verði afgangs.
Stundum getur það verið svolítið erfitt þar sem um þjónustu er að ræða og
margt starfsfólk þarf til að hlutirnir gangi eins og smurðir. Gott starfsfólk og
starfsánægja eru lykilatriði til að gestirnir fái góða þjónustu. Glaðir og brosandi
starfsmenn smita út frá sér og ég er svo óskaplega lánsöm að vinna með hópi af
frábæru fólki.“
Herbergi sem henta öllum
„Forsetasvítan á Sögu var á sínum tíma flottasta hótelsvíta á Íslandi og þar gistu
allir frægustu og merkilegustu gestir sem komu til landsins. Það er dásamlegt
útsýni úr svítunni og hún er enn með sinn gamla stíl. Auk forsetasvítunnar er
boðið upp á minni svítur, „business class“ -herbergi og það sem kallað er ven-
juleg herbergi. Þannig að við bjóðum upp á herbergi í öllum verðflokkum.
Í dag eru flest herbergin fremur rúmgóð en sum voru ansi lítil áður en þau voru
sameinuð, enda voru herbergin 209 á hótelinu einu sinni 218.“
90% yfir sumarið
„Í gamla daga var Hótel Saga „hótelið“, enda lengi vel fá hótel í boði í sama
gæðaflokki. Með tímanum hafa svo byggst upp mörg og glæsileg hótel sem bjóða
svipaða þjónustu. Framboð á gistingu í dag er mun meira en áður og samkeppnin
hörð. Hótel Saga hefur líka dregist aðeins aftur úr hvað varðar endurnýjun, en það
stendur til bóta. Yfir hávetrartímann getur verið töluvert hark að leigja út herbergi
en á sumrin er nýtingin yfir 90%, sem er mjög gott.“
Ingibjörg segir að í sínum huga sé Saga fallegt og klassískt hótel og að það skipti
miklu að starfsfólk hótelsins sé stolt af því og leggi sig allt fram. „Saga hótelsins er
löng og auðvitað þarf að endurnýja eitt og annað, bæði utan dyra og innan, vegna
slits. Hótel Saga á að halda reisn og vera eilítið íhaldssamt enda margir sem kjósa
slík hótel til að gista á. Þjónustan er og á alltaf að vera framúrskarandi og ég er
sannfærð um að ef við náum að viðhalda þessu, og bjóða upp á þessi gæði
í matnum, þá fylgi aðsóknin fast á eftir.“
Byggt af stórhug
Á næstu misserum stendur til að endurnýja allt gler í hótelinu auk þess sem sjö-
unda hæðin verður endurnýjuð. Skipt verður um gluggakistur og gólfteppi, enda
sum þeirra upprunaleg og eins og að fara aftur í tímann þegar gengið er inn í
herbergin. „Það að sumar innréttingar séu að hluta upprunalegar sýnir hvað hótelið
hefur verið byggt af miklum stórhug og hversu vandað hefur verið til verka.
Konráð Guðmundsson, sem var hótelstjóri hér nánast frá byrjun, rak hótelið af
mikilli alúð og heilum hug. Undir hans stjórn unnu hér, auk mín, starfsmenn sem
seinna áttu eftir að koma að rekstri hótela og veitingahúsa um allt land.“
Allt til alls
Ingibjörg segir mjög krefjandi að starfa við ferðaþjónustu, þar sem starfsemi er alla
daga á ári allan sólarhringinn. „Starfsfólk sem velst í þjónustustörf er fólk sem vill
hafa mikið að gera, þar sem hlutirnir þurfa að gerast strax og vel og það þarf að
Klassískt hótel sem býður framúrskarandi þjónustu
Á Hótel Sögu eru 209 herbergi, tíu funda- og veislusalir og tveir veitinga-
staðir. Hótelið er tæplega 19.000 fermetrar að flatarmáli og þar starfa
yfir 100 manns. Saga er því lítið samfélag eða heimur út af fyrir sig og í ansi
mörgu að snúast þegar kemur að rekstrinum.
fylgja þeim eftir. Þetta eru því oft
og tíðum litríkir og skemmtilegir
karakterar sem eru tilbúnir að gefa
mikið af sér. Hér hafa líka orðið til
hjónabönd og vináttutengsl sem
hafa enst alla ævi.
Gestir sem koma inn á Sögu hafa
hér allt til alls og geta þess vegna
eytt öllu fríinu hér án þess að fara
út, þótt ég mæli alls ekki með því.
Hér eru góð herbergi, framúr-
skarandi matur hvort sem fólk vill
hamborgara, hlaðborð eða „à la
carte“ í Grillinu og ball í Súlnasal,
auk þess sem hér
er spa til að slaka á, hárskerar og
gjafavöruverslun svo fátt eitt sé
nefnt.“
Afmælisuppákomur út árið
Í tengslum við 50 ára starfsafmæli
Hótel Sögu eru haldnar sérstakar
uppákomur í hverjum mánuði fyrir
gesti, viðskiptavini og starfsfólk.
