Bændablaðið - 09.08.2012, Blaðsíða 13

Bændablaðið | Fimmtudagur 9. ágúst 2012 13
Sauðfjársetur á Ströndum 10 ára:
Íslandsmót í hrútadómum á næsta leiti
Óvenju mikið hefur verið um að
vera á Sauðfjársetri á Ströndum
í sumar en það hefur nú verið
starfrækt í 10 ár. Framundan er
Íslandsmeistaramót í hrútadómum
sem verður haldið laugardaginn
18. ágúst nk. og hefst keppnin kl.
14:00. Keppnin hefur verið vinsæl
og fjölsótt síðustu árin og keppendur
komið úr öllum landshlutum. Keppt
er í tveimur flokkum. Annars vegar
keppa þaulvanir hrútaþuklarar, sem
kunna upp á hár þá kúnst að stiga
hrútana, um Íslandsmeistaratitil í
hrútadómum. Hinn flokkurinn er
fyrir óvana og hrædda hrútaþuklara
en þeir glíma við að raða hrútunum í
gæðaröð og rökstyðja röðina.
Þétt dagskrá og góð aðsókn
Aðsókn að Sauðfjársetrinu hefur
verið góð í sumar að sögn Esterar
Sigfúsdóttur framkvæmdastjóra
en hún tók við starfinu um síðustu
áramót. „Erlendum gestum sem
heimsækja safnið til að fræðast um
sauðkindur og búskap er að fjölga
töluvert. Mikill fjöldi heimamanna
og gesta sækir líka Sauðfjársetrið
heim þegar eitthvað er um að vera,
opnanir á sýningum, viðburðir og
skemmtanir. Svo er ljómandi góð
aðsókn að dýrindis kaffihlaðborðum
sem eru reglulega í veitingastofunni
Kaffi Kind,“ segir Ester.
Margt er að skoða í Sauðfjársetrinu
en fyrir utan fastasýninguna, sem
ber yfirskriftina Sauðfé í sögu
þjóðar, hafa þrjár sérsýningar
verið settar upp í sumar. Auk þess
eru þar reglulega ýmsir viðburðir ‒
dráttarvéladagur, hrútadómarnir og
svokallaðir Furðuleikar eru árvissar
skemmtanir. Á Furðuleikunum
keppa menn í margvíslegum
undarlegum íþróttagreinum,
svo sem öskri, trjónufótbolta og
kvennahlaupi að hætti Strandamanna
(þar sem karlarnir sem keppa halda
á konunum).
Þrjár nýjar sérsýningar
Hagleiksmaðurinn Þorsteinn
Magnússon er yfirskrift
sérsýningar sem opnuð var fyrr í
sumar á Sauðfjársetrinu. Þar eru
sýndir smíðisgripir og verkfæri
Hólmvíkingsins Þorsteins
Magnússonar sem smíðaði
fjölbreytilegar, litlar eftirlíkingar
af búsáhöldum sem notuð voru í
sveitasamfélagi fyrri tíma. Önnur
sýning, sem nýlega var opnuð, heitir
Dugmiklar dragþórur en þar er sagt
frá dráttarvélaöldinni á Ströndum
og hún sett í samhengi við þróun
á lands- og heimsvísu. Margar
skemmtilegar myndir af vélaöldinni
á Ströndum prýða þá sýningu.
Þriðja sýningin var opnuð á
Furðuleikum Sauðfjársetursins
fyrr í sumar. Þar er á ferðinni
sýning listakonunnar Aðalheiðar S.
Eysteinsdóttur sem er landsþekkt
fyrir kindur, karla og kerlingar sem
hún setur saman úr spýtukubbum.
Sýning Aðalheiðar ber yfirskriftina
Áfangastaður og er fertugasta
sýningin í 50 sýninga röð sem
listakonan ætlar að setja upp
undir yfirskriftinni Réttardagur.
Hefur þessi skemmtilega sýning
Aðalheiðar vakið mikla athygli og
aðdáun gesta Sauðfjársetursins.

Stefnt á öflugt vetrarstarf
Á árinu hefur einnig verið unnið
að lagfæringum á húsnæði
Sauðfjársetursins í Sævangi og
hafa sjálfboðaliðar unnið þá
vinnu að mestu leyti. Lokið er
við einangrun og búið að skipta
um járn á hálfu þakinu. Einnig
hafa verið settar upp varmadælur.
Þessar lagfæringar voru forsenda
þess að hægt væri að skipuleggja
vetrardagskrá á Sauðfjársetrinu. Frá
og með haustinu verður því hægt
að heimsækja safnið allan veturinn
og jafnframt er stefnt á fjölbreytta
dagskrá, spilakvöld, kvöldvökur,
leiksýningar og sviðaveislu, svo
dæmi séu nefnd. Eins hentar
kaffistofan í Sævangi vel fyrir
námskeið, fundi og ráðstefnur, að
sögn Esterar framkvæmdastjóra
sem er bjartsýn á framtíð
Sauðfjársetursins.
HJÓLBARÐAÞJÓNUSTA
BKT er einn stærsti framleiðandi hjólbarða fyrir
traktora, vinnu- og iðnaðarvélar í heimi. BKT hefur
einnig haslað sér völl í framleiðslu á dekkjum fyrir
hjólaskóflur og stóra vörubíla (Búkollur).
HJÓLBARÐAR FYRIR
TRAKTORA, vINNUvéLAR
Og LANdBúNAÐAR TæKI
vIÐ eIgUm gRíÐARLegT úRvAL HJÓLBARÐA
FYRIR FLeSTAR TegUNdIR véLA, TæKJA
Og vAgNA. KíKTU á pITSTOp.IS eÐA HAFÐU
SAmBANd í SímA 568 2020.
BKT mp567 BKT FLOT648 BKT TR459
BKT AgRImAX RT-657
dUggUvOgI RvK AUSTURvegI SeLFOSS pITSTOp.IS www
HeLLUHRAUNI HFJRAUÐHeLLU HFJ 568 2020 SímI
Listakonan Aðalheiður S. Eystein­
sdóttir opnar listasýninguna Áfan­
gastað á Sauðfjársetrinu í sumar.
Sýningin stendur út ágúst.
Matthías Lýðsson í Húsavík heldur í hrútinn á Íslandsmeistaramóti í hrútadóm­
um haustið 2011 en Arnar Snæberg Jónsson, fyrrverandi framkvæmdastjóri
Sauðfjársetursins, þuklar gripinn.
Framkvæmdastjóraskipti urðu hjá Sauðfjársetri á Ströndum um síðustu
áramót. Arnar S. Jónsson lét af störfum og Siglfirðingurinn Ester Sigfúsdóttir,
ferðaþjónustubóndi á Kirkjubóli með meiru, tók við starfinu.
Guðmundur Guðlaugsson frá
Hvammi í Hvítársíðu ekur til sigurs
í ökuleikni á aldraðri dráttarvél á
dráttarvéladegi Sauðfjársetursins í
sumar.
Barbara Guðbjartsdóttir í Miðhúsum í Kollafirði sigraði í kvennaflokki í
dráttarvélarakstrinum með glæsibrag.