Fréttablaðið - 15.02.2012, Blaðsíða 18
Nemendur í klausturskóla búddísku
munkanna sem Anna Gyða og Sigurjón
dvöldu hjá um tíma.
Aung San Suu Kyi var alveg yndisleg að sögn þeirra Sigurjóns, sem hér er lengst til
vinstri, og Önnu Gyðu sem stendur við hlið hennar.
Frá fundinum með Aung San Suu Kyi í Búrma.
Þau dvöldu tíu daga í Búrma,
þar sem erfiðleikum er bundið
að fá vegabréfsáritun þangað til
lengri tíma, en afganginn af tím-
anum nýttu þau til að kynna sér
Taíland og þá einkum hreyfingar
sem berjast fyrir lýðræði í Búrma.
„Við vorum í starfsþjálfun hjá
dagblöðum og vefmiðlum í Taílandi
sem fjalla um málefni Búrma, hitt-
um fyrrverandi pólitíska fanga og
fleira baráttufólk úr ýmsum hreyf-
ingum.“ segir Sigurjón. „Í Búrma
vorum við svo í klausturskóla sem
ekki er á vegum yfirvalda en þar
kenna búddamunkar búrmískum
börnum og unglingum úr öllum
þjóðfélagshópum gagnrýna hugsun
og fleira í þeim dúr.“
Hvernig kom það til að þið feng-
uð að hitta Aung San Suu Kyi?
„Það var þannig að í Danmörku
býr hópur búrmískra innflytj-
enda sem tók þátt í byltingunni
1988 þegar Aung San Suu Kyi kom
fram á sjónarsviðið,“ segir Anna
Gyða. „Kennararnir okkar kom-
ust í samband við þetta fólk sem
við fengum að hitta og það sagði
okkur enn frekar frá ástandinu í
Búrma. Stuttu seinna höfðu þau
samband og tilkynntu okkur að við
gætum fengið fund með Aung San
Suu Kyi. Það vildum við auðvitað
en bjuggumst ekki við að fá eins
langan tíma með henni og raunin
varð. Hún var með okkur í um það
bil tvo tíma og við spurðum hana
að öllu sem okkur langaði að vita,
ræddum meðal annars um mikil-
vægi menntunar og framtíðarhorf-
ur landsins. Hún sýndi okkur mik-
inn áhuga og var alveg yndisleg.“
Hvernig upplifðuð þið ástandið
í Búrma? „Það er hægfara þróun
í lýðræðisátt þessa dagana, þótt
það séu kannski engar drastískar
breytingar,“ segir Sigurjón. „Það
er verið að sleppa pólitískum
föngum og aukakosningar verða
haldnar núna í byrjun apríl þar
sem Aung San Suu Kyi verður í
framboði, þannig að það er mikil
von hjá fólkinu í baráttunni við að
öðlast lýðræði. En þótt við höfum
verið búin að læra um þetta í marg-
ar vikur var allt önnur upplifun að
koma á staðinn, sjá þetta með eigin
augum og upplifa allt þetta eftir-
lit.“ Anna Gyða tekur undir það.
„Það var rosalegt. Þetta var eins
og maður sér í bíómyndum. Eftirlit
stjórnvalda er gífurlega mikið og
fólk er hrætt við að tala um stjórn-
mál því það veit aldrei hver er að
hlusta. Þegar maður les um svona
ástand og lærir um það þá ímynd-
ar maður sér djúpa sorg sem liti
allt líf fólks en það kom mér mikið
á óvart að þrátt fyrir allt þá lifir
fólk bara sínu hversdagslífi og
lætur ástandið ekki stjórna sér.
Fólkið þarna var ótrúlega hlýtt og
gott og tilbúið til að gera allt fyrir
mann.“
Urðuð þið fyrir aðkasti vegna
áhuga ykkar á lýðræðisumbótum?
„Já, við fundum fyrir því. Við
pössuðum til dæmis að hafa fund-
inn með Aung San Suu Kyi síðasta
daginn sem við vorum í Búrma því
við vissum að eftir hann yrðum við
undir eftirliti,“ segir Anna Gyða.
„En ég upplifði samt aldrei að
maður væri sjálfur í hættu þrátt
fyrir eftirlitið,“ segir Sigurjón.
„Það var frekar fólkið sem við
hittum sem var að taka áhættuna.
Við mæltum okkur til dæmis mót
við blaðamann, á blaðinu Myan-
mar Times sem yfirvöld eru ekki
hlynnt, á kaffihúsi en hann hafði
á tilfinningunni að verið væri að
fylgjast með sér þannig að hann
flutti fundinn upp á hótel. Það
endaði með því að við hittum hann
uppi á þaki hótelsins þar sem eng-
inn virtist geta fylgst með okkur.
