Bændablaðið - 09.08.2012, Blaðsíða 40

Iceland Travel Assistance er bókunarþjónusta fyrir ferðamenn.
Guðlaugur Örn Jónsson, framkvæmdastjóri ITA, segir að fyrirtækið
hafi verið stofnað árið 2002 og í dag bjóði það bókanir í afar
margvíslega og fjölbreytta afþreyingu fyrir ferðamenn.
Handprjónasambandið rekur hand-
verks- og minjagripaverslunina Ull og
gjafavörur á fyrstu hæð Hótels Sögu.
Bryndís Eiríksdóttir framkvæmdastjóri
segir að Handprjónasambandið hafi
rekið verslunina á Hótel Sögu frá
miðju ári 2004 en sambandið hefði
þá lengi haft áhuga á að reka verslun
á hóteli.
Bryndís segir að Handprjónasamband
Íslands sé einn elsti handverkshópur-
inn á Íslandi, en það hafi bara ekki
verið búið að finna upp það heiti
þegar sambandið tók til starfa.
„Okkur þykir vænt um nafnið en
verðum óneitanlega vör við að ferða-
mönnum þykir það allt í senn langt,
óþjált og óskiljanlegt.“
Smáhlutir til gjafa
„Verslunin er hefðbundin minjagripa-
verslun með allskyns gjafavöru en við
leggjum einnig mikla áherslu á íslenskt
handverk og hér eru eingöngu til sölu
alíslenskar ullarpeysur. Viðskiptavinir
okkar eru nær eingöngu hótelgestir og
lítið um að fólk komi inn af götunni og
versli hér. Fólk er mikið að kaupa alls-
konar smáhluti til gjafa þegar heim er
komið og svo eru íslenskar lopapeysur
alltaf jafn vinsælar.
Þeir sem versla hér eru oft fólk sem
hefur ekki tíma eða áhuga á að versla
í bænum vegna anna, eða þá að það
vill nota tímann í eitthvað annað eins
og að skoða landið.“
Handprjónasamband Íslands svf. var stofnað 1977 sem samvinnu-
félag um eitt þúsund einstaklinga, aðallega kvenna, sem drýgt höfðu
heimilistekjurnar með því að prjóna peysur, vettlinga, trefla og
aðrar vörur úr íslenskri ull.
Alíslenskar og heima-
prjónaðar ullarpeysur
Íslenskar lopapeysur eru alltaf jafn vinsælar.Bryndís Eiríksdóttir,
framkvæmdastjóri Handprjónasambands Íslands.
Líkamsrækt er lífsstíll á Mecca Spa
Á heilsulind Mecca Spa á Hótel Sögu er fullkomin líkamsræktarstöð með austurlensku yfirbragði.
Myndskreytingar eru í egypskum stíl og nafnið vísar til borgarinnar Mecca í Sádi-Arabíu.
Sigrún Benediktsdóttir, eigandi Mecca
Spa, hóf rekstur á Hótel Sögu árið
2005 en þar hefur verið rekin heilsu-
rækt og snyrtistofa frá því að hótelið
var opnað.
„Hér er fullkominn líkamsræktarsalur
með góðum tækjum, nuddpottur, gufu-
bað og vatnsgufa og allt sem þarf til að
byggja upp og dekra við líkamann. Við
bjóðum meðal annars upp á indverskt
nudd, svokallað ayurveda-nudd,
tælenskt nudd og steinanudd svo eitt-
hvað sé nefnt. Þá bjóðum við upp á
ýmiskonar líkamsmeðferðir og hefur
kókosdekrið slegið í gegn.“
Fyrsta flokks snyrtistofa
„Snyrtistofan er líka fyrsta flokks og
viðskiptavinir okkar geta verið vissir
um að starfsfólkið laðar fram það besta
í hverjum og einum,“ segir Sigrún.
„Stofan er búin fullkomnum tækjum
sem gefur okkur kost á að veita það
besta í andlitsmeðferðum. Við vinn-
um með mjög góðar franskar vörur,
Phytomer. Vörunar eru unnar úr sjó og
veita góðan árangur. Phytomer-línan
er mjög breið og því kostur á að veita
Á Mecca Spa er fullkominn líkamsræktarsalur, nuddpottur, gufubað og vatnsgufa.
