Bændablaðið - 09.08.2012, Blaðsíða 28

28 Bændablaðið | Fimmtudagur 9. ágúst 2012
Íslensk hönnun
Með endurnýtingu
að leiðarljósi
K
ristjana Jenný Ingvars-
dóttir, út sti l l inga-
hönnuður, stofnaði fyrir-
tækið Tildur Redesign
fyrir nokkrum árum þar
sem hún hannar litrík og smart
hálsmen og armbönd ásamt kven-
fatnaði sem búinn er til úr eldri
fötum. Hönnunin ber þess merki
að hugmyndafluginu er gefinn laus
taumur og Kristjana vinnur út frá
því að búa til nýtt úr gömlu.
Upphaf:
„Ég byrjaði á að búa til skartið þegar
ég var í fæðingarorlofi árið 2011. Í
byrjun var ég í samstarfi við bróður
mannsins míns en er aðeins ein að
föndrast þetta núna . En annars hef
ég alltaf haft mikla sköpunarþörf og
hef áhuga á að endurnýta úr því sem
ég hef til staðar. Ég er búin að vera að
skapa eitthvað frá því að ég var krakki
og sem dæmi var ég hálfgerður nörd í
menntaskóla þar sem ég gekk nánast
eingöngu í endurunnum fötum.“
Efniviður:
„Ég endurnýti allt mögulegt þegar
kemur að textílnum og fyrir skartið
þá nota ég perlur úr gömlu skarti, ég
læt skera út fyrir mig gamla silfur-
bakka, tekkbakka og ég mála perlur
og nota gamlar tréperlur úr gömlum
tréperluhengjum. Einnig flyt ég inn
efnivið frá Hollandi sem ég nota með.
Þannig að ég þróa allt mögulegt til að
fá réttu útkomuna. Perlufestarnar og
armböndin hafa verið langvinsælust,
þar blanda ég mikið saman ólíkum
efnum og litum.
Ég sauma dömublússur, kjóla,
toppa og jakka úr gömlum fötum.
Ég hef tekið eftir því að konur hafa
gaman af endurnýtingu og spyrja
gjarnan hvað þetta hafi verið áður?
Ég hef lítið getað saumað undanfarið
en þetta er liður sem mig langar til að
sinna betur.”
Innblástur:
„Hann kemur allsstaðar frá en ég
er rosalega hrifnæm og forvitin að
eðlisfari. Það þarf ekki meira til en
að ég sjái kött nágrannans til að fá
hugmynd. Ég les mikið erlend blogg
og tímarit og fæ gjarnan hugmyndir
þaðan. Einnig ef ég sé fólk úti á götu
eða hitti annað fólk, þá getur komið
eitthvað út úr því.“
Framundan:
„Ég er með tvö ung börn, ásamt því
að vera með annan rekstur sem krefst
tíma og því þarf ég að nýta tíma minn
vel. En ég næ þó að byggja upp vöru-
merkið hægt og sígandi og þetta
gengur mjög vel hjá mér, ég get
ekki kvartað. Hugmyndirnar eru
endalausar hjá mér en þetta er alltaf
spurning með tímann. Í framtíðinni
hef ég áhuga á að stækka Tildur
og draumurinn er að koma einnig
á facebook undir Tildur Íslensk
hönnun og einnig er ég með síðuna
www.mydesign.is sem heldur utan
um allt mitt.“ /ehg
Kristjana Jenný Ingvarsdóttir, útstillingahönnuður, hannar litrík hálsmen,
armbönd og kvenfatnað undir merkinu Tildur Redesign.
Fyrirsæta í blússu sem Kristjana saumaði og með hálsmen sem hún setti saman á smekklegan hátt.
Armbönd í öllum regnbogans litum.
Falleg hálsmen úr smiðju Tildurs Redesign.