Fréttablaðið - 21.02.2012, Blaðsíða 6

21. febrúar 2012 ÞRIÐJUDAGUR6
SVÍÞJÓÐ Umskurður drengja á
trúarlegum forsendum er líkams-
árás. Þetta segir félag barna-
lækna í Svíþjóð.
Félagið hefur gefið út yfir-
lýsingu þar sem hvatt er til þess
að umskurður sem ekki byggi á
læknisfræðilegum þáttum verði
bannaður.
Staffan Jansson, stjórnarmað-
ur í félagi barnalækna, segir að
banna eigi umskurð vegna þess að
drengir geti ekki tekið ákvörð-
un sjálfir. Aðgerðin feli í sér
afskræmingu. - þeb
Ofbeldi gagnvart drengjum:
Læknar vilja
banna umskurð
HEILBRIGÐISMÁL Skurðaðgerðir
vegna brottnáms PIP brjóstapúða
hófust á Landspítalanum í gær-
morgun. Talið er að um 440 konur
hér á landi séu með púðana, en af
þeim fengu 393 bréf frá velferðar-
ráðuneytinu þar sem boðið var að
láta fjarlægja púðana úr þeim á
Landspítalanum. Nýir sílíkonpúðar
verða ekki settir í konurnar í sömu
aðgerð.
Af þessum 393 konum hafa
154 leitað til Krabbameinsfélags
Íslands og farið í ómskoðun vegna
brjóstafyllinganna. Samkvæmt nýj-
ustu tölum frá landlæknisembætt-
inu hafa 89 þeirra, eða 58 prósent,
greinst með leka púða.
Hlutfa l l lekat íðni hefur
lækkað töluvert frá því að fyrstu
skoðanirnar voru framkvæmdar á
Leitarstöðinni, en til að byrja með
var rúmlega 80 prósent kvenna með
leka púða. Það fór svo niður í 68 pró-
sent í næstu skoðun og stendur nú
í 58 prósentum, eins og áður sagði.
Evrópusambandið rannsakar
nú hvort iðnaðarsílíkonið í hinum
frönsku PIP púðum sé skaðlegra
en annað sílíkon, en niðurstöður
rannsókna hingað til hafa verið
ófullnægjandi. Getgátur hafa verið
á lofti um að það sé krabbameins-
valdandi, en erfitt hefur reynst að
staðfesta það þar sem mismunandi
efnasambönd eru í púðunum. - sv
Um 58 prósent skoðaðra kvenna með leka PIP púða samkvæmt nýjustu tölum:
Byrjað að fjarlægja PIP púða
SKURÐAÐGERÐ Brottnám PIP púða úr
brjóstum kvenna hófst í gærmorgun.
Nýr opnunartími í Vínbúðunum
Skeifunni, Dalvegi og Skútuvogi.
OPNUM KL. 10
ALLA VIRKA DAGA
Þú sérð opnunartíma annarra Vínbúða á vinbudin.is
E
N
N
E
M
M
/
S
ÍA
/
N
M
49
95
2
KEMUR HEILSUNNI Í LAG
20% AFSLÁTTUR
1.FEB-29. FEB
Sigurjón M. Egilsson
stýrir Sprengisandi
á sunnudags morgnum kl. 10–12
Sprengisandur
kraftmikill þjóðmálaþáttur
GRIKKLAND Vonir stóðu til þess í
gærkvöldi að fjármálaráðherrar
evruríkjanna samþykktu 130 millj-
arða evra fjárhagsaðstoð við Grikk-
land. Fundi þeirra sem fram fór í
Brussel í gær var ekki lokið þegar
Fréttablaðið fór í prentun.
Í tengslum við þessa aðstoð er
talið líklegt að fjármálafyrirtæki
felli niður 100 milljarða evra af
skuldum gríska ríkisins, og tapi
þar með allt að 70 prósentum af því
sem Grikkir skulda þeim.
Grikkland þarf fé frá Evrópu-
sambandinu og Alþjóðagjaldeyris-
sjóðnum fyrir 20. mars til að geta
greitt næstu afborganir af skuldum
ríkissjóðs.
„Við verðum að ná niðurstöðu á
þessum fundi, tíminn er að renna
út,“ sagði Jean-Claude Juncker, for-
sætisráðherra Lúxemborgar, sem
stýrði fundi fjármálaráðherranna
í gærkvöldi.
Þjóðþing þriggja evrulandanna,
nefnilega Þýskalands, Hollands og
Finnlands, þurfa reyndar að sam-
þykkja þessa fjárhagsaðstoð áður
en hún verður að veruleika. Loks
þarf leiðtogaráð Evrópusambands-
ins að leggja blessun sína yfir hana
á fundi sínum í byrjun mars.
Miklar efasemdir eru um að
þessar aðgerðir dugi til að koma
ríkisskuldum Grikklands niður í
120 prósent af vergri landsfram-
leiðslu, eins og stefnt er að. Lands-
framleiðslan hefur dregist saman
þannig að nú þegar vantar að
minnsta kosti sex milljarða evra
upp á að það markmið náist.