Í landinu er gríðarleg ritskoðun,
stjórnvöld reyna að koma áróðri
sínum að í öllum innlendum fjöl-
miðlum en aðgangur almennings
að internetinu og alþjóðlegum
fréttum er mjög takmarkaður.“
Ætlið þið að halda áfram að
fylgjast með þróuninni í Búrma?
„Já, við erum í sambandi við nokk-
ur ungmenni sem við kynntumst
þarna og fylgjumst með því sem
þau eru að gera í gegnum netið.
Áhuginn á Búrma minnkaði ekki
nema síður væri við þessa ferð
og við munum vissulega fylgj-
ast vel með þróun mála þar. Þessi
ferð hafði djúpstæð áhrif á okkur
og ómögulegt að koma þeim hug-
hrifum til skila í stuttu viðtali.
Við höfum haldið nokkrar kynn-
ingar fyrir ungmenni í æskulýðs-
starfi og sagt þeim frá ferðinni og
landinu, okkur finnst mikilvægt að
vekja athygli á þróuninni í Búrma.
Þeim sem hafa áhuga á að kynna
sér ástandið bendum við á að kvik-
mynd Luc Besson, The Lady, sem
fjallar um Aung San Suu Kyi, er
einmitt sýnd í kvikmyndahúsum
hér heima núna,“ segja þau Anna
Gyða og Sigurjón.
fridrikab@frettabladid.is
Framhald af forsíðu
„Þegar maður les um svona ástand og lærir um það þá
ímyndar maður sér djúpa sorg sem liti allt líf fólks.”
Litlanefnd Ferðaklúbbs-
ins 4x4 heldur í dags-
ferð laugardaginn 18.
febrúar og er skráning
hafin. Áætlað er að fara
frá Reykjavík yfir Lyng-
dalsheiði inn á Kjalveg
og upp í Kerlingarfjöll
og næsta nágrenni.
Þátttaka er ókeypis og
allir eru vel-
komnir.
f4x4.is
Tækifæri í hjólaferðamennsku á Íslandi verður umfjöll-
unarefni málþings sem haldið verður 24. febrúar næstkom-
andi í húsnæði Eflu verkfræðistofu, Höfðabakka 9. Nánari
upplýsingar á www.ferdamalastofa.is
AÐEINS ÞESSA VIKUNA
ALLAR YFIRHAFNIR Á
50% AFSLÆTTI.
www.belladonna.is
Stærðir
40-60.
Flott föt fyrir
flottar konur,
LOKA-
Útsölulok
30 - 50%
afsláttur af
útsöluvöru
aukaafsláttur af útsöluvö
rum
reiknast við kassa
Kynningarfundur verður haldinn 15. febrúar kl. 20:00 á
Hótel Natura (áður Hótel Loftleiðir).
Ekvador er eitt allra litríkasta og forvitnilegasta land Suður-Ameríku, um 230
þúsund ferkílómetrar að stærð og með um 14 milljón íbúa. Meirihluti þeirra er af
frumbyggjaættum. Landsvæðið nær yfir þurrlendi við Kyrrahafið, upp í hásléttur
og jökulþakin eldfjöll og niður í hlýjan og rakan frumskóg Amazon-svæðisins.
Í þessari ferð er farið um fyrrgreinda landshluta til þess að kynnast mannlífi,
náttúru, menningu og sögu sem nær mörg þúsund ár aftur fyrir okkar tímatal.
Ferðin hefst í Quito, en gamli borgarhlutinn er á heimsminjaskrá UNESCO. Síðan
er ferðast norður í land á eldfjallaslóðir en þar á eftir allt suður til borgarinnar
Cuenca, sem er talin með fegurri borgum álfunnar, skoðaðar inkarústir og
þjóðgarðar, og bærinn Banos undir virka eldfjallinu Tungurahua heimsóttur
í leiðinni. Stærsta borg landsins, Guyaquil er einn viðkomustaðurinn, ásamt
fiskimannaþorpum norðar á ströndinni. Þar er farið í ýmsar skoðunarferðir, á
sjó og landi. Að lokum er farið austur um í frumskóginn við Rio Napo þar sem
Quechua-frumbyggjar kynna sitt land fyrir hópnum.
www.baendaferdir.is
Sp
ör
e
hf
.
s: 570 2790
A L L I R G E T A B Ó K A Ð S I G Í B Æ N D A F E R Ð I R
Ekvador - milli fjalls og fjöru
16. október - 8. nóvember
Fararstjóri: Ari Trausti Guðmundsson