Sigrún
Benediktsdóttir,
eigandi Mecca
Spa.
Reksturinn gengur vel
Bryndís segir að verslunin sé opin alla
daga, frá 08:00 á morgnana til 13:00
og frá 17:00 til 20:00. „Reynslan hefur
kennt okkur að hótelgestir eru lítið
hér frá því klukkan eitt á daginn og
þar til síðdegis og því lítil ástæða til
að hafa opið allan daginn. Við erum
nokkrar sem skiptumst á að vera hér
fyrri partinn, auk þess sem við ráðum
skólanemendur til að vera á kvöldin
og um helgar.
Að okkar mati gengur reksturinn vel
og ekki neinar breytingar í vændum í
sambandi við hann en að sjálfsögðu
sveiflast afkoman í samræmi við fjölda
gistinátta á hótelinu.“
BLÁA LÓNIÐ OG ÚTSÝNISFERÐIR
MEÐ ÞYRLU
„Við rekum sex starfsstöðvar og þar á meðal eina í anddyri Hótel Sögu. Margir
viðskiptavina okkar eru ferðamenn sem ekki hafa skipulagt heimsóknina til
Íslands fyrirfram og koma til okkar til að sjá hvað er í boði. Það má því segja
að við þjónustum lausagönguna. Til okkar kemur fólk sem er að velta fyrir sér
möguleikum á að fara á sjóstöng, í hvalaskoðun, í snjósleðaferð, langar til
Grænlands eða í útsýnisflug með þyrlu yfir landið. Möguleikarnir eru ótalmargir
og fyrirspurnirnar líka,“ segir Guðlaugur.
Bókanir og íslensk hönnun
Guðlaugur segir að ITA hafi verið með aðstöðu á Hótel Sögu frá árinu 2006
og að samstarfið hafi gengið mjög vel. „Viðskiptavinir okkar á Sögu eru flestir
útlendingar en auk bókunarþjónustunnar þar seljum við einnig ýmsar vörur eftir
íslenska hönnuði, sem eru mjög vinsæl gjafavara.
Bókanir í Bláa lónið og Gullna hringinn eru alltaf jafn vinsælar og langvin-
sælustu bókanirnar hjá okkur. Hvalaskoðun, jeppa- og jöklaferðir koma þar á
eftir. Svo er alltaf eitthvað um að fólk komi inn af götunni og vilji fara í útsýnis-
ferðir með þyrlu. Þannig pantanir koma manni alltaf svolítið á óvart vegna þess
að þær kosta sitt en auðvitað er til fólk sem á nóg af peningum og horfir ekki í
kostnaðinn. Satt best að segja er töluverð eftirspurn eftir þyrluflugi og stundum
ekki laus vél til staðar.“
Iceland Online
„ITA er líka með bókunarvefinn Icelandonline.com á netinu og í gegnum hann
er bæði bókað á einstaklinga og hópa. Skiptir þá engu hversu lengi hóparnir
stoppa né hvað þeir vilja gera, við skipuleggjum afþreyinguna fyrir þá. Við
sjáum um það allt,“ segir Guðlaugur Örn Jónsson hjá ITA.
meðferðir við hæfi hvers og eins.“
Dekrað við líkama og sál
„Líkamsrækt í dag er orðin lífsstíll og
hluti af því að láta sér líða vel. Hingað
kemur fjöldi hótelgesta en auk þeirra
er fjöldi fastra viðskiptavina og þá
ekki hvað síst í nudd og ýmiskonar
snyrtingu. Þetta eru einstaklingar og
hópar sem koma til að láta dekra við
sig og láta sér líða vel um leið og þeir
byggja sig upp líkamlega jafnt sem
andlega. Við bjóðum upp á svokallað
paraherbergi þar sem pör jafnt sem
vinir geta slappað af í friði og notið
þjónustunnar út af fyrir sig. Vinsældir
þessarar þjónustu eru alltaf að aukast.
Við leggjum okkur fram um að taka vel
á móti okkar viðskiptavinum,“ segir
Sigrún Benediktsdóttir að lokum.
Upplýsingaborð ITA á Hótel Sögu.
Umsjón með útgáfu og texti Vilmundur Hansen, umbrot Anton & Bergur, prófarkalestur Erla Elíasdóttir. Útgefandi Hótel Saga og Bændablaðið.