Niðurskurður í ríkisfjármálum
hefur bitnað harkalega á almenn-
ingi í Grikklandi og hagvöxtur vart
í sjónmáli.
Volker Kauder, þingflokks-
formaður Kristilega demókrata-
flokksins í Þýskalandi, hefur vakið
athygli á því að Grikkjum standi til
boða umtalsverður stuðningur úr
svæðaþróunarsjóði ESB. Reyndar
standi bæði Spánverjum og Portú-
gölum slík aðstoð til boða.
„Peningarnir eru til á fjárlögum
Evrópusambandsins. Það á bara
eftir að óska eftir því,“ segir hann
í þýska vikublaðinu Bild am Sonn-
tag. Með þessu fé geti Grikkir feng-
ið hjálp við uppbyggingu með svip-
uðum hætti og Þýskaland fékk
eftir seinni heimsstyrjöldina með
Marshall-aðstoð frá Bandaríkjunum.
Þá hafa Þjóðverjar boðist til að
aðstoða Grikki við endurbætur á
stjórnsýslu ríkisins, meðal ann-
ars við að útbúa skilvirkara skatt-
kerfi. Wolfgang Schäuble, fjármála-
ráðherra Þýskalands, hvetur Grikki
til að fallast á þetta boð.
Grikkir gætu þó átt erfitt með
að þiggja aðstoð af þessu tagi frá
Þýskalandi, ekki síst í ljósi þess
hve illa Grikkir tóku í nýlegar hug-
myndir Þjóðverja um að Evrópu-
sambandið taki tímabundið að sér
stjórn efnahagsmála í Grikklandi.
gudsteinn@frettabladid.is
Funduðu um aðstoð
við grísk stjórnvöld
Fjármálaráðherrar evruríkjanna reyndu í gærkvöldi að ná saman um 130
milljarða evra aðstoð til Grikklands. Grikkir eiga rétt á fé úr svæðaþróunarsjóði
ESB. Þjóðverjar bjóðast til að hjálpa til við stjórnsýslu og útfærslu skattareglna.
Á FUNDI FJÁRMÁLARÁÐHERRA EVRURÍKJANNA Í BRUSSEL Lúkas Papademos, for-
sætisráðherra Grikklands, á tali við Jean-Claude Juncker, fjármálaráðherra Lúxem-
borgar, og Evangelos Venizelos, fjármálaráðherra Grikklands. FRÉTTABLAÐIÐ/AP
Borðar þú bollur á bolludag-
inn?
JÁ 83%
NEI 17%
SPURNING DAGSINS Í DAG:
Borðar þú saltkjöt og baunir á
sprengidaginn?
Segðu þína skoðun á visir.is
EVRÓPUMÁL Félag löggiltra endurskoðenda segir
frumvarp um undanþágu skatta og gjalda af IPA
styrkjum Evrópusambandsins (ESB) ekki fylgja
þeirri kröfu að styrkirnir skuli renna óskiptir til
þeirra verkefna sem þeim er ætlað. Þetta kemur
fram í umsögn félagsins um frumvarpið, en það
verður líklega afgreitt innan skamms úr efnahags-
og viðskiptanefnd til annarrar umræðu á þingi.
Samkvæmt umsögn endurskoðenda eru hugtök
frumvarpsins oft óljós, sem geti varpað vafa um
hvort greiða þurfi skatt af þjónustu eða ekki. Sam-
kvæmt því gæti frumvarpið veikt stöðu innlendra
aðila í samkeppni um verk tengd IPA verkefnum því
að þeir þurfi að greiða tekjuskatt af sínum tekjum á
meðan svo er ekki um erlenda aðila.
Bændasamtök Íslands og Landssamband
íslenskra útvegsmanna leggjast gegn frumvarpinu
þar sem þau telja að það feli í sér aðlögun að reglu-
verki ESB.
Aðrir aðilar, til dæmis Samband íslenskra sveitar-
félaga, Náttúrufræðistofnun Íslands og Ríkisskatt-
stjóri gera engar athugasemdir við frumvarpið í
svörum sínum. Samband sveitarfélaga telur rétt að
þau sveitarfélög sem hafi áhuga á að taka þátt í IPA
verkefnum á sviði byggðamála fái tækifæri til þess.
- þj
Endurskoðendur um frumvarp vegna skattaundanþága tengdra IPA styrkjum:
Gæti veikt stöðu innlendra aðila
ALÞINGI Frumvarpið er nú til umfjöllunar hjá efnahags- og við-
skiptanefnd og mun líklega fara til annarrar umræðu á þingi
innan skamms. FRÉTTABLAÐIÐ/GVA
KJÖRKASSINN
milljarðar evra
er sú upp-
hæð sem
Grikkland þarf til að greiða
af skuldum sínum þann 20.
mars.
120