Fréttablaðið - 15.02.2012, Blaðsíða 27

KYNNING − AUGLÝSING Prentsmiðjur15. FEBRÚAR 2012 MIÐVIKUDAGUR 7
Í slagorðinu felst að við getum leyst málin frá upphafi til enda, hvort sem við-skiptavinurinn kemur með óljósa hug-
mynd í kollinum eða óunnin gögn. Hann
þarf einfaldlega ekki að hafa áhyggjur meir
því við sjáum af fagmennsku um málið
frá A til Ö,“ segir Sölvi Sveinbjörnsson,
framkvæmdastjóri Umslags. Hann segir
fyrirtækið bjóða fjölbreytta vöruflokka og
úrlausnir.
„Meðal verkefna Umslags á sviði gagna-
prentunar eru reikningar, yfirlit og mark-
póstur, svo eitthvað sé nefnt. Við sérhæfum
okkur í hönnun, áritun og pökkun gagna
og prentun umslaga, en erum jafnvíg á alla
aðra prentun, jafnt stóra sem smáa,“ út-
skýrir Sölvi og bætir við að fyrirtækið leggi
mikið upp úr öryggismálum.
„Öryggi og trúnaður skiptir höfuðmáli
við vinnu á viðkvæmum gögnum, hvort
sem þau koma frá ríki, borg eða fyrirtækj-
um. Þá höfum við alltaf verið ófeimnir að
vera í samstarfi við aðra, bæði prentsmiðj-
ur og fyrirtæki, og þar má meðal annars
nefna Advania, en það samstarf hefur varað
í hartnær tvo áratugi,“ útskýrir Sölvi.
Meðal vinsælla úrlausna Umslags er svo-
kallað prentbox fyrir fyrirtæki. Prentbox er
gagnagrunnur á netinu þar sem fyrirtæki
geta vistað öll prentgögn sín á einum stað.
„Prentbox hafa slegið í gegn og mörg
fyrirtæki sem nýta sér þægilegan aðgang að
prentgögnum sínum, þaðan sem auðvelt er
að vinna með þau áfram og panta prentun
úr þegar á þarf að halda og hvaðanæva að,“
segir Sölvi.
Hann segir Umslag mestmegnis starfa í
þjónustu fyrirtækja og að nú færist í aukana
að óskað sé eftir breytilegri prentun.
„Með breytilegri prentun geta fyrirtæki
sent út markpóst með mismunandi skila-
boðum, myndum og grafík til ólíkra við-
takenda. Þá tökum við með í reikning-
inn viðskiptamannalista fyrirtækisins og
klæðskerasníðum markpóstinn að ólíkum
markhópum. Með því geta fyrirtæki sent út
markvissari skilaboð og náð til markvissara
úrtaks hverju sinni.“
Sölvi segir prentsmiðjur lifa í síbreytilegu
vinnuumhverfi og til að mæta því ætli Um-
slag að snúa sér meira að stafrænni vinnslu
en áður, bæði í prentun og annarri þjónustu.
„Við ætlum að færa út kvíarnar með fleiri
boðleiðum sem enn munu auka á mögu-
leika fyrirtækja til að ná til viðskiptavina
með óvæntum og skemmtilegum leiðum.“
Frá hugmynd
til viðtakanda
Umslag stendur á tvítugu um þessar mundir. Slagorð fyrirtækisins er
ofangreint og ekkert verkefni of stórt né flókið í meðförum starfsfólks
Umslags sem sérhæfir sig í prentun, pökkun og dreifingu fjölbreyttra
gagna.
Sölvi Sveinbjörnsson er framkvæmdastjóri Umslags. Þar á bæ er tekið einkar hlýlega á móti gestum í einstöku
og umhverfisvænu fyrirtæki. MYND/VALLI
Þeir sem stunda pappírs-viðskipti og prentun hafa í seinni tíð þurft að sitja undir
gagnrýni um að vera óvinir nátt-
úrunnar og eyða dýrmætum skóg-
um til þess eins að skaða umhverf-
ið. Því andmælum við harðlega því
pappírsnotkun nú til dags tengist
viðamikilli umhverfisstefnu sem
rekin er um allan heim,“ segir
Sölvi Sveinbjörnsson í Umslagi,
þar sem umhverfisvernd hefur
alla tíð verið höfð að leiðarljósi,
en fyrirtækið fékk meðal annars
umhverfisverðlaun Reykjavíkur-
borgar árið 2003 og er í þann veg-
inn að fá Svansvottun, sem er nor-
rænt umhverfismerki sem vottar
strangar umhverfis-, heilsu- og
gæðakröfur.
„Umslag hefur alltaf verið dug-
legt að flokka og skila, og notar
eingöngu endur v innanlegan
pappír úr nytjaskógum. Í nytja-
skógum eru ræktuð ný tré í stað
þeirra sem felld eru til pappírs-
framleiðslu. Það er hollt fyrir
náttúruna því tré eru öflugust á
fyrstu æviárunum og vinna þá
mest gegn mengun. Síðar hægist
á virkni þeirra og því ávinningur
fyrir umhverfið að fella gömul tré
til að rækta upp ný í staðinn.“
Vinir náttúrunnar
Umslag er umhverfisvænt fyrirtæki alla leið og fær Svansvottun á næstu dögum.
Sölvi í prentsal Umslags þar sem náttúruvernd er höfð í hávegum við vinnslu prentgripa. MYND/VALLI
SAGAN UM LITLA LJÓTA MYNDAGALLERÍIÐ
Á veggjum Umslags hanga yfir 150 málverk, dreifð um fyrirtækið, jafnt
skrifstofur, vinnslusali, kaffistofu og salerni þess. Tilurð listaverkasafnsins,
sem í daglegu tali Umslagsfólks er kallað Litla, ljóta myndagalleríið, er frá
árdögum fyrirtækisins þegar þáverandi eigandi keypti málverk sem sam-
býliskona hans hafði ekki smekk fyrir. Hann ákvað því að stofna sitt eigið
gallerí og er ötull listaverkasafnari, en á veggjum Umslags hanga verk
stórmálara niður í minni spámenn.
„Við bjóðum viðskiptavinum alltaf að skoða listagalleríið, en ef þeir hafa
áhuga mega þeir skoða vinnsluna í leiðinni,“ útskýrir Sölvi og kímir.
HEIMILISLEGT OG KÓSÍ
Í Umslagi starfar þéttur hópur sautján starfsmanna í notalegu og
heimilis legu umhverfi.
„Við erum meira í ætt við fjölskyldu en fyrirtæki og fylgjumst vel með
sálarástandi hvers annars,“ segir Sölvi hlæjandi. „Styrkur fyrirtækisins
liggur í hvaða augum starfsfólkið lítur það. Umslag er eins og annað
heimili þess; við gerum mikið saman, göngum á jökla, förum í ferðalög,
höldum þorrablót, jólaboð og fleira. Þá erum við með ákveðna mennta-
og forvarnastefnu sem felst meðal annars í því að allir starfsmenn sækja
nauðsynleg námskeið, og einnig má nefna að þeir fá göngugreiningu
í Flexor og þar til gerða skó og innlegg ef þeir óska, því stöður eru oft
miklar við vélar. Í okkar umhverfi skiptir miklu að allir geti unnið hratt og
vel og við gerum okkar besta til að starfsfólkinu líði sem best við störf
sín.“
TIL UMHUGSUNAR
„Prentun hefur verið við lýði í 500 ár
og pappír verið til í 5.000 ár. Því mun
iPad ekki breyta á einni nóttu.“
- Benny Landa