„Í haust ætlum við til dæmis að
koma fastagestunum okkar á óvart
með óvæntri uppákomu og gleðja
þá sérstaklega í tilefni afmælis-
ins,“ segir Ingibjörg Ólafsdóttir,
hótelstjóri Hótel Sögu, brosandi
að lokum.
Ingibjörg Ólafsdóttir, framkvæmda-
stjóri Radisson Blu Hótel Sögu og
Park Inn Ísland
Ýmsar skemmtilegar uppákomur hafa átt sér stað í gestamóttökunni
á Hótel Sögu. Karen Þórsteinsdóttir, umsjónarmaður einstaklings-
bókana, hóf störf í gestamóttökunni 1972. Hún kann margar sögur
af gestum og segir skemmtilega frá.
Hingað kemur allskonar fólk
„Í mínum huga er Hótel Saga eins og
lítið þorp með öllum þeim uppá-
komum sem fylgja mannlegum sam-
skiptum. Hingað kemur allskonar fólk,
bæði skemmtilegt og kátt og miður
skemmtilegt og erfitt í samskiptum, en
sem betur fer er það sjaldgæfara en
þeir sem eru kurteisir og glaðir.
Efstar í mínum huga eru heimsóknir
Husseins Jórdaníukonungs en hann
kom hingað tvisvar og var mikið
umstang í kringum það. Ég man líka
eftir heimsókn Joseph Luns, aðalritara
NATO, Elísabetar Englandsdrottningar,
en hér var haldin mikil veisla henni
til heiðurs, Ellu Fitzgerald og Louis
Armstrong, tenórsins góða Pavarotti
auk frægra rithöfunda eins og Doris
Lessing og Fay Weldon, en þær komu
hér á listahátíð. Eins og gefur að skilja
var mikið umstang í kringum þessar
heimsóknir og að sjálfsögðu settur út
rauður dregill í tilefni þeirra.“
Nakinn með hatt
„Einu sinni var von á erlendum
þjóðhöfðingja hingað til að gista.
Bíllinn var að renna í hlað og allir í
startholunum þegar lyftan kom niður.
Út úr lyftunni stígur einn af okkar
yndislegustu gestum og greinilegt að
hann hafði fengið sér aðeins of mikið í
tána, enda stóð hann þarna kviknakinn
og með hatt á höfðinu. Sem betur fer
tókst okkur að koma karlinum í stóran
frakka af einum dyraverðinum og á
bakvið í gestamóttökunni áður en
þjóðhöfðinginn gekk í hús.“
Ýtti öryggisverði út úr lyftunni
„Ólafur Noregskonungur kom hingað
og hefð fyrir því að ég fylgdi honum
upp á svítuna. Eitt sinn þegar Ólafur
rennir í hlað stöndum við Ingibjörg
Ólafsdóttir, núverandi hótelstjóri,
ægilega virðulegar hlið við hlið og
bíðum hans. Allt í einu snýr Ingibjörg
sér að mér og spyr mig hvort hún sé
með mjólkurskegg. Ég fæ náttúrulega
hláturskast. Í ofanálag fór lyftan ekki
af stað þegar við ætluðum upp þannig
að ég þurfti að ýta einum öryggis-
verðinum út. Við vorum of þung
fyrir lyftuna. Ólafur hafði greinilega
gaman af þessu og hló, enda afalegur
og góður karl. Ég átti því mjög erfitt
með að hemja mig í lyftunni upp með
kónginum.“
„...and I am a princess“
„Hingað kom líka einu sinni hópur
af ungum mönnum sem höfðu komið
til landsins á einkaþotu. Einn þeirra
kom í móttökuna og pantaði nokkrar
svítur. Í mínum huga voru þetta bara
einhverjir smástrákar og mér leist ekki
betur á þá en svo að ég lét þá greiða
allt fyrirfram. Um nóttina var svo eitt-
hvert partístand á þeim. Daginn eftir
kallaði ég þá niður, talaði yfir þeim og
bannaði þeim að hafa svona mikinn
hávaða. Einn þeirra gekk þá að mér
ansi mannalegur og sagði, „but I am
Prince“. Ég hafði ekki hugmynd um
hver þetta var og svaraði „yes, and I
am a princess“.
Eftir að strákarnir voru farnir kom í ljós
að þetta voru tónlistarmaðurinn Prince
og vinir hans að skemmta sér.“
Skemmtilegast að taka á móti
bændum
Karen segir að sér þyki yndislegt að
vinna á Hótel Sögu enda séu þar engir
tveir dagar eins. „Þrátt fyrir að mér
þyki alltaf gaman að taka á móti gest-
um þykir mér allra skemmtilegast að
taka á móti íslenskum bændum. Þeir
eiga Hótel Sögu og eru í mínum huga
aðallinn í landinu.“
Carlos Ferrer vikapiltur og prestur í dag.
Auk hans eru Karen Þórsteinsdóttir, Jóhanna
Hauksdóttir og Kristjana Guðmundsdóttir
Motzfeldt á myndinni.
Karen Þórsteinsdóttir, umsjónarmaður
einstaklingsbókana á Hótel Sögu.